Galati 4:16 - Tedim Bible

¹⁶ Tua ahih leh, keimah in thuman thutak note kiangah ka hong gen ciangin note’ gal suak ka hi hiam?

Tedim Bible Revision 2017

¹⁶ Note kiangah thuman ka hong genna hangin kei a hong galbawl na hi uh hiam?

Galati 4:16 Referans Kwoze

Amos 5:10

Note in thukhen zumah thutang a deihpa na mudah uh a, thuman a genpa na hua uh hi.

Paunak 9:8

Mihaite thuhilh kei in, hong mudah ding hi. Mipilte thuhilh in, hong it ding hi.

Galati 5:7

Nidangin note in a pha takpi-in na tai uh hi. Thuman thutak na ngaih loh nadingun a kua in hong kheem hiam?

Johan 8:45

Thuman thutak ka gen ciangin ka thu na um kei uh hi.

Late 141:5

Mi phapa kei hong vuasak in la, ahih hangin migilopa ka lu sathau nilh sak ngei kei in; bang hang hiam cih leh amau’ gitloh gamtatnate lang pangin thu ka ngenngen hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih ding, Imlah’ tapa Mikaiah kici mi khat om lai hi; ahih hangin amah in kei’ thu a hoih gen ngei loin a sia gen ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

Galati 2:5

Thuman thu ahi Lungdamna Thu in nomau sungah kip-a, a om nadingin kote in tua mite thu mitphiat sung nangawn ka mang ka ngai kei uh hi.

Johan 7:7

Leitung mite in no hong mudah thei kei uh hi. Kei hong mudah uh hi. Bang hang hiam na cih uh leh, amau’ gamtatna a hoih kei ci-in teci ka pang hi.

1 KUMPI MASATE 21:20

Ahab in Elijah kiangah, “Ka galpa aw, kei hong mu na hi hiam?” a ci hi. Amah in dawngin, “Topa muhna ah a sia gamta dingin nangmah kipia tawm na hih manin nangmah kong mu hi.

Galati 2:14

Amaute in Lungdamna Thu tawh kituak thuman thutak bangin a tang takin a zuih loh uh ka muh ciangin mite khempeuh mai-ah Kefas kiangah, “Nang, Judah mi na hi napi-in Judah ngeina bang gamta loin, Gentailte’ ngeina bang na gamtat leh, Gentailte in Judah ngeina bang a zuih nadingun bang hangin amaute zawhthawh thu tawh na bawl hiam?” ka ci hi.

2 KHANG TANGTHU NIHNATE 25:16

Ahih hangin amah in thu a gen lai takin kumpipa in ama kiangah, “Kumpi tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsangpa khawl a, ahih hangin, “Nangmah in hih bang gamta-in ka thugenna ngai lo na hih manin Pasian in nang hong suksiat ding a lungsim a khentatna ka thei hi,” a ci hi.

1 KUMPI MASATE 22:27

tua ciangin, ‘Kumpipa in hih bangin ci hi, “Hih mipa thong sungah koih un la, lungnuamin kei kong ciahkik matengin an leh tui tawmno cik bek tawh vaak un,” ci hi,” va ci un,” a ci hi.

Galati 4:15

Tua ahih leh, note lungdamna thupha koi lam tungsak ta na hi uh hiam? Na mittang uh lakhia-in, kei hong pia thei hi le-uh cin nong pia zo ding uh hi ci-in note ading teci ka pang hi.

Galati 4:17

Tua mite in note a kilawmin hahkatin hong zo lo tham loin, note in amaute na zon’ nadingun a pua lamah note hong koih nuam ahi uh hi.