Galati 3:22 - Tedim Bible

²² Tu-in ahih leh, a um mite in Zeisu Khazih upna tawh kipawl kiciamna a ngah nadingun Lai Siangtho in na khempeuhte mawhna sungah a khakcip hi.

Tedim Bible Revision 2017

²² Ahi zongin Jesu Khris a um mite tungah a upna hangun Pasianʼ thuciam a kipiak theih nadingin Lai Siangtho in, “Mawhna khutnuai ah leitung mi khempeuh a om hi,” na ci hi.

Galati 3:22 Referans Kwoze

ROM (Romans) 11:32

Pasian in mi khempeuh hong hehpih theih nadingin mi khempeuh thungaih lohna sungah a khumcip hi.

Hebru 9:15

Tua ahih ciangin thuciamna masa hun lai takin mawhna a tatkhiat nadingin, sihna thuakna om zo ahih ciangin a sap mite in a luah tawntungna tawh kipawl thuciamna ngah nading, tua Topa in thuciamna thak khamna a suak hi.

Galati 3:23

Upna thu hong tun’ma-in eite in thukham nuaiah ukna thuakin i om a, a nung ciangin a kilang ding upna lamenin kikhum cipna thuakin i om hi.

1 JOHAN MASA 2:25

Eite a hong piak thuciamna in nuntak tawntungna kiciamna ahi hi.

Johan 3:36

Tapa thu a umte khempeuh in nuntak tawntungna a nei hi. Ahih hangin Tapa a um lo mi in nuntakna a ngah kei ding hi, Pasian’ hehna in tua pa tungah a om hi.

Johan 12:46

Kei hong um mi in khuamial lakah a om loh nadingin kei khuavakin leitungah kong pai hi.

Johan 5:24

“Ke’n aman takpi kong cih-inah, keima thu za a, keimah hong sawlpa a um mi in, nuntak tawntungna ngah zo ahih ciangin, thukhenna a thuak kei hi; sihna pan paikhia a, nuntakna-ah a tung zo hi.

Late 143:2

Na nasempa, thu hong sit kei in; bang hang hiam cih leh nangma mai-ah mihing a dik kuamah om lo hi.

2 PETER NIHNA 3:13

Ama thuciamna bangin dikna a om van thak leh lei thak eite in i lamen hi.

2 PETER NIHNA 1:4

Tuate hangin zong a manpha a lian mahmah thuciamnate eite hong pia zo hi. Bang hang hiam na cih uh leh, hih thuciamnate suangin deihgawhna hangin hih leitungah a om kisiat gawpna tawh note in kipelhin, Pasian’ nuntakna tawh kizom mi na suah nading uh ahi hi.

2 TIMOTI NIHNA 1:1

Khazih Zeisu sungah a om nuntakna hong pia ning ci-in a thuciamna mah bangin, Pasian’ deihna hangin Khazih Zeisu sawltak keimah Paul in:

Galati 3:29

Note in Khazih aa na hi uh leh, Abraham suan leh khakte na hi uh a, thuciamna bangin innluah mi na hi uh hi.

ROM (Romans) 10:9

Bang hang hiam na cih uh leh, “Zeisu in Topa ahi hi” ci-in na kam in mang a, Pasian in amah sihna pan a thosak kik zo hi ci-in na lungsim sungah na up leh, gupna na ngah ding hi.

ROM (Romans) 5:12

Tua ahih ciangin mi khat hangin khialhna in leitungah tung a, mawhna hangin sihna a piang mah bangin, mi khempeuhte in zong a mawh zo uh ahih ciangin, mi khempeuh tungah sihna hong tung hi.

ROM (Romans) 3:23

Bang hang hiam na cih uh leh, mi khempeuh a mawh uh a, Pasian’ maipha a ngah nading uh kisia hi.

Sawltak 16:31

Amaute in, “Topa Zeisu na up leh, nangmah tawh, na innkuanpihte tawh gupna na ngah ding uh hi,” ci-in,

Johan 20:31

Zeisu in Khazih hi a, Pasian’ Tapa ahih note’n na up theih nading uh leh, ama min umin tua min hangin nuntakna na ngah theih nadingun hih laibu a kigelh zo hi.

Johan 6:40

Tapa mu a, a umte khempeuh in nuntak tawntungna a ngah nading in Pa’ deihna ahi hi,” a ci hi.

Galati 3:17

Ke’n kong cih inah, Pasian in a kipsak kiciamna kum zali leh kum sawmthum khit ciangin a piangkik Thukham in a mawkna a suah nadingin a paaikhia ahi kei hi.

Galati 3:14

Tua in Khazih Zeisu hangin Abraham’ thupha in Gentailte tungah a tun’ na’ng ahi zongin, eite in thu-upna hanga Kha Siangtho tawh kipawl thuciamna i ngah na’ng ahi hi.

Marka 16:16

Thu um a, a kibaptaizte in gupna a ngah ding uh hi. A um lote in mawhna thutan’na a thuak ding uh hi.

ROM (Romans) 3:22

Kilamdan’na neukha beek a om kei hi.