Galati 5:1 - Tedim Bible

¹ Khazih in eite suahtakna thu i ngah nadingin hong suaktasak hi. Tua ahih ciangin kipin om un la, sila suahna hakkol pua-in, kikhihna zangkik nawn kei un.

Tedim Bible Revision 2017

¹ Khris in eite hong khahkhiat khitna hangin mi suaktate hi khinta ihih manin tua suahtakna thu ah kipin om unla, sila va suakkik nawn kei un.

Galati 5:1 Referans Kwoze

2 KORIN NIHNA 3:17

‘Topa’ a cih ciangin Kha Siangtho a cihnopna hi. Topa’ Kha Siangtho’ omna-ah suahtak nopsakna a om hi.

Galati 5:13

Ute naute aw, note in suahtakna thu ngah dinga hong sap mi na hih uh leh, si-le-sa nopsak na’ngin tua suahtakna zang kei un. Ki-itna tawh khat leh khat’ nasem mi na suak zaw un.

1 PETER MASA 2:16

To neilo na hih uh hangin to nei lo na hihna uh tawh gitlohna a seel mite bangin na gamta kei un; Pasian’ sila bangin na gamta un.

ROM (Romans) 6:14

Bang hang hiam na cih uh leh, thukham nuai-ah om loin, hehpihna nuai-ah na om uh ahih ciangin na mawhna un note hong uk lo ding hi.

ROM (Romans) 8:2

Bang hang hiam na cih uh leh, Khazih Zeisu hanga a om nuntakna’ Kha tawh kipawl thukham in mawhna leh sihna’ thukham sung pan kei hong honkhia zo hi.

Galati 4:9

Tu-in ahih leh, note in Pasian na thei khin uh tham loin, Pasian in note hong theih khit ciangin, thahat lo, nopna hong pia thei lo thungeek lamah, a bang hangin kihei kikin sila kaikik nuam na hi uh hiam?

Hebru 10:23

Lametna thu tawh kipawl i man’nate sawisak loin lenkip ni. Bang hang hiam na cih uh leh, thuciamna a koihpa in thuman mi ahi hi.

Galati 2:4

Khazih Zeisu hangah i ngahsa suahtakna thu en simin eite sila hong suahsak nadingun kheemna tawh a hong tumsim ute naute banga kibawl mite’ thu hangin tua bang hong bawl uh hi.

Galati 4:31

Tua ahih ciangin ute naute aw, eite in sila-numei’ tate i hi kei hi: sila-lo numei’ tate i hi hi.

Mangmuhna 3:3

Tua ahih ciangin bangci na san’, bangci na zak thu phawkkik in la, zui in, kisikkik in. Tua ahih ciangin ngakin na om kei leh, guta bangin ka hong pai ding a, na kiangah bang hunin ka hong tun’ ding na thei kei ding hi.

2 PETER NIHNA 2:19

Amaute pumpi uh kisiatna’ sila ahi napi-in, “Suahtakna ka hong pia ding uh hi,” a ci uh hi. Bang hang hiam na cih uh leh, mi a zo thei na in tua mi’ topa ahi hi.

1 KORIN MASA 16:13

Note in kikemin ngak un. Upna ah na kip un. Pasal tawh kibangin thacingin, thahat un.

ROM (Romans) 7:6

Tu-in ahih leh, thukham lui muang loin, Kha Siangtho’ nuntakna thak sungah na i sep nadingin hong ukpa lamah i sih khit ciangin thukham pan i suakta zo hi.

ROM (Romans) 6:18

Mawhna’ khut sung pan na suahtak khit uh ciangin, dikna’ sila na suak uh hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Sawltak 15:10

Tua bang ahih leh, eite ahi zongin, i pu i pate ahi zongin, a puak zawh loh hakkol nungzuite’ ngawng tungah suan dingin bang hangin Pasian na ze-et uh hiam?

1 KORIN MASA 7:22

Bang hang hiam cih leh, sila ahihna-ah Topa’ sapna a ngah mi in Topa-ah suakta mi ahi hi. Tua mah bangin to neih lohna pan sapna a ngah mi in Khazih’ sila ahi hi.

Late 51:12

Na hotkhiatna hangin lungdamna kei hong ngahsak kik in la, utna lungsim tawh kei hong huh in.

Paunak 23:23

Thuman, pilna, siamna, thu ngaihsut theihna lei in; tuate zuakkhiat dingin pammaih lua hi.

Juda 1:3

Ka itte aw, eite in i ngah khawm gupna thu tawh kizomin note kiangah ka hong gelh thu hahkat a, ka bawl lai takin, misiangthote kiangah khatvei bek a piaksa upna thu ading, lungsim khauhin na do nadingun hansuahin ka hong gelh hi.

Filippi 1:27

Note in galte hangin lau loin, lungsim kha khatah kipin, Lungdamna Thu tawh kipawl upna ading, lungsim kituakin na hahkatna uh, ka hong tun’ ciangin note tawh kimu-in ahi zongin, a kikhenin i om ahi zongin ka zak theih nadingin Khazih’ Lungdamna Thu tawh akilawm akituakin gamtat ding na hanciam un.

Efesa 6:14

Tua ahih ciangin thuman thutak kawnggak na gak un la, dikna awmdalna na bulh un la,

Mangmuhna 2:25

Ahih hangin note in na ngahsa khempeuh uh ka hong pai dongin kip takin len un.

Hebru 4:14

Tua ahih ciangin vantung kheng a, pai Siampi Ukpa lian ahi Pasian’ Tapa Zeisu in, eite aa ahih ciangin eite in i man’sa thu-ah kip takin om ni.

Hebru 3:14

Bang hang hiam na cih uh leh, eite in i kipat cil upna bangin a tawp dongin i kip leh, Khazih tawh a ngah khawmte i hi ding hi.

Hebru 3:6

Khazih ahih leh, Tapa ahihna tawh innpi uk a, a diktat hi. Eite in lau lohna ahi zongin, lametna tawh kipawl lungdam kisaktheihna ahi zongin, a tawp mateng i let kip leh, tua innpi i hi hi.

2 THESALONIKA NIHNA 2:15

Tua ahih ciangin ute naute aw, kam sung pan hong pusuak thu hang ahi zongin, kote lai hang ahi zongin note in na sinsa uh ngeinate ah kipin lenin, deih un.

1 THESALONIKA MASA 3:8

Bang hang hiam na cih uh leh, note in Topa sungah na kip uh leh, kote ka nungta uh hi.

Galati 4:26

Ahih hangin tung lamah a om Jerusalem khua ahih leh, eite nu ahi, sila numei hi lo numei ahi hi.

Galati 3:25

Tu-in ahih leh, upna thu hong tung ahih ciangin tua hong cing khut nuaiah i om nawn kei hi.

1 KORIN MASA 15:58

Tua ahih ciangin ka it ka ute ka naute aw, Topa’ nasep na hahkatna uh in Pasian tungah a mawkna hi lo hi cih thei na hih ciangun lungkipin, kicingin, kiam loin, hoi loin hahkat-in sem un.

Mattiu 23:4

A gik mahmah, a puak hak van guangin, midangte’ liangko tungah a suat uh hangin, a khutme nangawn uh tawh khin nuam lo uh hi.

ROM (Romans) 7:3

Tua ahih ciangin a pasal a nuntak lai-in midang’ zi a suah leh, numei gilo a kici ding hi. Ahih hangin a pasal a sih leh, tua numei in thukham tawh a kipelhkhia a, midang tawh a kiteeng zongin numei gilo a kici kei ding hi.

ROM (Romans) 8:15

Note in kihtak kikkik nading sila’ lungsim na ngah kei uh hi. “Abba, Pa aw,” i cih mah bangin ta suahna lungsim na ngah uh hi.

2 KORIN NIHNA 11:20

Mi khat in note sila hong suaksak ahi zongin, hong ne ahi zongin, hong man ahi zongin, a kiphasak ahi zongin, na biang uh hong beeng ahi zongin na thuak uh hi.

Luka 5:38

Leenggahtui thak savun um thak sungah a kithun ding hi.