Galati 4:9 - Tedim Bible

⁹ Tu-in ahih leh, note in Pasian na thei khin uh tham loin, Pasian in note hong theih khit ciangin, thahat lo, nopna hong pia thei lo thungeek lamah, a bang hangin kihei kikin sila kaikik nuam na hi uh hiam?

Tedim Bible Revision 2017

⁹ Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a gina lo tua bangte lamah kiheikik nuam a, sila va suakkik nuam na hi uh hiam?

Galati 4:9 Referans Kwoze

1 KORIN MASA 8:3

Mikhat in Pasian a it leh, Pasian in tua mi a thei hi.

Galati 3:3

Hih zah takin pilna nei lo na hi uh hiam? Kha Siangtho suangin na kipat khit uh ciangin ci-le-sa suangin na tangtun’ zo ding uh hiam?

ROM (Romans) 8:3

Thukham in i ci i sa hangin a thanem ahih ciangin a kibawl zo lo nate, Pasian in mawhna tawh a dim pumpi lim bangin a Tapa mawhna maisak dingin hong sawlin, ci leh sa sungah mawhna a hong khen hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

2 PETER NIHNA 2:20

I Topa leh Honpa Zeisu Khazih theihtelna hangin leitung kihhuaina tawh a suahtak khit uh ciangin, khat vei awk kikin a lelh uh leh, a nung ciangin a pian’ in a pian’masak sangin a gilo zaw hi.

Hebru 7:18

Thukham in bangmah kicingsak zo lo ahih ciangin tanglai thukham in thahatna nei lo a, phattuamna pia zo lo ahih ciangin paihkhiatna a ngah zo hi.

2 TIMOTI NIHNA 2:19

Ahih hangin, “Topa in ama mite a thei hi,” ci-in ahi zongin, “Topa’ min a muangte in dik lohna pan paikhia hen,” ci-in ahi zongin ciamtehna a om, a to mahmah Pasian’ bulpi in, kipin a om hi.

Efesa 1:17

Ka thungetna in: eite Topa Zeisu Khazih’ Pasian, vangliatna Pa in amah theihtel nadingin pilna ahi zongin, theih baihna lungsim ahi zongin hong piak nadingin,

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

1 KORIN MASA 13:12

Tu lai takin kimu tel loin limlang sungah i en hi. Tu nung ciangin i maitang a tel takin i mu ding hi. Tu-in a kicing loin ka thei hi. Tu nung ciangin Pasian in kei hong theih bangin ka thei ding hi.

Paikhiatna 33:17

Topa in Moses' kiangah, “Nangma gensa hih thu mahmah keimah in ka hih ding hi; bang hang hiam cih leh ka muhna-ah nang in maipha na ngah zo a, na min-in nang kong thei hi,” a ci hi.

ROM (Romans) 8:29

Pasian’ Tapa in unau tampite lakah a upa bel a suah nadingin Pasian in nidang lai-a a theihkhol mite, a Tapa’ lim tawh kibang a suahsak nadingin, nidang lai-in a ciamteh khol hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

Johan 10:27

Ka tuute in keima aw a ngai uh a, ka tuute ka thei a, keima nung hong zui uh hi.

Johan 10:14

Migi tuucing ka hi hi. Pa in kei hong thei-a kei in Pa ka theih bangin,

Mattiu 11:27

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa leh Tapa in a theihsak nopte longal kuamah in Pa a thei kei hi.

Habakkuk 2:14

Tuipi in tui tawh a kidim mah bangin, leitung in Topa’ minthan’na theihna tawh kidim ding hi.

Jeremiah 31:34

Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Paunak 2:5

Tua hi leh, Topa zahtakna thu na thei ding a, Pasian na theitel ding hi.

Late 9:10

Topa aw, nangmah hong zongte nusia lo na hih manin, na min a theite in nang hong muang hi.

Late 1:6

bang hang hiam cih leh Topa in midikte’ lampi kem a, migilote’ lampi ahi leh siamang ding hi.

1 KUMPI MASATE 8:43

na ten’na vantung panin za in la, tua gamdang mipa in nang tungah hong ngetna khempeuh tawh kizui-in hih in; nangma mi Israelte mah bangin leitung mi khempeuh in na min thei-in nang hong zahtak nading, leh hih ka lamsa inn in nangma min tawh a kilo a hihna a theih nading uh ahi hi.

1 KORIN MASA 15:34

Note kimkhat in Pasian kitheih mawhbawl na hih uh ciangin kilehkik un, mawhna hih nawn kei un – tua bang ka cih ciangin note zum nadingin kong ci hi.

2 KORIN NIHNA 11:20

Mi khat in note sila hong suaksak ahi zongin, hong ne ahi zongin, hong man ahi zongin, a kiphasak ahi zongin, na biang uh hong beeng ahi zongin na thuak uh hi.

Galati 4:3

Tua mah bangin eite i neu lai takin leitung thungeek khut nuai-ah sila in, i om hi.

Luka 5:38

Leenggahtui thak savun um thak sungah a kithun ding hi.