Galati 4:13 - Tedim Bible

¹³ Ahih hangin keimah in a masa-in pumpi dam lohna hangin note kiangah Lungdamna Thu ka hong hilh na thei uh hi.

Tedim Bible Revision 2017

¹³ Note kiangah lungdamna thu hilh ding ka hong kipatna pen ka pumpi cidam lohna hang ahihna thu na theih sa uh ahi hi.

Galati 4:13 Referans Kwoze

1 KORIN MASA 2:3

Note tawh ka omkhawm lai takin thanemin, lau-in, liingin ka om hi.

Galati 1:6

Khazih’ hehpihna thupha hangah note hong sampa tawh hih zah taka manlangin kikhenin ‘lungdamna thu’ na sang uh ahih ciangin lamdang ka sa hi!

2 KORIN NIHNA 11:30

Kisathei ding ka hih leh, ka thanemna bek suangin ka kisathei ding hi.

2 KORIN NIHNA 11:6

Ka kam hangin a pil lo mi ka hi zongin pilna lamsangah pil lo mi ka hi kei hi. Hih thu khempeuh note apawl pawlin kong lak zo uh hi.

2 KORIN NIHNA 10:10

Bang hang hiam na cih uh leh, “Ama lai in a gik a vanglian tawh kidim lai a hih hangin ama pumpi ahih leh, hatna nei lo, thu-a kimang lo kam a pau thei mi hi,” a ci mi a om thei hi.

2 KORIN NIHNA 13:4

Bang hang hiam na cih uh leh, tua Khazih in thanemna hangin singlamteh tungah sihna a thuak zongin Pasian’ vangliatna tawh a nungta hi. Kote in zong Khazih sungah ka thanem uh zongin Pasian’ vangliatna hangin Khazih tawh note lakah ka nungta khawm ding uh hi.

Sawltak 16:6

Frigia gam leh Galati gamah a paisuak khit uh ciangun Asia gamah Pasian thu hilh lo dingin Kha Siangtho in a kham hi.

Mattiu 4:23

Zeisu in amaute kikhopna inn sungah Vantung Gam’ Lungdamna Thu hilh a, cinate damsakin Galile gam sung tengah a vak kawikawi hi.

Galati 4:12

Ute naute aw, keimah in note bang ka hih maninah keimah bangin na hi un ci-in ka hong thuum hi. Keima tungah note in a neukha beek na khial kei uh hi.

Galati 4:14

Keima sungah a om note thuak ze-etna note in ngaihsun loin, nial loin Pasian’ vantungmi bang ka hi zongin, Khazih Zeisu bang ka hi zongin, na hong sang uh hi.

Galati 4:18

Ahih hangin a hoihna zon’na ngahna in nomau tawh ka omkhawm laitak bek hi loin, a tawntung hoihna ahi hi.

Siampi Laibu 13:40

“Mi khat a sam pulh a, a lu a tol hangin amah a siang ahi hi.