Habakkuk 2:3 - Tedim Bible

³ Hih thu a tun’ nading hun hi pah nai lo ahih manin, lai-in ciamteh in. Ahi zongin hong tung baih ta ding a, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin’ ciangin hong tung takpi ding a, hong zekai lua nawn lo ding hi.

Tedim Bible Revision 2017

³ Hih thu a tun nading hun hi pah nai lo ahih manin lai-in ciamteh in. Ahi zongin hong tung baih ta dinga, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin ciangin hong tung takpi dinga, zekai lua nawn lo ding hi.

Habakkuk 2:3 Referans Kwoze

Late 27:14

Topa ngak in; tha khauh in la, na lungsim hangsak in; hi hi, Topa ngak in!

Ezekiel 12:25

Topa ahi keimah in amaute tungah thu ka gen ding a, ka gen bangin tung takpi ding hi. Tu-in zekai nawn lo ding hi. A lehdo thei mihingte aw, hih dinga ka gen bangin nomau nuntak sung mahmahin ka tungsak ding hi. Topa Pasian ahi keimah in thu ka gen khin zo hi,” hong ci hi.

Late 102:13

Nangmah tho-in Zion khua na hehpih ding hi; amah na angvan hun ding hi ta hi; a kiciangtansa hun hong tung khin hi.

Daniel 10:14

Mai lam hunah na mipihte’ tunga hong tung ding thu hilhkhol dinga hong pai ka hi hi. Hih in mai lama hong piang lai ding mangmuhna ahi hi.

Micah 7:7

Ahi zongin kei ka hih leh Topa ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Sawltak 1:7

Zeisu in, “Pa in ama ukna-ah a koihsa a hun ahi zongin, a ni ahi zongin na theih nadingun thu a om kei hi.

Daniel 8:19

Amah in, “Pasian’ hehna hanga a kisehsa hun a, thupiang dingte ka hong lak ding hi. Mangmuhna in hun bei nading lahna ahi hi.

Galati 4:2

A pa thuciamna a hun a tun’ matengin amah in a cingte leh a keemte’ khut nuai-ah a om hi.

Luka 2:25

Tua lai takin Simeon kici mi khat Jerusalem khuapi ah a om hi. Tua pa dik a, Pasian zahtak a, Israel mipawlte’ nopsak nading a lamen hi. Kha Siangtho in ama tungah a om hi.

Daniel 11:35

Mi pawlkhat in thahna a thuak ding uh hi. Tua banga a pian’na thu in, beina a tun’ mateng sian’tho sakna leh mipha leh misia khentelna, Pasian’ sehsa hun a tun’na ahi hi.

Sawltak 17:26

Amah in leitung mi khempeuh minam khat bek pan bawl a amaute nuntak nading hun ahi zongin, amau omna atuam atuam ahi zongin a ciamteh zo hi.

Daniel 8:17

Gabriel hong pai-in ka kiangah hong ding a, lau lua mahmah ka hih manin lei tungah ka puk hi. Amah in, “Leitungmi aw, a khiatna thei in. Mangmuhna pen hun beina ding lahna ahi hi,” ci-in ka kiangah a hong gen hi.

Paikhiatna 12:41

Kum za li leh kum sawmthum a cin’ ni teekteekin Izipt leitang panin Topa’ mihonpite paikhia uh hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

Daniel 11:27

Tua kumpi tegel in sabuai khat tungah tu in, an a ne khawm ding uh hi. Ahih hangin a ngaihsutna uh a hoih zaw sang om tuan lo ahih manin a kikhem tuak ding uh hi. A hun tung nai lo ahih manin a deih bang uh a ngah zo kei ding uh hi.

2 KUMPI NIHNATE 6:33

Amaute tawh amah a kiho lai takin ama kiangah kumpipa hong paisukin, “Hih lungkhamna Topa’ kiang pan ahi hi! Bang hangin Topa ngak lai ding ka hi hiam?” a ci hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Jeremiah 27:7

Ama’ gam kisiat hun a tun’ mateng gam khempeuh in amah-a kipan a tapa leh a tupa’ na a sepsak ding uh hi. Tua khit ciangin gam tampi leh kumpi liante in amah salin a leh neih kik ding uh hi.

2 PETER NIHNA 3:9

Mi kim khat in zekai-a a ciamteh theih uh bangin Pasian in a thuciamna-ah a zekai kei hi. Kuamah kisia loin, mi khempeuhte in kisikkikna a ngah nadingun deihin, amah in note hong thuak hi.

Isaiah 8:17

Jakob innkuante’ kiang panin a maitang a seel Topa ngakin amah ka muang ding hi.

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte leh kumpi gamte kaikhawmin, ka hehna ka thuaksak ding, ka lungsim ka khentat khin hi. Ka heh luatna meikuang tawh, leitung khempeuh kangtum ding hi.

Gamlak-vakna 23:19

A zuau dingin Pasian in mihing hi lo hi, a kisik dingin mihing’ tapa hi lo hi. Amah in ci khin hi, amah in hih lo ding ahi hiam? Amah in gen khin hi, amah in tangtungsak lo ding ahi hiam?

Isaiah 7:4

ama tungah, ‘Kidawm in la, om khinkhian in; lau kei in, Siria gam kumpipa Rezin leh Remaliah’ tapa’ hehna pen, sing tumbang nih a khute tawh kibang lel ahih manin kilunggim sak kei in.

Ezekiel 30:9

“Tua bangin Izipt gam a siatni hun hong tun’ ciangin bangmah khuaphawk loin a om Ethiopia mite kiangah kamtaite ka sawl ding a, amaute lau mahmah ding uh hi. Tua hun ding tu-in hong tung ta hi.