Galati 5:7 - Tedim Bible

⁷ Nidangin note in a pha takpi-in na tai uh hi. Thuman thutak na ngaih loh nadingun a kua in hong kheem hiam?

Tedim Bible Revision 2017

⁷ A beisa hunah hoihtakin a gamtate na hi uh hi. Tu-in a manin na gamtat loh nadingun kua in lam hong pialsakin Pasianʼ thu hong mang losak ahi hiam?

Galati 5:7 Referans Kwoze

1 KORIN MASA 9:24

Tai kidemte khempeuh a tai uh hangin khat bek in pahtawina a ngah hi cih thei lo na hi uh hiam? Tua ahih ciangin note in zong pahtawina na ngah theih nadingun na tai un.

Galati 3:1

Pilna a nei lo Galati mite aw, singlamteh tungah sihna a thuak Zeisu Khazih in no mai-ah a tel takin hong kilak napi-in, note a kua in hong bum hiam?

Hebru 12:1

Tua ahih ciangin hih zaha tam teci pan’nate in ei hong uum ahih ciangin, eite in van khempeuh ahi zongin, hong bawlsia thei mawhna ahi zongin, paaikhia-in

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

2 KORIN NIHNA 10:5

Tua hiamte tawh mi hanciamna ahi zongin, Pasian theihna pilna lang khatah a kiphasak ngaihsutnate ahi zongin khuplet gawpin, lungsim khempeuh manin khumcipin Khazih’ thu ka ngaisak uh hi.

ROM (Romans) 2:8

Paupeng lungsim mi, thuman thutak a ngai lo mi, a dik lo thu a ngai mite tungah hehna leh thangpaihna a koih ding hi.

Mattiu 13:21

A thu hangah gimna ahi zongin, bawlsiatna ahi zongin a thuak ciangin, thakhatin a pukte ahi hi.

ROM (Romans) 6:17

Note in mawhna sila na hih ngei uh hangin, tu-in na ngahsa uh thuhilhna, deihna lungtang tawh na ngai uh ahih ciangin Pasian’ hehpihna ka phat hi.

Hebru 5:9

Tua bangin a kicin’na a tun’ khit ciangin a thumang khempeuhte ading gup tawntungna a bawl mi suak a,

ROM (Romans) 15:18

Gentailte in kam tawh ahi zongin, gamtatna tawh ahi zongin, thungaih nading Khazih in

ROM (Romans) 10:16

Ahih hangin mite khempeuh in Lungdamna Thu a ngai kei uh hi. Bang hang hiam na cih uh leh, kamsangpa Isaiah in, “Topa aw, kote thuhilhna kua in um ahi hiam?” a ci hi.

Hebru 11:8

Abraham in a luah nading a cih gamah a paikhiat nading Pasian in a sap ciangin amah in koi lamah pai ding cih thei lo napi-in, upna tawh thungai-in a paikhia hi.

Sawltak 6:7

Pasian’ thu kizel-in, Jerusalem khua-ah thu-um mi hong tam semsem a, siampite tampi in zong upna thu hong mang ta uh hi.

Galati 2:2

Pasian in thu hong piak bangin pai-in Gentailte kiangah Lungdamna Thu ka hilhnate, amaute ka zasak hi. Ahih hangin ka nasep thu leh ka sepsate in a mawkna a suah loh nadingin, a minthang mite kiangah ka gen sim hi.

Galati 5:10

Note in lungsim tuamdang na nei kei ding uh hi ci-in keimah in Topa sungah note tawh kipawlin upna taktak ka nei hi. Note hong khelbawl mi in kuakua ahih hangin ama mawhna dan a thuak ding hi.