Galati 4:6 - Tedim Bible

⁶ Tua bangin note in tate na suak uh ahih ciangin,“Abba, Pa,” cisakin a Tapa’ Kha Siangtho eite lungsim sungah Pasian in hong sawl hi.

Tedim Bible Revision 2017

⁶ Note pen ama tate na hihna uh a hong lah nadingin Pasian in ama Tapaʼ Kha Siangtho, eite sungah hong tumsak a, tua Kha Siangtho in Pasian pen, “Pa aw, pa aw,” hong cisak hi.

Galati 4:6 Referans Kwoze

ROM (Romans) 5:5

Lawpna in hong zumsak lo ding hi. Bang hang hiam na cih uh leh, hong piak Kha Siangtho in Pasian’ itna eite sin sungah hong sung zo hi.

ROM (Romans) 8:9

Pasian’ Kha Siangtho in note sungah a teen’ leh, note in ci leh sa sungah na om kei uh hi; Pasian’ Kha Siangtho sungah na om uh hi. Bang hang hiam na cih uh leh, Khazih’ Kha Siangtho a nei lo mite in Khazih’ mi ahi kei uh hi.

Filippi 1:19

Bang hang hiam na cih uh leh, keimah in bangmah maizum loin, launa om loin, Khazih’ minthan’na ka pumpi sungah ka kilatsak tawntung mah bangin tu-in zong ka hing ahi zongin, ka si ahi zongin a kilang ding hi ci-in nakpi-in ka lamet mah bangin, note’ thungetna hang ahi zongin, Zeisu Khirs’ Kha Siangtho huhna hang ahi zongin, ka gimnate in kei hong gupna thu ahi hi ci-in ka thei hi.

Efesa 2:18

Bang hang hiam na cih uh leh, Khazih hangin ei pawl nihte in Kha Siangtho khat tawh Pa kiangah nai-in lut theih nading thu i ngah hi.

2 KORIN NIHNA 3:17

‘Topa’ a cih ciangin Kha Siangtho a cihnopna hi. Topa’ Kha Siangtho’ omna-ah suahtak nopsakna a om hi.

Efesa 4:30

Tatna’ Ni a tun’ dongin note hong ciamtehna ahi Pasian’ Kha Siangtho na dah sak kei un.

Juda 1:20

Ka itte aw, note in na hih uh leh, a siangtho mahmah upna tungah na pumpi uh lamin, Kha Siangtho tawh thungenin,

Johan 16:7

Ke’n aman takpi kong cih-inah, kei ka ciah leh, note’ ading a pha zaw ding hi. Bang hang hiam na cih uh leh, kei ka ciah kei leh, Huhpa in note kiangah hong pai lo ding hi. Ahih hangin ka ciah leh, tua pa note kiangah kong sawl ding hi.

Johan 14:16

Keimah in Pa kiangah thu ka ngen ding a, note tawh a omkhawm tawntung dingin Kha Siangtho ahi adang Huhpa hong pia ding hi.

Luka 11:13

Note in mi gilo na hi napi-un na tate uh a hoih na piak uh leh, tua sangin vantungah a om na Pa un a ngen mite Kha Siangtho hong pia zaw ding hilo ahi hiam?” ci-in a gen hi.

2 KORIN NIHNA 1:22

Tua Pasian in, eite Kha Siangtho sathau hong nilhin hong neihna ciamtehna hong khen-a, i lungsim sungah Kha Siangtho ahi kiciamna maleep hong guan’ hi.

Johan 15:26

“Pa kiang pan a pusuak, thuman thutak Kha Siangtho ahi Pa kiang pan no kiangah kong sawl ding Huhpa in a hong tun’ ciangin, keima ading teci a pang ding hi.

Luka 11:2

Zeisu in, “Note in thu na nget uh ciangin hih bangin na ngen un: ‘Pa aw, Nangma min siangtho ta hen; Na Gam hong piang ta hen;

Johan 3:34

Pasian hong sawl mi in Pasian’ thu a gen hi. Bang hang hiam i cih leh, Pasian in Kha Siangtho kiteh loin a pia hi.

Jeremiah 3:4

Tu mahin kei nong sam a, ‘Ka pa aw, ka neu lai pek pan-a ka lawm na hi hi—

1 PETER MASA 1:11

Khazih’ thuak gimnate ahi zongin, tua gimna a thuak khit ciangin a kilang ding minthan’na ahi zongin, amaute sungah a om Khazih’ Kha Siangtho in teci a pan’ kholh ciangin a bang ci, a bang hun a cihnopna ci-in a zong uh hi.

Efesa 6:18

Thungetna pawlpawlte, thuumna pawlpawlte, Kha Siangtho tawh a tawntungin thu na ngen un. Tua bang thunget nading thakiam loin, misiangtho khempeuh ading thu nget sakin om un.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoihpen luah dingin, gam nopci khat nang hong pia ning, ci-in ka ngaihsun hi. Ka Pa aw, ci-a hong sam ding leh ka nung hong zui den ding kong sa kha hi.

Mangmuhna 19:10

kei in tua vantungmi’ khe kiangah bokin bia dingin ka kisak leh, amah in, “Kei hong bia kei in! Kei in nang tawh ahi zongin, Zeisu’ teci pan’na a sang na sanggamte tawh ahi zongin sila ka hi khawm hi, Pasian bia in! Bang hang hiam na cih leh, Zeisu’ teci pan’na thu in kamsangte lungsim ahi hi,” ci-in kei kiangah hong gen hi.

Efesa 1:13

Note in zong note hong gupna thu tawh kipawl Lungdamna Thu ahi thuman thutak ngai-in, tua Khazih na up khit uh ciangin thuciamna tawh kipawl Kha Siangtho-a ciamtehna na ngah zo uh hi.

1 KORIN MASA 15:45

Lai Siangtho sungah a kigelh mah bangin, “A masa bel Adam in a nungta mihing a suak hi,” kici hi. A nunung bel Adam in nuntakna a pia thei kha a suak hi.

Sawltak 16:7

Misia gamah a tun’ uh ciangin Bithinia gamah pai ding thu a ngaihsut lai takun Zeisu’ Kha in thu a pia kei hi.

Johan 7:39

Tua bang a cihna in a umte’ ngah ding Kha Siangtho a cihna ahi hi. Bang hang hiam i cih leh, Zeisu in minthan’na ngah nai lo ahih ciangin Kha Siangtho a kipia nai kei hi.

Marka 14:36

“Abba, Pa aw, na khempeuh na bawl thei hi. Hih hai kei tawh kipelhsak in; ahih hangin keima deihna bang hi kei hen, nangma deihna bang hi ta hen,” a ci hi.

1 THESALONIKA MASA 4:8

Tua ahih ciangin hih thu a nial mi in mi bek nial ahi kei hi, note Kha Siangtho a hong pia Pasian nial ahi hi.