Galati 6:10 - Tedim Bible

¹⁰ Tua ahih ciangin eite in a kilawm a kituak hun i neih bangin mi khempeuh tungah thupha bawlin, adiak diakin thu-um innkuanpihte tungah nakpi-in bawl ni.

Tedim Bible Revision 2017

¹⁰ Tua ahih ciangin hunhoih i ngah simin midangte tungah a hoihin i gamta dinga, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

Galati 6:10 Referans Kwoze

Hebru 13:16

Thupha bawlna, sum hawmnate na mangngilh kei un. Bang hang hiam na cih uh leh, Pasian in hih bang biaknate ah a lungdam hi.

Paunak 3:27

Nangma hih zawh ding thu ahih nak leh, midangte’ kitaangsapna huh tawntung in,

1 THESALONIKA MASA 5:15

Mi dangte tungah hehna na thukkik loh nadingun na kikeem un. Khat leh khat tungah ahi zongin, mi khempeuh tungah ahi zongin thuhoih lamsang hahkat tawntungin na bawl un.

Titu 3:8

Hih thu in thuman thutak ahi hi. Hih thu ngaihsunin Pasian a um mite in gamtatna ahoihte ahih tawntung nading a kikep nadingun, hahkatin na hilh nading ka hong deih hi. Hih thute a pha uh tham loin mite’ phattuamna a piangsak thei uh hi.

Mattiu 25:40

Kumpipa in, ‘Ke’n aman takpi kong cih-inah, note in ka sanggamte ahi hih mineupen khat tungah na bawl uh ciangin, kei tungah zong hong bawl na hi uh hi,’ a ci ding hi.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

Efesa 2:19

Tua ahih ciangin note in tu-a kipanin mi pawl dangte ahi zongin, khual mite ahi zongin, na hi nawn kei uh a, Pasian’ mite tawh gammi khat na hi uh hi; Pasian’ innkuanpihte zong na hi uh hi.

Johan 12:35

Tua ciangin Zeisu in, “Khuavakna in note kiangah tawlkhat a om lai ding hi. Khuamial in no hong lap loh nadingin khuavak a om lai takin na pai un. Khuamial lakah a pai mi in a tun’na ding a thei kei hi.”

Luka 6:35

Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Late 37:3

Topa muang in la gamtat hoih in; gam nuamah teeng in la thumanin om in.

Johan 9:4

Ni a om lai teng kei hong sawlpa’ na i seem ding hi. Kuamah in na a sep theih loh hun zan hong tung ding hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Filippi 4:10

Tu-in zong keimah adingin na phawkkik uh ahih maninah, keimah in Pasian sungah ka lungdam mahmah hi. Ni dangin na hong phawk uh hangin hih theihna thu na ngah kei uh hi.

Mattiu 12:50

Bang hang hiam na cih uh leh, vantungah a om ka Pa’ deihna bangin a gamtate in, ka sanggampa, ka sanggamnu, ka nu ahi uh hi,” a ci hi.

3 JOHAN THUMNA 1:11

Ka it mi aw, a sia lam zui kei in, a hoih lam zui in. A hoih a gamta mi in Pasian tawh kipawl hi. A hoih lo a a gamta mi in Pasian a mu nai kei hi.

Kolose 4:5

Pua lamah a om mite mai-ah pilna tawh gamta un la, a hun na teel un.

Efesa 5:16

tuni hunte in a gilo ahih maninah, ahun na teel un.

1 JOHAN MASA 5:1

Zeisu in Khazih ahi ci-a a um mi in Pasian’ pian’sak mi ahi hi. Pa a it mi in Pa’ pian’sak mi zong a it ding hi.

Late 37:27

Siatna panin kihem in la, gamtat hoih in; tua hi leh na kipsuak ding hi.

Hebru 3:6

Khazih ahih leh, Tapa ahihna tawh innpi uk a, a diktat hi. Eite in lau lohna ahi zongin, lametna tawh kipawl lungdam kisaktheihna ahi zongin, a tawp mateng i let kip leh, tua innpi i hi hi.

Marka 3:4

“Nipi ni-in phatna bawl tuak hiam? Siatna bawl tuak hiam? Nuntakna khatpeuh gup tuak ahi hiam, thah tuak ahi hiam?” ci-in amaute kiangah a dot ciangin mihonpi pau loin a om uh hi.

Mattiu 5:43

“Na pawlte na it in, na galte na mudah in a cihna thu na za zo uh hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh, nangmah in na zuat ding sihna gam sungah, nasepna leh thungaihsutna, pilna leh theihna cihte om lo hi.

Mattiu 10:25

A nungzuite in a siapa bangin, a silapa in a topa bangin ahih leh, a pha hi. Inn teekpa ‘Beelzebub’ a cih uh leh, a innkuanpihte tua sangin a ci nuam zaw sem ding uh hilo ahi hiam?”

Thuhilh-sia 3:12

Tua ahih ciangin mihingte in a nuntak lai teng a siam tawp-un gamta-in lungdam-a a om ding a thupi pen ahihna ka phawk hi.

Sawltak 6:7

Pasian’ thu kizel-in, Jerusalem khua-ah thu-um mi hong tam semsem a, siampite tampi in zong upna thu hong mang ta uh hi.

Galati 1:23

“Eite hong bawlsia ngei mi in nidang lai a, a sukgawpsa upna thu, tu-in amahmah in a hilh hi,” ci-in a zakna bek uh tawh

Efesa 4:28

Nidang lai-a guta mi in gu nawn loin, sapna neite a hop zawh, a piak zawh nadingin ama khut tawh nasepna a hoih hahkatin sem ta hen.

1 THESALONIKA MASA 5:21

Na khempeuh sinin ahoih nate na len tawntung un;

1 PETER MASA 2:5

note in zong a nungta suangte bangin a kilam, Kha inn na hi uh hi; Zeisu Khazih hangin Pasian san’ theih ding akilawm biakna a pia thei, a siangtho siampi pawl-in zong a piang na hi uh hi.

1 PETER MASA 4:17

Bang hang hiam na cih uh leh, Pasian’ innkuante a masa belin thukhen nading hun a tung zo hi. Eite a masa-in thu hong khen leh, Pasian’ Lungdamna Thu a mang lo mite bang suak ding ahi hiam?

3 JOHAN THUMNA 1:3

Nang in thuman thutak na zuih mah bangin na neihsa thuman thutak ah na cihtakna thu ute naute in hong pai a, teci hong pan’ uh ciangin ka nuam mahmah hi.

3 JOHAN THUMNA 1:10

Tua a hih ciangin ka hong pai ciangin amah in a bawlna thu ka phawksak kik ding hi. Amah in en’na, siatsak nopna kam tawh kote hong kosia tham loin, ute naute ama innah a tungsak nuam kei hi. A tungsak nuam mite zong khamin, pawlpi sung pan a hawlkhia hi.

2 KORIN NIHNA 2:8

Tua ahih ciangin note in amah na it takpi uh na kilatsak nadingun kong thuum hi.