Habakkuk 1:13 - Tedim Bible

¹³ Ahi zongin hih a gilo zuautat mite bangci thuak zawh na hi hiam? Hih bang siatna a mu dingin na mit siangtho lua a, a gamtat sia mite na thuak zo kei hi. Tua ahih manin, amaute sangin a dikzaw mite a suksiatna-ah, bang hangin daicip na hi hiam?

Tedim Bible Revision 2017

¹³ Ahi zongin hih a gilo a zuau tat mite bangci thuak zawh na hi hiam? Hih bang siatna a mu dingin na mit siangtho lua a, a gamtat sia mite na thuak zo kei hi. Tua ahih manin amaute sangin a dik zaw mite a suksiatna ah bang hangin daicip na hi hiam?

Habakkuk 1:13 Referans Kwoze

Late 50:3

Pasian hong pai hi, amah dai om lo hi, ama mai-ah mei husia om a, a kimkotah huihpi om hi.

Late 10:15

Migilo leh siatna bawlte’ ban kuaitan in la, a gitlohnate a bei matengin zong in.

2 SAMUEL NIHNA 4:11

Migilote in a thuman mi khat ama inn sung a lupna tungah a thah ciangin note’ tungah ama phu hong la-in, leitung panin note hong susia zawkan ding hilo ka hi hiam?” a ci hi.

Sawltak 2:23

Tua Zeisu Pasian’ hanciamna leh theihkholhna hangah a kipiak khit ciangin note in migilote’ khut tungah pia-in singlamteh tungah na sisak uh hi.

Isaiah 64:12

Topa aw, hih nate ah nangmah ki-ip cip ding na hi hiam? Nang dai takin om dide-in nakpi takin kote hong gimsak ding na hi hiam?

Isaiah 33:1

Hong kisusia nai lo, mi a susiapa aw, gimna a ngah ding na hi ta hi. Kuamah in hong khem nai loh mi khempa aw, gimna a ngah ding na hi ta hi. Na suksiat nawn loh ciangin nang hong kisusia ding a, na khem nawn loh ciangin nang hong kikhem ding hi.

Isaiah 21:2

A kihtak huai mangmuhna khat kei tungah hong kigen hi; A lehheekpa in lehheekin a sut thei mipa in sut hi, a susia thei mipa in susia hi. Elam galkapte aw, kuan to un, Media galkapte aw, umcih un; Babilon’ pian’sak ahi, khuisatnate khempeuh Pasian in beisak ta hi.

Late 83:1

Pasian aw, dai dide-in om kei in; lung nuamin, taang loin om kei in, Pasian aw!

Late 73:3

Bang hang hiam cih leh migilote’ daupaina ka muh ciangin mi kihisakte ka eng hi.

Late 50:21

Hihte khempeuh na gamta khin uh a, bangmah ka pau kei hi; kei pen no tawh a kibangin nong ngaihsun uh hi. Ahih hangin tu in note kong tai a, na mawhna uh na mai uh-ah ka koih hi.

Late 35:22

Topa aw, na mu khin hi, dai om kei in! Topa aw, kei kiang panin gamla om kei in!

JOB (Job) 15:15

Pasian in a siangtho vantungmite nangawn muang lo ahih leh, ei mawhnei mite bang hong ci muan’ mah ding ahi hiam?

Esther 4:14

Hih bang hunin bangmah hih lo-in na om cip leh, Judah mite’ suahtak nading leh noptuam nading thu mun dang khat pan hong piang veve ding a, ahi zongin nangmah leh na innkuanpihte i si mang ding uh hi. Hih kumpi inn na tun’na pen hih bang hun-a mah dinga tung na hih mel zong kua’n thei ahi hiam?” a ci hi.

1 KUMPI MASATE 2:32

Topa in ama mawhna ama lu tang mah ah tungsak kik ding hi; bang hang hiam cih leh ka pa David’ theih lohin amah in Israel galkapte a uk Jether’ tapa Amasa, amah sangin thuman zaw-in a hoihzaw ahi mihing nih do-in namsau tawh that hi.

JOB (Job) 21:7

Bang hangin Pasian in migilote khan’to sak a, hau sakin liansak ahi hiam?

Late 18:26

A siangtho mi tungah na siangtho gamtat a, thukawi mite na galbawl hi.

Late 25:3

Hi hi, nang hong ngakte kuamah zahhuaisak kei in; thu khual lo-a zuau theite zahhuaisak in.

Late 35:17

Topa aw, bang tanvei hong en khong ding na hi hiam? Amau hong sukgawpna panin keimah hong honkhia in la, humpinelkaite kiang panin ka nuntakna hong hon in.

Late 35:25

Amau leh amau tungah, “Ha, i tuptup tung ei!” kici sak kei in. “Amah nawmvalh tum khin hang,” amaute cisak kei in.

Isaiah 24:16

Lei mong a gamla pen pek pan nangawnin “a thuman Pa in vanglian ta hen’ cih la i za ding hi. Ahih hangin keimah in, “Ka lungkham hi, ka lungkham hi. Gimna ngah hi ta ing! Bang hang hiam cih leh mi khemte in khemkhem lai-in sia semsem uh a, khem zawh thu ciam lailai uh hi,” ka ci hi.

Kah la 3:36

zum thukhenna ah a maan-a thu a kikhen loh ciangin, Amah in a hong thei veve hi.

Habakkuk 1:14

Bang hangin tuipi ngasa bang lelin mihingte bawl a, a uk ding om lo ganhingnote bangin om sak na hi hiam?

Zekhariah 8:17

Khat leh khat kisiatsak nading vaihawm kei un la, a man lopi-in teci pangin kiciam kei un. Zuauna, thuman lohna, leh kibawlsiatnate ka deih kei hi,” hong ci hi.

Thu-hilhkikna 23:15

“A topa kiang panin nang kiangah a hong tai sila a topa kiang mah ah na ap kik kei ding uh hi;

JOB (Job) 24:23

Pasian in amah a lungnuamin nungta sak a, ahi zongin amaute langpanin, encik tawntung hi.