Galati 3:5 - Tedim Bible

⁵ Tua tham loin, Kha Siangtho note hong pia a, note lakah nalamdang hong lakpa in Thukham na zuihna hangun hong bawl ahi hiam, ahih kei leh, upna thu na ngaihna hang bek uh ahi hiam?

Tedim Bible Revision 2017

⁵ Note in Thukham na zuihna hangun Pasian in Kha Siangtho hong pia-in nalamdang hong bawl ahi hiam, ahih kei leh lungdamna thu za-in na upna hang uh hizaw ahi hiam?

Galati 3:5 Referans Kwoze

Galati 3:2

Thukham zuihna hangin Kha Siangtho na ngah uh hiam, ahih kei leh, upna thu na ngahna uh hangin na ngah uh hiam ci-in thu khat bek note kiangah ka thei nuam hi.

2 KORIN NIHNA 13:3

Note lakah thanem lo-a a thahat Khazih in keima tungah hong genna teci note in na zong uh ahih ciangin, ka hong tun’ ciangin ka hong dawm kei ding hi.

Sawltak 14:3

Tua ahih ciangin a sawtpi tua san takah a om uh a, lau loin Topa’ min tawh thu a hilh uh hi. Topa in amaute’ khut tungah lim leh nalamdang bawl dingin thu pia-in, ama hehpihna thu ading teci a pang hi.

2 KORIN NIHNA 12:12

Ahi takpi-in na khempeuh ah thuakna tawh nalamdangte leh dipkuat huaite, vangliatnate tawh, sawltakte’ lim note lakah a kilang khinzo hi.

2 KORIN NIHNA 10:4

Kote’ galdona-a ka zat uh hiamte in ci-le-sa tawh kipawl ahi kei hi: khuapi kulhte a cim gawpsak thei, Pasian mai-ah vangliatna tawh a dim hiam ahi uh hi.

ROM (Romans) 15:19

lim leh nalamdang vangliatna leh Kha Siangtho’ vangliatna lakin keima tungah a bawl nate bek ka gen ngam hi. Tua ahih ciangin Jerusalem khua panin Ilirikum gam dongin, kimkot mun khempeuh ah, Khazih’ Lungdamna Thu a vekpi-in ka hilh khin zo hi.

2 KORIN NIHNA 3:8

Kha Siangtho tawh kipawl nasepna in vangliatna tawh a dimzaw ding hilo ahi hiam?

1 KORIN MASA 12:10

Mi khat kiangah nalamdang bawlna thu, mi khat kiangah kamsan’na thu, mi khat kiangah lungsim kha khentel theihna thu, mi khat kiangah paunam tampi gen theihna thu, mi khat kiangah tua paute a khiatna gen theihna thute a pia hi.

ROM (Romans) 10:17

Tua ahih ciangin upna in thu zakna hangin a piang hi. Zakna in zong Khazih’ thu hangin a piang hi.

2 KORIN NIHNA 9:10

Khaici vawhte’ khaici ahi zongin, nek theih an ahi zongin a piapa in note vawh ding khaici hong pia a, a khangsak ding a, note dikna’ gahte a tamsak ding hi.

Filippi 1:19

Bang hang hiam na cih uh leh, keimah in bangmah maizum loin, launa om loin, Khazih’ minthan’na ka pumpi sungah ka kilatsak tawntung mah bangin tu-in zong ka hing ahi zongin, ka si ahi zongin a kilang ding hi ci-in nakpi-in ka lamet mah bangin, note’ thungetna hang ahi zongin, Zeisu Khirs’ Kha Siangtho huhna hang ahi zongin, ka gimnate in kei hong gupna thu ahi hi ci-in ka thei hi.