Galati 6:1 - Tedim Bible

¹ Ute naute aw, mi khat kikeem khialin mawhna khatpeuh ahih khak leh, Kha Siangtho a nei note in mawhna hong zolna tawh na kipelh nadingun kikeemin, lungnemna tawh tua bang mi na kipsak un.

Tedim Bible Revision 2017

¹ Sanggamte aw, mi khatpeuh a gamta khial a om ciangin, Kha Siangthoʼ deihna bangin a nungta note in tua a khial pa a manin a gamtatkik theih nadingin thunem zangin na huh un. Note in zong amah bangin ze-etna na tuah khak loh nadingun na kikem un.

Galati 6:1 Referans Kwoze

ROM (Romans) 15:1

A thahat eite in eite deih bang zui loin thahat lote a thanemna i thuakpih ding hi.

2 THESALONIKA NIHNA 3:15

Ahih hangin gal bangin na ngaihsun kei un; sanggam bangin na hilh un.

2 TIMOTI NIHNA 2:25

A kam a nial mite in thuman a theih nadingun Pasian in kisikkikna pia kha ding a, Dawimangpa in ama deihna zui dingin thangsiah-a a awk mite phawkin, tua awkna pan suahtakna a ngah khak theih nadingun lungnemna tawh thuhilh mi ahi ding hi.

1 JOHAN MASA 5:16

Mi khatpeuh in a sanggampa in sihna thuak ding a kilawm lo mawhna a bawl a muh leh, thungen ta hen. Sihna a thuak ding a kilawm lo mawhna a bawl mite ading Pasian in nuntakna a pia ding hi. Sihna thuak ding a kilawm mawhna a om hi. Tua bang mawhna maisak nading thungen ding ka ci kei hi.

2 KORIN NIHNA 2:7

Tua ahih ciangin tua bang mi in dah mahmahin kiphumcip a, a tummang loh nadingin note in ama mawhna maisakin amah na hehnep ding uh a kilawm hi.

Hebru 12:13

A khe zawte in a kilawi taktak loh nading, cidamna a ngah nadingin na paina lampi uh na tangsak un.

1 PETER MASA 3:15

Na lungsim sung uhah Khazih in Topa ahi ci-in zahtakna nei un. Note’ lametna thu hong dong mi khempeuh kiangah lungnemna tawh, thusimna lungsim tawh na genkik theih nadingun, a kigingsa-in om tawntung un.

ROM (Romans) 14:1

Upna neu mi na mang un. Ahih hangin up khialh nading thute tua mi tawh na kikum kei un.

Ezekiel 34:16

Keimah in a mangte zongin, a lam pialte kaikhawmin, a liamte a liamna tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh keimah in a manin a gamta tuucingpa ka hi hi.

1 KORIN MASA 10:12

Tua ahih ciangin ka lungkip hi ci-in a ki-um mi in a puk loh nadingin kikem hen.

1 KORIN MASA 4:21

Koici bang deih na hi uh hiam? Ciangduai tawi-in note kiangah hong pai ding ka hi hiam? Ahih kei leh, itna lungsim leh lungnemna lungsim tawh hong pai ding ka hi hiam?

Jeim 3:2

Eite khempeuh in na tampi-ah i khial thei hi. Mi khat in kampau a khialh kei leh, tua mi in a kicing mi hi a, ama pumpi khempeuh a keem thei mi zong ahi hi.

2 KORIN NIHNA 10:1

Note kiangah kiniamsak a, note tawh a kikhen ciangin a hang keimah Paul in Khazih’ lungnemna leh hehpihna tawh note kong thuum hi.

Mattiu 9:13

‘Sagawh biakna sangin hehpihna ka deih zaw hi,’ a cihna thu na theih nadingun pai un la, va sin un. Miphate sam dinga hong pai ka hi kei hi. Mawhneite sam dinga hong pai ka hi hi,” a ci hi.

1 KORIN MASA 14:37

Mi khat peuhpeuh in kamsang mi ka hi hi ci-in ahi zongin, Kha Siangtho piaksa thupha a ngah mi ka hi hi ci-in ahi zongin, a ki-up leh note’ kiangah kong piak thute in Topa’ thupiakna ahi hi, ci-in mang ta hen.

1 KORIN MASA 7:5

Thungen dingin na lungsim uh kikhatin, tawlkhat bek tan’na longal note in khat leh khat na kinial kei un. Tua ahih ciangin na pum uh na kham zawh lohna uh hangah Satan in hong zol loh nadingin, a nung ciangin omkhawm kik un.

1 KORIN MASA 2:15

Kha Siangtho a nei mi in na khempeuh khen thei a, amah ahih leh kuamah in a khen thei kei hi.

ROM (Romans) 8:6

Bang hang hiam na cih uh leh, ci leh sa lungsim in sihna tawh kituak hi. Kha Siangtho lungsim in nuntakna leh nopna tawh kituak hi.

Mattiu 11:29

Keima hakkol na kisuan un la, kei kiangah kisin ta un. Bang hang hiam na cih uh leh, keimah in lungsim niam mi ka hi hi. Note in lungsim noptuamna zong na ngah ding uh hi.

Jeim 3:13

Note lakah kua in pilna leh theihna a nei hiam? Tua mi in gamtatna hoihte hihin, pilna, lungnemna tawh ama gamtatnate lak ta hen.

Hebru 13:3

Khau khihna a thuak mi tawh kikhih khawm bangin kingaihsun un: pumpi tawh kipelh lo na hih uh ciangin bawlsiatna a thuakte na ngaihsun un.

Galati 5:23

lungnemna, pumpi’ deihna khamna te ahi uh hi. Tua bangin a gamta mite thukham in a kham kei hi.

2 SAMUEL NIHNA 11:2

Khatvei nitak lamin a lupna panin David tho-in kumpi innkhumzangah a pai leh innkhumzang panin amah in numei khat a kisil galmuh kha hi a numei mel hoih mahmah hi.

1 KORIN MASA 3:1

Ute naute aw, Kha Siangtho a nei mite hilh bangin note kong hilh thei kei hi; leitung lungsim a nei mite, Khazih sungah nawi ne naungeekte ka hilh bangin kong hilh hi.

Mattiu 26:75

Piter in, “Ak khuan’ ma-in nang in thumvei nong nial ding hi,” Zeisu in a cihna thu a phawk ciangin pusuak a, nakpi-in a kap hi.

Mattiu 26:69

Piter inntualah a tut lai takin numei khat a kiangah pai a, “Galile mi Zeisu tawh na kipawl hi,” a cih ciangin

Late 141:5

Mi phapa kei hong vuasak in la, ahih hangin migilopa ka lu sathau nilh sak ngei kei in; bang hang hiam cih leh amau’ gitloh gamtatnate lang pangin thu ka ngenngen hi.

Galati 6:18

Ute naute aw, i Topa Zeisu Khazih’ hehpihna thupha in note lungsim uh tawh omkhawm ta hen. Amen.

1 THESALONIKA MASA 4:1

A khak bel thu in ute naute aw, note in bang ci nuntak ding ahi zongin, Pasian lungdamsak nadingin bang ci gamtat ding ahi zongin kote kiang pan na ngah khin zo uh hi. Tua ahih manin tua mah bangin na khangto semsem un ci-in Topa Zeisu paulamin, hong thuumin kong hansuah uh hi.

2 KORIN NIHNA 2:8

Tua ahih ciangin note in amah na it takpi uh na kilatsak nadingun kong thuum hi.