Galati 4:25 - Tedim Bible

²⁵ Tua Hagar in Arabia gam Sinai Mual hi a, tu-in a om Jerusalem khua tawh kibang hi. Bang hang hiam na cih uh leh, amah in a tate tawh sila-in a om hi.

Tedim Bible Revision 2017

²⁵ Arabia gam a om Sinai Mual lim ahi Hagar pen tu laitakin a mite tawh salin a om Jerusalem khuapi a cihnopna ahi hi.

Galati 4:25 Referans Kwoze

Hebru 12:18

Tua longal note in khut tawh a kilawng kha thei mei kang mualah ahi zongin, a vom meiipi-ah ahi zongin, khuamial ah ahi zongin, huihpi nungah ahi zongin, peengkul tumna aw-ah ahi zongin, kam awging ah ahi zongin a tung na hi kei uh hi. Tua aw a za mite in thu a piakkik loh nadingin a thuum uh hi.

Galati 1:17

eimah sawltak a suak mite omna Jerusalem khua-ah zong pai loin Arabia gamah pai-in khatvei Damasakas khua-ah ka ciahkik hi.

Sawltak 1:11

“Galile mite aw, bang hangin vantung lam ento na hi uh hiam? Note kiang pan vantungah a kilato Zeisu in vantungah a pai na muh uh bangin khatvei hong kumsuk kik ding hi,” a ci uh hi.

Luka 19:44

Nang akipan na sunga om na tate leitungah a kipuksak ding ni a hong tung ding a; na sunga suang khat tungah suang kiciang khat beek a omsak kei ding uh hi. Bang hang hiam na cih leh, Pasian hong hawhna hun na thei kei hi,” a ci hi.

Luka 13:34

“Pasian’ kamsangte that a, na kiangah hong kisawlte zong suang tawh a deeng Jerusalem, Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a; nang na ut kei hi.

Mattiu 23:37

“Pasian’ kamsangte that a, na omna ah hong kisawlte zong suangtum tawh a deeng Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a, nang na ut kei hi.

Late 68:17

Leng muan’huai tulsawm kop nih, a tul a tul tawh, Sinai mual panin siangtho munah Topa hong pai hi.

Late 68:8

nangmah Pasian na om manin lei lingin, vantungte in guah zusak hi; Pasian ahi, Israelte’ Pasian’ omna-ah Sinai mual nangawn ling hi.

Thukhente 5:5

Topa mai-ah mualte kiliing hi, Israelte’ Pasian, Topa’ mai Sinai gal khatah.

Thu-hilhkikna 33:2

Amah in, “Sinai panin Topa hong pai a, Seir panin eite ading hong suakkhia hi; Paran Mual panin hong taangkhia a, a taklam khutah meikuang tawi-in, misiangtho tul sawmte kiang panin hong pai hi.

Galati 4:24

Tua thute-ah genteh nadingin a om hi. Tua numeite in thuciamna nih ahi uh hi. Hagar ahi numei khat in Sinai Mual tung pan hong piang, sila suahsak nading thu ahi hi.

Galati 4:26

Ahih hangin tung lamah a om Jerusalem khua ahih leh, eite nu ahi, sila numei hi lo numei ahi hi.