Galati 5:21 - Tedim Bible

²¹ en’na, zukham luatna, pawikhamna akipan tua bang gamtatnate ahi uh hi. Tau banga gamta mite in Pasian’ Gam a luah kei ding uh hi ci-in nidanga kong cih mah bangin tu-in zong ka hong ci khol hi.

Tedim Bible Revision 2017

²¹ enna, zukhamna le biakna pawi ah zukhamna a kipan a dangdangte ahi hi. A beisa hunah ka hong hilhkholh sa bangin tu-in ka hong genkikin ah: Hih bangin a gamta mite pen Pasianʼ Ukna sungah om kha het lo ding hi.

Galati 5:21 Referans Kwoze

ROM (Romans) 13:13

Pawikhamna, guih theih zu kham luatna ahi zongin, hukna, lanna kihhuaina ahi zongin, kitotna, kidemna ahi zongin tangin, sun laitak mah bangin kilawmin gamta ni.

ROM (Romans) 8:13

Note in ci leh sa thu zui-in na nuntak uh leh, na si ding uh hi. Kha Siangtho hangin na pumpi uh a gamtatna na sihsak uh leh, na nungta ding uh hi.

Efesa 5:18

Hong khamsak thei leenggahzu tangin, Kha Siangtho tawh kidimin om un.

1 KORIN MASA 5:11

Unau kici numei tawh a mawhte, huaiham-a duhhopte, milim a biate, hangsana kosiate, zukhamte, zawhthawh bawl-a a sutte, tua bang a hihte tawh kikhawl lo tham loin an nangawn na nekhawm kei un, ci-in ka gelh hi.

Mangmuhna 21:27

A kihhuainate-a kipan muhdahhuai, thuman lo nate a bawl mi khat beek tum thei ngei lo ding hi. Tuuno’ nuntakna laibu sungah a kigelh mite bek in tum theihna thu a ngah ding uh hi.

1 PETER MASA 4:3

Gentailte’ deihna zui-in lunggulhna a nin deihgawhna, leenggahzu khamna, pawikhamna, tam dawn luatna, a kihhuai milim biakna-ah om theih nading hunte a kicing ta hi.

Kolose 3:6

Tua khialhna hangin Pasian’ hehna in a nialte’ tate tungah a tung hi.

1 THESALONIKA MASA 5:7

Bang hang hiam na cih uh leh, a ihmu mite in zanin a ihmu thei uh hi. A kham a guite in zong zanin a kham thei uh hi.

1 KORIN MASA 15:50

Ute naute aw, ke’n kong cih-inah, si-le-sa in Pasian’ Gam a luah zo kei ding hi. A muat theite in a muat theih lohna a luah zo kei ding hi.

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Isaiah 3:11

Mi gilo in gimna ngah ta hen! Ama khut in a hihsate ama tung mah ah kithukkik ding ahih manin ama tungah thu sia ding hi.

Luka 21:34

“Note na kikeem ta un. Ahih kei leh, annek tuidawn hih nuntakna leh lungman’na hangin na lungsim uh a gim lai takin, tua Ni in thang kisai bangin note tungah a hong tung ding hi.

Thu-hilhkikna 21:20

amaute in a khuapi upate kiangah, ‘Hih ka tapa uh lungkhauhin lehdo thei a, amah in ka thu uh hong mang lo hi; amah in anhai zuhai ahi hi,’ ci ding uh hi.

Hebru 13:4

Mi khempeuh lakah kiteen’na kithupisim ta hen. Pasalte leh zite in khat leh khat a thuman ciat ding uh ahi hi. Bang hang hiam na cih uh leh, numei tawh a mawhte leh mi’ zi tungah a mawhte Pasian in thu a khen ding hi.

2 THESALONIKA NIHNA 2:5

Keimah in note tawh ka omkhawm lai takin hih thu ka hong gen zo hi ci-in phawk lo na hi uh hiam?