Galati 4:1 - Tedim Bible

¹ Ahih hangin ke’n kong cih-inah, innluahpa in sum khempeuh a ukpa ahih hangin a neu lai takin sila tawh a kilamdang kei hi.

Tedim Bible Revision 2017

¹ Ahi zongin gamhluah ding tapa in a paʼ neihsa khempeuh a luah ding hi napi-in a neu lai hun sungteng silate mah bangin bangmah thu nei lo hi.

Galati 4:1 Referans Kwoze

Galati 4:29

Ahih hangin tua lai taka ci-le-sa ngeina bangin a suak ta in Kha Siangtho vangliatna tawh a suak ta pen a bawlsiat mah bangin tu-in zong ahi hi.

Galati 4:23

Sila numei’ tapa in ci-le-sa ngeina bangin a suak hi. Sila lo numei’ tapa ahih leh, thuciamna hangin a suak hi.

2 KUMPI NIHNATE 11:12

Tua ciangin amah in kumpipa’ tapa paikhiatpihin, ama tungah kumpi lukhu koih a, tecipan’na amah pia hi; tua ciangin amaute in amah kumpi hi, ci-in tangko-in amah sathau nilh uh hi; tua ciangin amaute in a khut uh bengin, “Kumpipa khan’ sau hen!” a ci uh hi.

2 KUMPI NIHNATE 12:2

Siampi Jehoiada in amah thuhilh ahih manin Joash in ama hun sung tawntung Topa’ mitah a man gamta hi.

Galati 3:29

Note in Khazih aa na hi uh leh, Abraham suan leh khakte na hi uh a, thuciamna bangin innluah mi na hi uh hi.

Galati 4:2

A pa thuciamna a hun a tun’ matengin amah in a cingte leh a keemte’ khut nuai-ah a om hi.

1 JOHAN MASA 5:10

Pasian’ Tapa a um mi in ama sungah teci pan’na a ngah hi. Pasian a um lo mi in Pasian pen zuau gen mi hi cih a suaksak hi. Bang hang hiam na cih uh leh, Pasian in ama Tapa ading a teci pan’na thu, tua mi in a um kei hi.