Galati 5:11 - Tedim Bible

¹¹ Ka ute naute aw, kei ka hih leh, vunatna thu ka hilh lai leh, a bang hangin bawlsiatna ka thuak hiam? Tua bang ka hilh leh, singlamteh tawh kipawl pukna thu in paihkhiatna a thuak zo hi.

Tedim Bible Revision 2017

¹¹ Sanggamte aw, vun-atna kisam hi, ci-in a hilh lai hi leng, bang hangin bawlsiatna thuak zenzen ding ka hi hiam? Tua bangin thu a hilh hi leng, singlamteh tunga Khrisʼ sihna thu ka hilhna hangin bangmah buaina a om kei ding hi.

Galati 5:11 Referans Kwoze

1 KORIN MASA 1:23

Eite i hih leh, singlamteh tungah a si Khazih’ thu i hilh hi. Tua thu in Judah mite ading kipukna ahi hi. Gentailte ading haina ahi hi.

Galati 6:12

Amaute pumpi uh tawh kipawl minthan’na a deih mite in, Khazih’ singlamteh hangah thuakna leh bawlsiatna tawh kipelh nuam bekin, note vunat thuak nadingin zawhthawh thu tawh hong zol uh hi.

Galati 4:29

Ahih hangin tua lai taka ci-le-sa ngeina bangin a suak ta in Kha Siangtho vangliatna tawh a suak ta pen a bawlsiat mah bangin tu-in zong ahi hi.

Galati 2:3

Ahih hangin keimah tawh a tonkhawm Titu in Grik mi ahi napi-in a vunat dingin thu a pia kei uh hi.

1 KORIN MASA 15:30

Kote in zong hong tung ding gimna tawh bang hangin kituak niloh ka hi uh hiam?

Sawltak 21:21

Gentailte lakah a om Judah mite khempeuh in amaute’ tate vun atsak lo tham loin ngeina tang loin Moses thu nusia dingin na hilh hi ci-in hih mite in a za zo uh hi.

Galati 6:17

Tu-a kipanin kuamah in kei hong nawngkaisak kei hen. Bang hang hiam na cih uh leh, ka pumpi tungah Zeisu’ ciamtehnate ka pua hi.

1 KORIN MASA 1:18

Bang hang hiam na cih uh leh, siatna a thuakte’ ading singlamteh thu in haina thu ahi hi. Gupna a ngah eite ading tua thu in Pasian’ vangliatna ahi hi.

Sawltak 21:28

mi honpite hansuahin, “Israel mite aw, hong huh un! Hih pa in ei mi pawlte ahi zongin, Thukhamna ahi zongin, hih mun ahi zongin, a kituak loin bawl a, mun khempeuh ah mi vekpi kiangah thu a hilh hi. Tua tham loin Grik mite biakna innpi sungah lut sakin, hih mun siangtho a nin sak hi,” ci-in a man uh hi.

Sawltak 16:3

Paul in amah a tonpih nuam hi. A pa Grik mi ahih lam tua gamah a om Judah mite in a theih manunah ama vun a atsak hi.

Isaiah 8:14

Amah pen, bukna hi ding a, a siangtho’ luatna hangin mite’ kitukna leh puk theihna suangtum tawh kibang hi. Judah leh Israel kumpigam mite leh Jerusalem khua-a teeng mite a awk nading thangzak tawh kibang ding hi.

Galati 3:1

Pilna a nei lo Galati mite aw, singlamteh tungah sihna a thuak Zeisu Khazih in no mai-ah a tel takin hong kilak napi-in, note a kua in hong bum hiam?