Habakkuk 1:4 - Tedim Bible

⁴ Thukham in thu nei zo loin a mawkna suak a, thu a manin kisem ngei lo hi. Thutang thute kileh hei-in, migilote in thuman mite zo zawsop hi.

Tedim Bible Revision 2017

⁴ Thukham in thu nei zo loin a mawkna suak a, thu a manin kisem ngei lo hi. Thutang thute kilehhei-in, migilote in thuman mite zo zawsop hi.

Habakkuk 1:4 Referans Kwoze

Late 119:126

Topa aw, na thu kipalsat khin ahih ciangin na thukhen hun ding hi ta hi.

JOB (Job) 21:7

Bang hangin Pasian in migilote khan’to sak a, hau sakin liansak ahi hiam?

Jeremiah 12:1

Topa aw, nang tawh thu i kisel ciangin nang a tawntungin na man den hi; ahih hangin thu khat nang tungah kong dong nuam lai hi. Bang hangin mi gilote a dau pai a, mi khem hatte gualzo sese ahi hiam?

Ezekiel 9:9

Tua ciangin amah in hong dawng a, “Israel mite leh Judah mite’ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Amos 5:12

Bang hang hiam cih leh na khialhna tampite uh, leh na mawhna tampite uh ka thei khin a, thuman mite gimsakin, sumgolh na la uh a, thukhenna zumah mi zawngte’ thu a manin na khen kei uh hi.

Hosea 10:4

Amaute a kampi bek uh hi a, a kampi bek-un thu genin thuciamna bawl uh hi. Lo lai-a tumakuakte sungah gunei kiak a po mah bangin thusia neihna hong khang hi.

Isaiah 5:20

A phate sia ci-in, a siate pha ci a, khuavak dingin khuamial koihin, khuamial dingin khuavak koih a, a khum dingin a kha koihin, a kha dingin a khum a koihte in gimna ngah ta hen!

Thu-hilhkikna 16:19

Thutang na heikhia kei ding uh hi; angvanna na nei kei ding uh hi; sumgolh in mi pilte’ mit tawsakin thumante’ thu heikhia ahih manin sumgolh na la kei ding uh hi.

Paikhiatna 23:6

“Ama'thu neihna-ah na mi zawngpa’ thutan’na na heikhiatsak kei ding hi.

Paikhiatna 23:2

Siatna bawl dingin mihon na zui kei ding uh hi; thutang a heikhia dingin mi honpi' nungah kihei-in thu neihna-ah teci na pang kei ding uh hi;

ROM (Romans) 3:31

Tua ahih leh, upna hangin eite in thukham paaikhia i hi hiam? Tua bang hi lo hi. Thukham i kip sak hi.

Sawltak 7:59

Suang tawh a den’ lai takun Stefen in Pasian kiangah thungenin, “Topa aw, ka kha hong la ta’n,” a cih khit ciangin,

Sawltak 7:52

No na pute na pate un a bawlsiat loh kamsang kua ahi hiam? ‘Midik Pa hong pai ding ci-a a genkholh mite a that uh hi. Tu-in tua Midik Pa a heekte, a thatte na suak zo uh hi.

Marka 7:9

“Note in na ngeina uh na zuih theih nadingun Pasian’ thukham na nial uh hi.

Late 94:3

Topa aw, migilote bang tanvei, migilote bang tanvei lungdamin omom lai ding ahi uh hiam?

Late 59:4

kei’ khialhna hang hi lopi-in, amaute tai-in va kithawi uh hi. Nangmah in hong phawk tawm in, keimah huh dingin hong pai in la, en in!

Late 59:2

siatna a bawlte’ kiang panin hong khahkhia in la, mi that nuamte’ kiang panin keimah hong hon in.

Amos 5:7

Thutang lumletin thuman mite lei a den’na, note’ adingin bangzahin nasia ding ahi hiam?

Jeremiah 26:8

Mi khempeuh’ tunga Topa in gen dinga a sawl teng Jeremiah in a gen khit ciangin, siampite, kamsangte leh mi khempeuhte in a man uh a, “Nang na si ding hi.

Jeremiah 12:6

Bang hang hiam cih leh na sanggamte leh na innkuanpihte nangawn in nang hong zuak uh a, nang hong do ding mi honpi a kaikhawm uh hi. Kamkhum tawh nang a hong zol uh hangin um kei in,” ci-in hong dawng kik hi.

Late 22:16

Hi hi, ka kim-ah uite om a, siatna bawl mihon khat in hong umcih hi; ka khut ka khete sunlet zo uh hi—

Late 11:3

bulpite kisusia leh, midikte in bang cih thei nawn ding hiam?” nong ci thei diam?

1 KUMPI MASATE 21:13

Tua ciangin mi ginalo nihte hong pai-in ama mai-ah tu uh hi; tua ciangin mi ginalo nihte in mite’ mai-ah Naboth’ mawhna zong uh a, “Naboth in Pasian leh kumpipa samsia hi,” ci uh hi. Tua ahih ciangin amaute in khuapi pua lamah amah paipih uh a, suang tawh amah denglum uh hi.

Late 22:12

Bawngtal tampi in kei hong umcih a, Bashan gam bawngtal hatte in kei hong umcih uh hi;

Isaiah 59:12

Bang hang hiam cih leh nangma tungah kote’ thu-palsatnate tampi pha a, ka mawhnate uh in kote’ langah teci hong pang hi; kote’ thu-palsatnate, ka mawhnate uh ka thei uh hi.

Jeremiah 8:7

Van-ah tui vapite nangawn in lal hun ding a thei uh a, sumkuangte, phialphiahte leh gun vapite in zong a hun ciangin hong tung zel uh hi. Ahih hangin ka mite in Topa ngeina kipte a thei kei uh hi.