Habakkuk 2:10 - Tedim Bible

¹⁰ Note’ vaihawmna mah in na mite uh tungah maizumna hong tun’ a, minam dangte na suksiatna uh tawh, note mahmah siat nading a bawl na hi uh hi.

Tedim Bible Revision 2017

¹⁰ Noteʼ vaihawmna mah in na mite uh tungah maizumna hong tun a, minam dangte na suksiatna uh tawh, note mahmahʼ siat nading a bawl na hi uh hi.

Habakkuk 2:10 Referans Kwoze

Nahum 1:14

Topa in Assiria mite tawh kisai-in hih bangin thu pia hi: “Note na cimang ding uh a, note’ pasiante’ biakinn sunga om milimte ka susia ding hi. Note siahuai lua na hih manun, na hankhuk ding uh a bawlbawl ka hi ta hi,” ci hi.

2 KUMPI NIHNATE 9:26

‘Zan ni-in Naboth leh a tapate a kithahna ka muh taktak mah bangin—Topa in ci hi—leitang tung hih munah nang kong thuk ding hi,’ a ci hi. Tua ahih ciangin tu-in Topa’ thugen bangin amah tawmin tua mun leitang tungah paai in,” a ci hi.

Mattiu 27:25

Mi khempeuh in, “Ama si in ko tung leh ka tu ka tate tungah om tawntung ta hen,” a ci uh hi.

Habakkuk 2:16

Tua ahih manin note in zong minthan’na ngah loin, maizumin mindaina tawh na kidiah ding uh hi. Note mahmah in na hoi dongun na dawn ding uh hi. Topa in daanpiakna hai, note hong dawnsak ding a, na minthan’na uh mindaina suak ding hi.

Jeremiah 36:31

Amah leh a suan a khakte leh a nasemte a mawhna uh hangin ka daantat ding a, amau’ tung leh Jerusalem khua-a teengte’ tunga kipan Judah mite’ tungah tun’sak dinga ka gensa gimna khempeuh ka tungsak ding hi. Bang hang hiam cih leh amaute in ka thu hong ngai lo uh hi,’ ci-in va gen in,” ci-in Jeremiah a sawl hi.

Jeremiah 26:19

Judah kumpipa Hezekiah leh Judah mi khempeuhte in amah that zenzen uh ahi hiam? Kumpipa in Topa zahtakin Topa’ pahtak ding a nget ciangin Topa in zong amau’ tunga siatna tun’sak dinga a gensa khelkik zaw hilo ahi hiam? Ahih hangin eite in eite’ tungah siatna lianpi khat i tungsak dekdek hi,” a ci uh hi.

Jeremiah 22:30

Topa in hih bangin ci hi: “Hih pa, taselpa, a khan’ tawntung a gualzo ngeilo pa hi, ci-in ciamteh un. Ama’ suan leh khakte khat beek in David’ tokhom luahin, Judah gam a uk kei ding hi,” a ci hi.

Isaiah 33:11

Lopa keu na paii-a buhkung na suaksak hi. Na husan in nang hong kangtum mei ahi hi.

Paunak 8:36

Ahi zongin kei hong mu lopa in amahmah a kisusia hi a, kei hong mudah peuhmah, a si nuam ahi hi,” hong ci hi.

Paunak 1:18

Ahi zongin hih mite in amau’ awk nading mah thang siah uh a, kuamahdang awk loin, amau mah hai awk uh hi!

2 KUMPI NIHNATE 10:7

Amaute kiangah a laikhak a tun’ ciangin amaute in kumpipa’ suan-le-khakte la-in amau mihing sawmsagihte that uh a, tua ciangin a lutang uh seeng sungah guangin ama kiang Jezre-el ah puak uh hi.

1 KUMPI MASATE 2:23

Tua ciangin Kumpi Solomon Topa tawh kiciamin, “Hih thu in Adonijah’ nuntakna a lei kei taak leh Pasian in kei hong dawm kei ta hen!

Gamlak-vakna 16:38

amau’ nuntakna a beina dongin a khial hih mite’ paknamtui beelte siangtho hi; tua ahih ciangin biakna tau sitna kuangdai dingin seek un; bang hang hiam cih leh amaute in Topa mai-ah tuate pia uh hi; tua ahih ciangin tua nate siangtho hi. Israel mite tungah tua bangin hih nate in lim khat hi ding hi,” a ci hi.

Paunak 20:2

Kumpipa’ hehna in a lauhuai humpinelkai hawk bang hi a, kumpipa a hehsak khate in sih lawh uh hi.

Jeremiah 44:7

Tu-in a vanglian Topa Pasian, Israel mite’ Pasian in kong gen-inah: Bang hangin’ note in hih bangin note’ siat nadingin mawhna lianpi bawl na hi uh hiam? Judah gam sungah papi, nupi, naupang leh naungek-a kipan a nungta lai kuamah om nawn kei hen, cih na deihna uh ahi hiam?