Galati 6:8 - Tedim Bible

⁸ Ama pumpi ading khaici a vawh mi in ama ci-le-sa hangah muatna a at ding hi. Kha Siangtho hangah khaici a vawh mi in Kha Saingtho hangah nuntak tawntungna a at ding hi.

Tedim Bible Revision 2017

⁸ Mi khatpeuh in ama leitung pumpi deihna khaici a vawh leh sihna ngah dinga, Kha Siangtho deihna khaici a vawh leh Kha Siangtho tung panin nuntak tawntungna ngah ding hi.

Galati 6:8 Referans Kwoze

ROM (Romans) 8:13

Note in ci leh sa thu zui-in na nuntak uh leh, na si ding uh hi. Kha Siangtho hangin na pumpi uh a gamtatna na sihsak uh leh, na nungta ding uh hi.

Jeim 3:18

Kilemna a piangsak thei mite ading dikna thu khaici kilemna tawh kivawhin a om hi.

2 PETER NIHNA 2:19

Amaute pumpi uh kisiatna’ sila ahi napi-in, “Suahtakna ka hong pia ding uh hi,” a ci uh hi. Bang hang hiam na cih uh leh, mi a zo thei na in tua mi’ topa ahi hi.

JOB (Job) 4:8

Mawhna bawlin buaina ahih mi in a gamtatna bangin a gah a atna ka thei hi.

Hosea 10:13

Ahi zongin note in thusia na tuh zawsop uh a, thusia gah na at uh hi. Na zuauna uh hanga piang gahte na ne uh hi. Note in na sakol leengte uh leh na galkap tamna uh muang kha na hih manun,

Galati 6:7

Note in na ngaihsun khial kei un. Pasian in thudon lohnate mang ahi kei hi. Mi khatpeuh in khaici a vawh bangin a gah a at kik ding hi.

ROM (Romans) 13:14

Topa Zeisu Khazih silh un la, na pumpi huaiham na’ng uh note in na ngaihsun kei un.

Paunak 22:8

Thuman lo khaici a vawhte in lungkhamna tuak a, amau’ hehna ciangduai amau’ tung mah tu kik hi.

Mangmuhna 22:11

A thuman lo mi in thuman loin omsuak hen, a kihhuai mi in kihhuai lai ta hen, a dik mi in a dikin gamta lai ta hen, a siangtho mi in siangtho lai ta hen.

Johan 4:36

Buh atte in thaman ngah thei a, nuntak tawntung nadingin gah a khawm ding uh hi. Tua bang ahih ciangin, a vawhte leh a atte a lungdam khawm ding uh hi.

Juda 1:21

nuntak tawntungna ngah nadingin i Topa Zeisu Khazih’ hehpihna na ngak lai takun, Pasian’ itna sungah na pumpi uh kemin om un.

Johan 6:27

A sia thei an ngah nadingin hahkat kei un; Mihing Tapa in no hong piak ahing tawntung nuntak tawntungna an na ngah nadingun hahkat un. Bang hang hiam na cih uh leh, Pasian’ ciamtehna a ngahpa in tua Tapa ahi hi,” a ci hi.

ROM (Romans) 6:13

Tua tham loin na pum tung nate in diklohna’ hiam a suah nadingun mawhna kiangah na pia kei un. Sihna pan a thokik mi bangin, Pasian kiangah na pumpi uh na pia un. Dikna’ hiam bangin Pasian kiangah na pumpi tung nate zong na pia un.

Jeremiah 12:13

Amau in mangbuh a tuh uh-a ling aat uh hi. Nasep a hahkat mahmah uh hangin bangmah a ngah kei uh hi. A kihtak huai Topa’ hehna hangin an lak hun ciangin a maizum ding uh hi,” a ci hi.

Thuhilh-sia 11:6

Zingsang-a kipan khaici tuh in la, nitak dong mateng khawl kei in. A vek-a a po kim ding ahi a, khat sia-in, khat a po ding ahi zongin, bangmah na theih kholh om lo hi.

Mattiu 19:29

Kei min hangin a inn, a sanggampa, a sanggamnu, a nu a pa, a tate, tua teng a nusiate khempeuh in a zah zakhat ngah a, nuntak tawntungna a luah ding uh hi.

Hosea 8:7

Paunak-ah, Huih a tuhte in huihpi ngah kik ding a, a vui om lo an kung in an nek ding piang sak lo hi, kici hi. A vui om lo an kung panin an kingah mah taleh zong gamdang mite in a netum ding hi.

Titu 3:7

Pasian’ hehpihna thupha hangin diktan’sakna i ngah khit ciangin nuntak tawntungna lametna bangin a luah mite i hih nading ahi hi.

Johan 4:14

Ahih hangin ke’n ka piak tui a dawnte in a tawntungin a dangtak nawn kei ding hi. Ke’n ka piaksa tui in tua mi sungah nuntak tawntungna tuikhukin a piang ding hi,” a ci hi.

Luka 18:30

tu lai takin a zah tampi ngah a, a hong piang ding hunah tawntung nuntakna a ngah lo ding kuamah a om kei hi,” a ci hi.

Isaiah 32:20

Tui tampi a omna-ah khai tuh a, bawngtal leh late a ut utna-ah a ta sak note in mi lungdam na hi uh hi.

2 PETER NIHNA 2:12

Hih mite ahih uh leh, ngaihsut pilna nei lo ganhingte bangin ahi uh a, siatna a thuak ganhingte taktak bangin amaute in a theih tel loh uh nate kosia-in, a siatsak uh hangin, kisiatna a man takin tungin,

1 TIMOTI MASA 1:16

Ahih hangin nuntak tawntungna ngah ding, a nung ciangin a um ding mite’ zuih ding lim ka hih nadingin mawhna a lianbel a nei keima tungah, Khazih in ama thuakzawhna lungsim khempeuh hong lah nadingin kei hong hehpih zo hi.

Paunak 11:18

Migilote in a man nei taktak bangmah ngah lo a, thuman-a gamtate in pel loin thaman hoih ngah hi.

Mattiu 25:46

Tua mite in tawntung gimna thuak dingin a paikhia ding uh hi. Miphate ahih uh leh, nuntak tawntungna ngah dingin a paikhia ding uh hi,” ci-in thu a hilh hi.

ROM (Romans) 6:23

Bang hang hiam na cih uh leh, sihna in mawhna’ thaman ahi hi. Ahih hangin i Topa Khazih Zeisu hanga nuntak tawntungna in man kipia lo Pasian’ letsong ahi hi.

ROM (Romans) 8:6

Bang hang hiam na cih uh leh, ci leh sa lungsim in sihna tawh kituak hi. Kha Siangtho lungsim in nuntakna leh nopna tawh kituak hi.

ROM (Romans) 8:11

Zeisu a thokiksak Pasian’ Kha Siangtho in note sungah a om leh, Khazih Zeisu a thokik sakpa in, note sungah a teeng a Kha Siangtho hangin, a si thei na pumpi uh zong hin’na a pia ding hi.

1 KORIN MASA 15:42

Tua mah bangin misite a thawhkikna thu ahi hi. Pumpi a kituh ciangin muat theihna a om hi. A thawhkik ciangin muat theih lohna a om hi.