Galati 6:16 - Tedim Bible

¹⁶ Hih ngeina a zui mi khempeuh tungah ahi zongin, Pasian’ Israel mi pawlte tungah ahi zongin nopna leh hehpihna om ta hen.

Tedim Bible Revision 2017

¹⁶ Hih ka thugenna a zui mite a kipanin Pasianʼ mite khempeuh tungah Pasian in nopsakna le hehpihna thupha hong pia tahen.

Galati 6:16 Referans Kwoze

Galati 3:29

Note in Khazih aa na hi uh leh, Abraham suan leh khakte na hi uh a, thuciamna bangin innluah mi na hi uh hi.

Filippi 3:3

Bang hang hiam na cih uh leh, Pasian Kha Siangtho hangin bia a, i pumpi muang loin, Khazih Zeisu hangah lungdamna kisaktheihna bek a nei eite in, vun-atna taktak a ngah mite i hi hi.

ROM (Romans) 4:12

vun atna a thuak tham loin i pa Abraham in vun atna a thuak nai loh lai takin upna lam a zuite khempeuh’pa uh a suah nading ahi zongin, Abraham in vun atna a thuak nai loh lai takin upna a neih dikna-a ciamtehna ahi vun atna lim a ngah hi.

Hosea 1:10

Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tu hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Johan 1:47

Nathanael hong pai Zeisu in a muh ciangin, “En un, ama sungah kheemna om lo Israel mi taktak ahi hi,” ci-in tua pa’ thu a gen hi.

Isaiah 45:25

Israel suan leh khakte khempeuh in Topa’ hangin midik tangin a kisial ding uh hi.”

Late 73:1

A lungsim sung a siangtho, thutangte tungah Pasian hoih takpi hi.

Filippi 3:16

Ahih hangin i phak zawh zah bangin lam khat bek zui ni.

Galati 5:25

Eite in Kha Siangtho hangah nungta i hih leh, Kha Siangtho hangin gamta ni.

Galati 5:16

Ke’n kong cihinah, Kha Siangtho hangin na nungta un. Na nuntak uh leh, na si-le-sa uh deihna zui loin na om ding uh hi.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Johan 14:27

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

1 KHANG TANGTHU MASATE 12:18

Tua ciangin mihing sawmthum a ukpipa Amasai tungah Pasian Kha Siangtho hong tung a, amah in, “Kote in nangma’ aa hi ung, David aw; nang tawh om ung, Jessi’ tapa aw! Nopna, nopna nang tungah om hen la, nang hong huhte tungah nopna om ta hen! Bang hang hiam cih leh na Pasian in nang hong huh hi,” a ci hi. Tua ciangin David in amaute sang a, ama galkap uliante-in bawl hi.

Filippi 4:7

Tua bang na hih uh leh, kuamah in a tel zawh loh Pasian’ nopna in Khazih Zeisu sungah note lungsim uh leh na ngaihsutnate uh hong keem ding hi.

Galati 1:3

I Pa Pasian leh Topa Khazih kiang pan hehpihna thupha leh nopna in nomau tungah om ta hen.

Efesa 6:23

Ute naute tungah nopna om ta hen. Pasian leh Topa Zeisu Khazih kiang pan na ki-itna un upna tawh om ta hen.

1 PETER MASA 1:3

Anungta lametna thu a om nading ahi zongin, a sia thei lo, a kihhuai nitna om lo, a vul thei lo luahna eite in i ngah nading ahi zongin, Zeisu Khazih in sihna pan a thawhkik ciangin hehpihna lianpi tawh kituakin eite hong piang kiksak i Topa Zeisu Khazih’ Pa Pasian in thupha ngah ta hen.

Juda 1:2

Note tungah hehpihna, nopna leh itna khang semsem ta hen.