Habakkuk 1:3 - Tedim Bible

³ Bang hangin hih bang siatnate leh lungkhamnate hong musak na hi hiam? Kisuksiatna leh kisukgawpna in hong umcih a, kitotna leh kiseelna, mun citeng ah om hi.

Tedim Bible Revision 2017

³ Bang hangin hih bang siatnate le lungkhamnate hong musak na hi hiam? Kisuksiatna le kisuk gawpna in hong umcih a, kitotna le kiseelna, mun citeng ah om hi.

Habakkuk 1:3 Referans Kwoze

Jeremiah 20:8

Bang hang hiam cih leh thu ka gen simin, “Ngongtatna leh kisiatna!” ci-in ka kiko den hi. Bang hang hiam cih leh Topa’ kammal ka genkhiatna hangin ni simin simmawhna leh zahpihna ka thuak lawh hi.

Thuhilh-sia 5:8

Kumpite in mizawngte gim ngah sakin, thuman thutangin na a kisep kei leh, lamdang sa kei in. Uliante pen amau’ tunga uliante in en uh a, tuate tungah a en sawn a lianzaw khat om lai hi.

2 PETER NIHNA 2:8

Tua midik pa in amaute lakah a omkhawm lai takin, amaute’ gitloh gamtatna ni simin a mit tawh mu-in, a bil tawh za ahih manin ama dikna lungsim nakpi-in a buai hi.

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Ezekiel 2:6

Ahi zongin Ezekiel aw, amaute ahi a, a thugente uh ahi zongin na kihta kei ding hi. Amaute in nang ling hong kaihnelh ding a, mom-ai laka om na bang ding hi. Tua bang hita se leh, hih a lehdo thei mite’ maipuakzia leh amaute’ kampaunate hangin lau tuan kei in.

Thuhilh-sia 4:1

Leitungah thuman lo-a a kigamtatnate khempeuh ka ngaihsun kik leuleu hi. Nenniamna a thuak mite kap uh a, ahi zongin kuamah in amaute hehnem lo hi. A nengniam mite thahat lua uh ahih manin kuamah in thuk ngam lo hi.

Jeremiah 15:10

Gimna ka thuak hi, ka nu aw, gamsung khempeuh-a mite tawh kitawng kisel ding a, kei nong suahsak se se! Ka sumte kuamah lah leitawi sak loin kuama’ aa lah leitawi lo napi a vekpi-un kei hong haamsiat teitei uh hi.

Jeremiah 20:18

Gimna leh dahna mu ding leh ni sim-a maizum den dingin bang hangin a gil sung panin suak khia sese ka hi hiam?

Isaiah 5:7

Bang hang hiam cih leh Vanglianpen Topa’ leenggui lo pen Israel mite hi a, Judah mite pen lungdamna tawh a suan kungte ahi hi; amah in thutan’na lamen a, ahih hangin sisan luan’na om hi; thumanna lamen a, ahih hangin kahna om hi:

Isaiah 46:12

“Dikna tawh a kigamlate, a lungsim khauh mite aw, ka thu hong ngai un: