Galati 5:10 - Tedim Bible

¹⁰ Note in lungsim tuamdang na nei kei ding uh hi ci-in keimah in Topa sungah note tawh kipawlin upna taktak ka nei hi. Note hong khelbawl mi in kuakua ahih hangin ama mawhna dan a thuak ding hi.

Tedim Bible Revision 2017

¹⁰ Eite, Topa tawh a kipawl khawmte ihih manin kei tawh a kilamdangin note in bangmah ngaihsut tuam nei het lo ding, ci-in kong muang a, a kua a kua hitaleh note hong nawngkaisakte pen Pasian in gim pia ding hi, ci-in ka um hi.

Galati 5:10 Referans Kwoze

Galati 5:12

Note hong khialsak mite in amaute mah kiget ta uh hen ka ci hi!

Filippi 3:15

Tua ahih ciangin a kicing eite khempeuh in tua bangin lungsim nei ciat ni. Note in na khatpeuh peuh ah na lungsim ngaihsutna uh a kibat kei leh, Pasian in tua na a hong lak ding hi.

Galati 1:7

Tua Lungdamna Thu in ‘lungdamna thu dang’ ahi kei hi. Note hong bawlsia-in Khazih’ Lungdamna Thu a lumlet nuam mi kimkhat a om uh hi.

2 KORIN NIHNA 2:3

Ka lungdamna in note khempeuh lungdamna ahi hi ci-in ka lungmuang a, ka hong tun’ ciangin ka lung a hong damsak ding a kilawm mite pan dahna hong suah loh nadingin tu ma-in lai in ka hong khak hi.

1 TIMOTI MASA 1:20

Tua mite lakah Himenaius leh Alekzander a om uh hi. Tuate in thu gensiatna kam a gen nawn loh nading uh a kisin nadingun Satan ka keemsak zo hi.

Galati 6:17

Tu-a kipanin kuamah in kei hong nawngkaisak kei hen. Bang hang hiam na cih uh leh, ka pumpi tungah Zeisu’ ciamtehnate ka pua hi.

Galati 4:17

Tua mite in note a kilawmin hahkatin hong zo lo tham loin, note in amaute na zon’ nadingun a pua lamah note hong koih nuam ahi uh hi.

Galati 3:1

Pilna a nei lo Galati mite aw, singlamteh tungah sihna a thuak Zeisu Khazih in no mai-ah a tel takin hong kilak napi-in, note a kua in hong bum hiam?

Galati 2:6

Mi lian a kicite in nidang lai-inah bang ci mi ahih thu kei tawh kisai lo hi, Pasian in mi maitang zahtak a nei kei hi. Tua mite tawh kipawlin bangmah ka ngah lo tham loin,

Galati 2:4

Khazih Zeisu hangah i ngahsa suahtakna thu en simin eite sila hong suahsak nadingun kheemna tawh a hong tumsim ute naute banga kibawl mite’ thu hangin tua bang hong bawl uh hi.

2 KORIN NIHNA 10:6

Note thungaihna in a kicin’ khit ciangin thungai lo khempeuh daan pia dingin a baihsa-in ka om uh hi.

1 KORIN MASA 5:5

Topa Zeisu’ Ni ciangin tua mipa’ kha in gupna a ngah theih nadingin ama pumpi a kisiat na’ng Satan’ khut sungah na pia ta un ci-in ka khen hi.

Sawltak 15:24

Mi kimkhatte in ko thupiak lohin kote kiang panin a paikhia uh a, note lungsim uh hong lumletin, hong gimsak zo cih thu ka za uh hi.

Filemon 1:21

Nangmah in ka thu hong mangin, ka genna zah sangin zong ahoihzaw-in na hih ding ci-in ka theih maninah lai ka hong gelh hi.

2 THESALONIKA NIHNA 3:4

Kote’ thupiakna bangin note in tu-in na gamta uh tham loin, a nung ciangin zong na gamta ding uh hi ci-in Topa suangin kote in ka lungkim uh hi.

Galati 4:20

tu-in note tawh omkhawmin ka kam pauna ka kheel nuam hi. Bang hang hiam na cih uh leh, nomau hangah ka lungmang hi.

Galati 4:11

Note adingin a mawkna-in ka hahkat hi ci-in note thu hangin lunghimawhin ka om hi.

2 KORIN NIHNA 13:10

Tua ahih ciangin a kiphel khiatsuk nading hi lo, a kilam nadinga Topa in kei hong piak thuneihna thu a om mah bangin, kong tun’ ciangin nakpi-a kong bawl loh nadingin no tawh ka omkhawm loh lai takin hih thu kong gelh hi.

2 KORIN NIHNA 10:2

Kote in ci-le-sa ngeina bangin a gamta mi ka hi uh ci-in hong ngaihsun mi kimkhatte kiangah lau lo-a ka hanciam bangin, note kiangah ka hong tun’ ciangin tua zah lau lohnate om loh nadingin kong thuum hi.

2 KORIN NIHNA 8:22

Tua nihte tawh a dang sanggampa zong kong paisak uh hi. Tua sanggampa na khempeuh ah tam veipi ka ze-et uh a, ka theih bangin a hahkatpa ahi hi. Tu-in note a hong muan’ mahmah maninah a hahkat semsem hi.

2 KORIN NIHNA 7:16

Keimah in na khempeuhah note tawh kipawlin ka lungmuang semsem a, ka nuam hi.

2 KORIN NIHNA 5:16

Tua ahih ciangin tu-a kipan kote in ci-le-sa pawlte ngaihsunin kuamah ka thei kei uh hi. Ci-le-sa pawlte ngaihsunin Khazih ka theih ngei uh hangin tu-a kipanin tua bang ka thei ngei nawn kei uh hi.

2 KORIN NIHNA 2:6

Mi tampite’ thukhenna daan in tua bang mi ading a cing hi.

2 KORIN NIHNA 1:15

Tua bang lamenin ka om a, note in nih vei thupha na ngah nadingun note kiangah hong pai masa ning, ci-in ka lungngai hi.

Galati 5:7

Nidangin note in a pha takpi-in na tai uh hi. Thuman thutak na ngaih loh nadingun a kua in hong kheem hiam?