Galati 4:18 - Tedim Bible

¹⁸ Ahih hangin a hoihna zon’na ngahna in nomau tawh ka omkhawm laitak bek hi loin, a tawntung hoihna ahi hi.

Tedim Bible Revision 2017

¹⁸ Ngimna hoih nei ahih nak uh leh noteʼ phattuam nading kinna pen note tawh ka hong om khawm sung bek hi loin, a tawntungin kin ding a hoih ahi hi.

Galati 4:18 Referans Kwoze

Filippi 2:12

Tua ahih ciangin ka itte aw, note in thu na man’ tawntung uh bangin keimah maitangah tham loin, ka muh lohna-ah zong thungai-in, launa liin’na lungsim tawh, gupna na ngahna uh semkhia un.

Mangmuhna 3:19

Ka it khempeuhte a mawhna uh lakin ka hilh thei hi. Tua ahih ciangin lungsim citak-in kisikkik in.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Filippi 1:27

Note in galte hangin lau loin, lungsim kha khatah kipin, Lungdamna Thu tawh kipawl upna ading, lungsim kituakin na hahkatna uh, ka hong tun’ ciangin note tawh kimu-in ahi zongin, a kikhenin i om ahi zongin ka zak theih nadingin Khazih’ Lungdamna Thu tawh akilawm akituakin gamtat ding na hanciam un.

Galati 4:13

Ahih hangin keimah in a masa-in pumpi dam lohna hangin note kiangah Lungdamna Thu ka hong hilh na thei uh hi.

1 KORIN MASA 15:58

Tua ahih ciangin ka it ka ute ka naute aw, Topa’ nasep na hahkatna uh in Pasian tungah a mawkna hi lo hi cih thei na hih ciangun lungkipin, kicingin, kiam loin, hoi loin hahkat-in sem un.

Late 119:139

Ka galte in nangma thu kin lo uh ahih manin, ka hehna mei bangin a kuang hi.

Johan 2:17

Tua lai takin a nungzuite in, “Nangma inn ka deih luatna in kei hong netum ding hi,” ci-a a kigelh a phawk uh hi.

Isaiah 59:17

Amah in thumanna pen awm dalna lum bangin silh ding a, gualzawhna pen sik lukhu bangin khu ding hi. Na khempeuh a manin bawlkik nopna, gimna a piangsakte daan pia-in thukkikna puansilhin, kinna puan tawh kitun ding hi.

Late 69:9

Nangma inn ka deih luatna mei bangin ka sungah sa a, nangmah hong kote’ konate keima tung hong tu hi.

Galati 4:20

tu-in note tawh omkhawmin ka kam pauna ka kheel nuam hi. Bang hang hiam na cih uh leh, nomau hangah ka lungmang hi.

Galati 4:17

Tua mite in note a kilawmin hahkatin hong zo lo tham loin, note in amaute na zon’ nadingun a pua lamah note hong koih nuam ahi uh hi.