Galati 3:8 - Tedim Bible

⁸ Pasian in upna tawh Gentail mite’ dikkisakna a kipsak hi ci-in Lai Siangtho in thei kholin, Abraham kiangah, “Nangmah hangin mi pawl khempeuh in thupha a ngah ding uh hi,” ci-in Lungdamna Thu a na hilh khol hi.

Tedim Bible Revision 2017

⁸ Jew mite mah bangin Gentail mite in zong a upna uh hangin amah tawh a kipawl thei dingin Pasian in a bawl nading thu, Lai Siangtho in na ma-theih hi. Tua ahih manin Lai Siangtho in Abraham tungah Lungdamna Thuthak na ma hilh khol a, “Pasian in leitung mi khempeuh thupha a piak nadingin nangmah hong zang ding hi,” na ci hi.

Galati 3:8 Referans Kwoze

Piancilna 12:3

Nang thupha hong piate thupha ka pia ding a, nang hong samsia mi ka samsia ding hi; nang’ tung tawnin leitung innkuan khempeuh in thupha ngah ding uh hi,” ci hi.

Piancilna 22:18

na suan-le-khakte thupha ka piak bangin, leitung minam khempeuh in thupha a ngah nadingun hong ngen ding uh hi, bang hang hiam cih leh nang in ka thu na mang hi,” ci hi.

Piancilna 28:14

na suan-le-khakte lei lak leivui bang ding a, nitumna lam leh nisuahna lam, leilu lam leh leitaw lamah na kizelthang ding uh hi; nang leh na suan-le-khakte thupha kong piak bangin leitung innkuan khempeuh in thupha a ngah nadingun hong ngen ding uh hi.

Piancilna 26:4

Na suan-le-khakte van-a aksi bangin tampi ka phasak ding a, na suan-le-khakte' tungah hih leitang khempeuh ka pia ding hi; na suan-le-khakte thupha ka piak bangin leitung minam khempeuh in thupha a ngah nadingun hong ngen ding uh hi:

Piancilna 18:18

Topa in a lungsimah, “Abraham a lian a thahat minam suakin, leitung minam khempeuh in ama' tung tawnin thupha ngah ahih manin, tu-a ka hih ding thu Abraham’ tungah im ding ka hi hiam?

Hebru 4:2

Bang hang hiam na cih uh leh, eite in Lungdamna Thu tuate mah bangin i za zo hi. Ahih hangin amau a zak uh thu in a za mite lakah upna tawh a kigawm lo ahih ciangin, phattuamna a om kei hi.

Galati 3:22

Tu-in ahih leh, a um mite in Zeisu Khazih upna tawh kipawl kiciamna a ngah nadingun Lai Siangtho in na khempeuhte mawhna sungah a khakcip hi.

Galati 3:16

Thuciamna Abraham leh a suan a khakte tungah a koih zo hi. “A suan a khakte,” ci-in mi tampite ngaihsunin thu a pia kei hi. “Nangma suan mi khat bek,” ci-in ngaihsunin thu a pia hi. Tua mi khat in Khazih ahi hi.

Johan 7:38

Kei hong umte Lai Siangtho sungah a kigelh bangin, ama sung pan nuntakna guntui a luangkhia ding hi,” ci-in a kiko hi.

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

ROM (Romans) 9:30

Tua bang ahih leh, bang i ci gen ding hiam? Dikna a delh lo Gentailte in tua-upna tawh kipawl dikna a cihnopna ahi dikna a tung uh hi.

ROM (Romans) 9:17

Lai Siangtho sungah Faro kumpipa kiangah, “Ka vangliatna nangma tungah ka lah nading ahi zongin, ka min leitung khempeuh ah a kizelh nading ahi zongin nangmah kong sangsak zo hi,” a ci hi.

Isaiah 65:9

Jakob sung panin Judah minamte thupha ka pia ding a, amau’ suan leh khakte in mualtung gam a luah ding uh hi. Keima na hong sem, keima teel mite, tua gamah teeng ding uh hi.

Galati 4:30

Ahih hangin Lai Siangtho in bang ci gen hiam? “Sila-numei a tapa tawh hawlkhia in. Silanu’ tapa in sila lo numei’ tapa tawh innluah khawm thei lo ding hi,” ci-in a gen hi.

Sawltak 2:35

Ka taklam ah tu in,’ a ci hi.

Johan 7:42

Khazih in David’ suan hi a, David’ omna Bethlehem khua sungah a suak ding hi,” ci-in Lai Siangtho in ci hilo ahi hiam?” a ci uh hi.

Isaiah 6:13

Mi, seh sawmsuah seh khat bang a om lai hangin, taak kung leh tawsaw kungte a kiphuk khit ciangin a bulsum om laite mei tawh a kihal kik bangin amaute zong kisusia ding hi. A siangtho khaici pen, tua a bulsum ahi hi, ci hi.

Late 72:7

Ama hun sungin thumanna pung hen la, khapi a bei mateng nopna om ta hen!

Johan 19:37

Adang Lai Siangtho sungah “Tua mite in amaute sutpa a en ding uh hi,” ci-in a kigelh hi.

Jeremiah 4:2

‘Topa a nuntak bangin,’ ci a, thuman tak, kip tak, thu tang tak-a thu na ciam nak uh leh, gam khempeuh in thupha ka piak ding hong ngen ding uh a, kei sungah amaute a lungdam ding uh hi,” a ci hi.