Galati 5:3 - Tedim Bible

³ Tua bang ahi hi. Vunatna a thuak mi khempeuh teci ka pankik inah, tua bang mite in Thukham khempeuh siit loin a zuih nadingin leiba nei mi ahi uh hi.

Tedim Bible Revision 2017

³ Vun-atna a zang mi khempeuh in Thukham dang khempeuh zong a vekpi-in a zuih ding a tavuan ahihna thu teltakin phawk ta uh hen.

Galati 5:3 Referans Kwoze

Galati 3:10

Thukham tawh kipawl gamtatna a suang mi khempeuh in hamsiatna nuai-a om mi ahi uh hi. Bang hang hiam na cih uh leh, “Thukham laibu sungah a kigelh thu khempeuh a zui tawntung lo mi khempeuh in hamsiatna a thuak uh hi,” ci-in Lai Siangtho sungah a kigelh hi.

ROM (Romans) 2:25

Pasian’ Thukham na zuih leh, vun atna hangin noptuamna a om hi. Ahi zongin Thukham na khialh leh, na vun atna in vun at lohna a suak kik hi.

Thu-hilhkikna 27:26

“‘Hih thute zuihna tawh hih thu a kipsak lo mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Efesa 4:17

Tua ahih ciangin Gentailte in a lungsim kiphatsakna uh tawh a gamtat bangun note in na gamtat nawn loh nadingun Topa’ deihna bangin thuumin kong hanthawn hi.

Thu-hilhkikna 31:21

Siatna leh haksatnate amaute tungah a tun’ ciangin hih la in teci-in amaute lang khatah pang ding hi (bang hang hiam cih leh a suan leh khakte un mangngilh lo ding uh hi); bang hang hiam cih leh piak dingin ka kiciam leitangah amaute ka paipih ma-in, amau’ vaihawm kholh a ngimnate uh ka thei hi,” a ci hi.

Thu-hilhkikna 8:19

Topa na Pasian uh mangngilhin pasian dangte nung zui-in tuate’ na semin na biak uh leh, na sia taktak ding uh hi, ci-in tu ni-in lim takin kong hilh khol hi.

Mattiu 23:18

‘Biakna tau tawh a kiciam peuhmah in, a ciamna a pelh leh phamawh lo hi. Biakna tau tungah a om piakna tawh a kiciam peuhmah in leiba a nei hi,’ na ci uh hi.

1 JOHAN MASA 4:14

Pa in a Tapa leitungmite’ Gumpa a suah nadingin hong sawl thu kote in thei-in teci ka pang uh hi.

1 THESALONIKA MASA 4:6

hih thu-ah kuamah in a u, a nau tungah kheemna tawh a khialh loh nading ahi zongin a hong deih hi. Kote in hilhin, thuciam ka hong piaksa uh bangin Topa in tua banga khialhna khempeuh a thuk mi ahi hi.

Sawltak 20:21

Pasian mai-ah kisikkikna thu ahi zongin, eite Topa Zeisu Khazih upna ahi zongin, Judah mi leh Grik mite kiangah ka hilh hi cih note’n na thei uh hi.

Sawltak 2:40

“Hih gilo khang mite lak panin kigumkhia un,” ci-in thudang tampi tawh hansuah a, thu a hilh hi.

Luka 16:28

Amaute in hih gimna sungah a tun’ loh nading thu a hilh dingin ka pa’ innah Lazaras nong sawlsak nadingin kong ngen hi,’ a ci hi.

Mattiu 23:16

“Lamhilh mittawte aw, note in gimna na thuak ding uh hi. Bang hang hiam na cih uh leh, ‘Biakna innpi tawh thu kiciam peuhmah in, a ciamna a pelh leh phamawh lo hi. Biakna innpi’ kham tawh a kiciam peuhmah in, leiba a nei hi,’ na ci uh hi.

Nehemiah 9:34

Ka kumpite uh, ka uliante uh, ka siampite uh leh ka pu ka pate un nangma thukham zui lo uh a, amaute tungah na piak ahi na thupiaknate leh na hilhkholhnate zong don lo uh hi.

Sawltak 15:1

Judah gam panin mi kimkhatte hong pai uh a, “Note in Moses’ Thukham bangin vun na at kei uh leh, gupna na ngah kei ding uh hi,” ci-in ute naute kiangah a gen uh hi.

Galati 5:2

En-un, keimah Paul in kong geninah, vunatna na thuak uh leh, Khazih hangin bangmah noptuamna na ngah kei ding uh hi.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.