Galati 4:8 - Tedim Bible

⁸ Ahih hangin note in tua hun lai takin Pasian na theih loh lai takun a pian’ lim in Pasian ahi lo mite’ sila-in na om uh hi.

Tedim Bible Revision 2017

⁸ A beisa hunah Pasian thei lo na hih manun Pasian ahi lo vangliatna a neiteʼ sila-in na om uh hi.

Galati 4:8 Referans Kwoze

1 KORIN MASA 8:4

Milim biakna sa nekna pan ahih leh, leitungah milim in a mawkna taktak hi a, Pasian khat bek longal Pasian dang a om kei hi cih i thei hi;

1 THESALONIKA MASA 1:9

Bang hang hiam na cih uh leh, kote in note lakah bang ci ka hong lut uh tham loin, a nungta leh thuman thutak Pasian’ na note in sem ding ahi zongin, a hong tung ding hehna pan eite hong gumkhia Zeisu ahi, sihna pan Pasian in a thawh kiksak a Tapa in vantung pan a hong kum kik ding a ngak ding ahi zongin, milimte pan Pasian kiangah bang na ci kihei uh, amau mah in a zasak uh hi.

1 PETER MASA 4:3

Gentailte’ deihna zui-in lunggulhna a nin deihgawhna, leenggahzu khamna, pawikhamna, tam dawn luatna, a kihhuai milim biakna-ah om theih nading hunte a kicing ta hi.

1 KORIN MASA 1:21

Bang hang hiam na cih uh leh, Pasian’ vaihawm bangin leitung mite in amau lungpilna hangah Pasian thei lo uh ahih ciangin, Pasian in a umte thuhilhna hai tawh a gup nading lungsim a nei hi.

Isaiah 37:19

amaute’ pasiante pen meikhuk sungah paihsakin susia khin hi; bang hang hiam cih leh tuate pen pasian hi loin, mite’ khut tawh a kibawl sing leh suangte ahi hi; tua ahih ciangin tuate kisusia hi.

2 KHANG TANGTHU NIHNATE 13:9

Note in Aaron’ suan, Topa’ siampite, leh Levi mite hawlkhia-in, gamdang mite bangin note’ adingin siampite bawl khin hilo na hi uh hiam? Bawngtalno khat tawh ahi a, tuutal sagih tawh ahi zongin a ki-ap dingin a hong pai peuhpeuh, pasian a hilote’ siampi suak pahpah hi.

Efesa 4:18

Tua mite in a lungsim uh khauh a, neu kha beek thei lo ahih ciangun pilna khuavak kiliahin Pasian’ nuntakna tawh a kikhen uh hi.

1 KORIN MASA 12:2

Note in Gentailte na hih lai takun, bang ci lam tawh na zuih uh ahi zongin, a pau thei lo milim omna lamah a zui mi na hih ngei uh na thei uh hi.

Jeremiah 10:25

Nangmah hong thei lo gamte tung leh nangma’ min a hong lo ngeilo mite’ tungah na hehna sungsuk in; bang hang hiam cih leh amaute in Jakob’ suan leh khakte that mangin a ma’ teen’na susia khin uh hi.

Joshua 24:15

Topa’ na nasep nop kei uh leh, Gungal khat-a a na a kisepsak na pu na pate uh pasian ahi a, note’ teen’na gam Amor mite’ pasiante ahi zongin, a na nasep sak ding peuhpeuh uh tu ni-in teel un; ahih hangin kei leh ka innkuanpihte in ahih leh Topa’ na ka sem ding uh hi,” a ci hi.

Joshua 24:2

Tua ciangin Joshua in mite khempeuh tungah, “Israel Pasian, Topa in hih bangin ci hi. ‘Taang lai-in Eufrates galkhatah na pu na pate uh teeng ngei a, tuate lakah Abraham leh Nahor’ pa Terah in khat ahi hi; amaute in pasian dangte’ na sem uh hi.

Paikhiatna 5:2

Ahih hangin Faro in, “Ama' aw ngai-in Israel ka paisak dingin Topa in kua ahi hiam? Topa ka thei kei hi, tua tham loin Israelte ka paisak kei ding hi,” ci hi.

1 JOHAN MASA 3:1

Eite in Pasian’ tate cihna i ngah nadingin Pa in eite tungah bang zah itna hong pia hiam ci-in ngaihsun un. Eite in tate taktak i hi hi. Tua hangin leitungmite in amah a theih loh manunah eite zong hong thei kei uh hi.

ROM (Romans) 1:28

Amaute in Pasian thei nuam lo uh ahih ciangin a kituak lo nate ahih nading Pasian in amaute gitlohna lungsim sungah a piak mah bangin,

Sawltak 17:23

Bang hang hiam na cih uh leh, lampi-ah ka pai lai takin, na biaknate uh ka et ciangin, ‘Kithei-lo Pasian Ading,’ ci-a kigelh biakna tau khat ka mu hi. Note in na theih lohpi uh a, na biak uh Pasian’ thu kong hilh ding hi.

Sawltak 14:12

Barnabas pen Zeas ci uh a, Paul in thugen penpa ahih ciangin Hermes a ci uh hi.

Johan 1:10

Amah in leitungah a om zo hi. Amah tawh leitung kipiangsak hi. Leitung in amah a thei kei hi.

Jeremiah 2:11

Gam khat in pasian ahi taktak beek lo a pasiante uh nangawn a khek ngei peuhmah uh hiam? Ahih hangin ka mite in a minthan’na uh ahi, keimah pen bangmah-a kimang lo na peuh tawh hong khek tazen uh hi.

ROM (Romans) 1:23

kisia thei lo Pasian’ vangliatna in a sia thei mite ahi zongin, vasate ahi zongin, khe li nei ganhingte ahi zongin, bawkbak a, paite ahi zongin, tuate a milim tawh a kheek uh hi.

Jeremiah 5:7

“Na mawhna uh hong koici maisak ding ka hi hiam? Na tate un kei hong nusia zo uh a, pasian ahi lopi peuh tawh kiciam zo uh hi. Amaute a gilvah dong uh an ka vak khit ciangin, ang kawmin numei paktatte’ innah a hon om uh hi.

Jeremiah 16:20

Mi in ama’ pasian ding bawltawm thei ahi hiam? Tuate pasian hi lo hi!” a ci ding uh hi.

Galati 4:3

Tua mah bangin eite i neu lai takin leitung thungeek khut nuai-ah sila in, i om hi.