Habakkuk 1:5 - Tedim Bible

⁵ Tua ciangin Topa in a mite kiangah thu gen a, “No, a thuman lo ka minamte aw, na kiim uh a, om minam dangte en dih un, lamdang na sa mahmah ding uh hi. Note kiangah hong kigen ciangin na up zawh het loh ding uh thu khat, tu-in a bawl ding ka hi hi.

Tedim Bible Revision 2017

⁵ Tua ciangin Topa in a mite kiangah thu gen a, “No, a thuman lo ka minamte aw, na kiim uh a a om minam dangte en dih un; lamdang na sa mahmah ding uh hi. Note kiangah thu hong kigen ciangin na up zawh het loh ding uh thu lamdang khat tu-in a bawl ding ka hi hi.

Habakkuk 1:5 Referans Kwoze

Kah la 4:12

Namdangte’ gam ukte leh mi khempeuh in, Jerusalem sim zo ding kuamah om lo ding hi ci-a up lai takun;

Isaiah 29:14

tua ahih ciangin en un, hih mite tungah a tumdang leh a lamdang ahi a lamdang nate ka bawlkik ding hi; amau’ mipilte’ pilna kisia ding a, amau’ thu mutel theite’ thu muhtel theihna kiseel ding hi,” a ci hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

Isaiah 29:9

Lamdang kisa sak un la, lamdang a sa hi un, ki-mittawsak un la, a mittaw hi un! Leenggahzu dawn lopi-in a kham hi un; kham theih zu ne lopi-in hoi un!

Zefaniah 1:2

Topa in hih bangin thu gen a, “Leitunga om na khempeuh ka susia ding hi.

Daniel 9:12

Na gensa bangin kote tung leh ko hong ukte tungah a nasia gimna nong tungsak zo hi. Leitunga om khuapi dang khatpeuh na hih ngei loh pen Jerusalem tungah na hih hi.

Thu-hilhkikna 4:27

Topa in mite lakah note hong thehthang ding a, Topa in note hong hawlna minamte lakah mi tawmcik bek na om lai ding uh hi.

Habakkuk 3:2

Topa aw, nangma sepsa thute ka za a, lamdang ka sa mahmah hi. Na hih ngeisa na liante, ko’ hunin zong hong hih kik in. Na heh hun ciang nangawnin zong, hehpihna lungsim hong nei in.