Habakkuk 1:6 - Tedim Bible

⁶ A om khong thei lo, a kihtak-huai, Khaldea mite ka vang liansak ding a, leitung khempeuh ah amaute pai-in, gam khempeuh zo mang khin ding uh hi.

Tedim Bible Revision 2017

⁶ A omkhong thei lo, a kihtakhuai Khaldea mite, a vang ka liansak dinga, leitung khempeuh ah amaute pai-in gam khempeuh a zo mang khin ding uh hi.

Habakkuk 1:6 Referans Kwoze

2 KUMPI NIHNATE 24:2

Tua ciangin kamsangte ahi ama nasemte tung tawnin a gen Topa’ thugenna bangin Judah a susia dingin ama lang khatah Topa in Khaldea mihonte, Siria mihonte, Moab mihonte leh Ammon mihonte sawl hi.

Jeremiah 5:15

En un, Israel minamte aw, Topa in kong cih-inah, gamlapi panin note hong sim dingin gam khat kong kuansak ding hi. Tua gam in tanglai peka a om sa, a hat mahmah, amaute’ pau na theih loh uh gam khat ahi hi.

Jeremiah 25:9

en un, leilu lam-a om minam khempeuhte leh ka nasempa ahi Babilon kumpipa Nebukhadzezzar ka vaikhak ding a, hih gam leh a sunga teeng mi khempeuh leh hih kim-a om gam khempeuh a sim dingin ka va la ding hi. Keimah in amaute ka susia khin mang ding a, amaute a tawntungin siacip-in simmawhna ka thuaksak ding hi, ci-in Topa in kong gen hi.

Isaiah 23:13

Tai-ar khuapi, gamsate’ phualpi a suaksate in; Assiria mite hi lo a, Babilon mite ahi hi. Babilon mite in khuapi luh nading panmun bawl uh a, Tai-ar khuapi kulhte susia-in, khuapi sung khempeuh a sia suah uh hi.

Jeremiah 21:4

‘Topa, Israel mite’ Pasian in a gen-inah, En un, khua kulhpi pua lam-a a hong umcih Babilon kumpipa leh Khaldea mite na dona uh ahi, na khut sung-ua na kep na galhiamte uh bangmah a, kimang lo ka suaksak ding a, amaute khempeuh hih khuapi laizangah kong paipih ding hi.

Jeremiah 4:8

Tua ahih manin ippi puan silh un la, tau-in kap un; bang hang hiam cih leh Topa’ hehna lauhuaipi eite’ kiang pan kiheikhia nai lo hi.

Jeremiah 4:6

Zion mual lampi kihilh un la, na suahtak nadingun tai un, zekai kei un! Bang hang hiam cih leh leilu lam panin siatna lianpi kong puaksuk hi.

2 KHANG TANGTHU NIHNATE 36:17

Tua ahih ciangin amah in Khaldea mite’ kumpipa amaute’ lang khatah paipih a, amah in amau’ biakna inn sungah namsau tawh a tangvalte uh that a, tangval ahi a, nungak ahi a, a teek ahi a, a ham ahi zongin khasiat lo hi; amah in a vekpi-in ama khut sungah pia hi.

2 KHANG TANGTHU NIHNATE 36:6

Babilon kumpipa Nebukhadnezzar amah do-in hong paito a, Babilon ah a paipih dingin amah kol bulh hi.

Jeremiah 4:11

Tua hun ciangin hih mite leh Jerusalem khuamite’ kiangah, “A sa mahmah huih sehnel gam a sang mun panin ka mite’ tungah hong nung ding a, tua huih pen an vaite zapsiang dinga a nung huih bang hi lo hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte akipan siampite dongin thuman lo khin uh hi.

Jeremiah 13:20

“Jerusalem khua aw, khuadak in la, leilu lam pan-a hong paite en dih in. Nang a hong kipia a hoih mahmah na tuu honte koi-ah om ahi hiam?

Jeremiah 21:7

Tua khit ciangin, Topa in kong cih-inah, Judah kumpipa Zedekiah leh a nasemte leh, pulnatna, namsau leh kial-a si lo a nungta lai teng pen, amaute a that nuam Babilon kumpipa Nebukhadnezzar leh a galte uh’ khut sungah ka pia ding hi. Amah in amaute namsau tawh a that ding a, hehpih loin, zong a siit kei ding a, itna lungsim a nei kei ding hi,’ va ci un,” a ci hi.

Ezekiel 16:40

Amaute in mihonte hanthawnin, tua mihonte in suang tawh nang hong deengin, a namsau uh tawh hong satzan ding uh hi.

Ezekiel 21:31

Note tungah ka hehna kong khah ding a, mei-am kuang hong bang ding hi. Mi thah a siam, migilote khut sungah note kong pia ding hi.

Ezekiel 28:7

thukhualna a nei het lo galte, nang ka hong simsak ding hi. Na pilna leh na siamna tawh na lamsa khempeuh amaute in hong vatmaisak ding uh hi.

Ezekiel 31:12

Thu khualna a nei lo gamdang mite in tua singkung phukin nusia cip ding uh hi. Mual khempeuh leh guam khempeuh ah, a hiang kitante kia ding uh hi. A liim a beel minam khempeuh in taisan ta ding uh hi.

2 KUMPI NIHNATE 24:1

Ama hun sungin Babilon kumpipa Nebukhadnezzar hong kuanto a, Jehoiakim kum thum sung ama nasem suak hi; tua ciangin Jehoiakim in amah lehdo hi.

Jeremiah 30:5

“Topa in kong cih-inah: Launa leh patauhna aw ka za a, lungnopna aw ka za kei hi.

Joel 2:3

A madawkte in a haltum thei meikuang bang a, a nungdalte in mei-am alh tawh kibang hi. Amau’ hong tun’ ma-in gam sung teng Eden huan bang hi a, amau’ khit ciangin a kinusia a keugawp gam tawh kibang hi. Amaute kiang pan a suakta bangmah om lo hi.