Galati 3:16 - Tedim Bible

¹⁶ Thuciamna Abraham leh a suan a khakte tungah a koih zo hi. “A suan a khakte,” ci-in mi tampite ngaihsunin thu a pia kei hi. “Nangma suan mi khat bek,” ci-in ngaihsunin thu a pia hi. Tua mi khat in Khazih ahi hi.

Tedim Bible Revision 2017

¹⁶ Tu-in Pasian in Abraham le ama suan pa tungah thuciamna nei hi. Lai Siangtho sungah a kigelhna ah, mi tampi a cihnopna ahi, “Na suan le na khakte,” cih kammal na zang lo a, mi khat bek ahi Khris a cih nopna-in, “Na suan pa,” ci-in na gen hi.

Galati 3:16 Referans Kwoze

ROM (Romans) 4:13

Bang hang hiam na cih uh leh, leitung a luahsak nading Abraham ahi zongin, a suante ahi zongin, a thuciamna a ngahna in thukham tawh a ngah kei uh hi; upna tawh kipawl dikna hangin a ngah uh hi.

Luka 1:55

Hehpihna thupha a tawntungin a ngaihsut theih nadingin, Ama sila Israel kiangah huhna a pia zo hi,” a ci hi.

ROM (Romans) 4:16

Tua ahih ciangin kiciamna in Thukham tawh kipawlte tham loin, Abraham’ upna tawh kipawlte zong Abraham’ suan-le-khakte khempeuh tungah a kip nadingin hehpihna tawh kibangin a pian’ nadingin upna hangin kiciamna a ngah uh hi.

Piancilna 12:7

Tua ciangin Abram’ tungah Topa kilang a, “Na suan-le-khakte' tungah hih leitang ka pia ding hi,” ci hi. Tua ahih ciangin amah in ama' tunga kilang Topa adingin biakna tau khat bawl hi.

Galati 3:8

Pasian in upna tawh Gentail mite’ dikkisakna a kipsak hi ci-in Lai Siangtho in thei kholin, Abraham kiangah, “Nangmah hangin mi pawl khempeuh in thupha a ngah ding uh hi,” ci-in Lungdamna Thu a na hilh khol hi.

Piancilna 12:3

Nang thupha hong piate thupha ka pia ding a, nang hong samsia mi ka samsia ding hi; nang’ tung tawnin leitung innkuan khempeuh in thupha ngah ding uh hi,” ci hi.

Sawltak 3:25

Note in kamsangte’ suante na hi uh hi. Pasian in Abraham kiangah, ‘Nang na suante hangin leitung mipawl khempeuh in thupha a ngah ding uh hi,’ ci-in na pute na pate uh tawh kiciamna a bawlpihte’ suante zong na hi uh hi.

Piancilna 21:12

Ahih hangin Pasian in Abraham tungah, “Tangvalpa leh na sila-numei hangin lungkim loin om kei in; Sarah in nang' tunga hong gen peuhmah ama' hong gen bangin gamta in, bang hang hiam cih leh Isaak tawh na suan-le-khakte’ min kilo ding hi.

Kolose 3:11

Tua bawlphatna-ah Grik mi a om kei hi, Judah mi a om kei hi, vunat mi a om kei hi, vunat lo mi a om kei hi, mi pil lo a om kei hi, Sithia mi a om kei hi, sila a om kei hi, sila lo mi a om kei hi; Khazih in na khempeuh hi a, na khempeuh sungah a om hi.

Piancilna 15:5

Amah in a pua lamah paipih a, “Vantung lam enin aksite sim in, na sim zo hiam?” ci hi. Tua ciangin amah in, “Na suan-le-khakte tua mah bang ding hi,” ci hi.

1 KORIN MASA 12:27

Note in Khazih’ pumpi na hi uh hi. Na vekpi-un a nate na hi uh hi.

1 KORIN MASA 12:12

Pumpi in khat bek hi-in na tampi nei a, tua pumpi khat tungah nate tampi a om napi-in pumpi khat bek a om mah bangin Khazih in ahi hi.

ROM (Romans) 12:5

a tampi ahi eite in Khazih sungah pum khat bek i hi a, i vekpi-in pumpi’ nate i hi hi.

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Kolose 2:19

Lu tung pan pumpi khempeuh in a guh a taang tawh a kipawlnate hangin thahatna piangin, Pasian’ deihna tawh kituakin a khang thei hi.

Efesa 5:32

Hih thu in thuthukpi ahi hi. Tua bang ka cih ciangin Khazih leh pawlpi ngaihsunin ka gen hi.

Mattiu 1:1

Abraham’ suan, David’ suan, Zeisu Khazih’ khang ciamtehna lai inah:

ROM (Romans) 9:4

Tua mite in Israel mite ahih uh ciangin a ta za-a kikoih nading ahi zongin, vangliatna ahi zongin, thu kiciamnate ahi zongin, Thukham koihna ahi zongin, Pasian biakna ahi zongin, thuciamnate ahi zongin,

2 KORIN NIHNA 11:22

Amaute in Hebru mi ahi uh hiam? Kei in zong ka hi hi. Amaute in Israel mi ahi uh hiam? Kei in zong ka hi hi. Amaute in Abraham’ suan ahi uh hiam? Kei in zong ka hi hi.

Galati 3:19

Tua ahih ciangin Thukhamna in a bang phatuam ahi hiam? Kiciamna a ngah a suan a khakte a hong pai matengin khialhna hangah a pia thuah hi. Tua thukham in vantungmite hangah sepkhiat dingin a kikham mi’ khut ah a kikoih hi.