Galati 3:15 - Tedim Bible

¹⁵ Ute naute aw, leitung mi bangin thu ka geninah, mi ahih hangin kiciamnate a kibawl khit ciangin kuamah in a paaikhia thei kei a, kuamah in behlapin thu a guang thei kei hi.

Tedim Bible Revision 2017

¹⁵ Khris sungah sanggamte aw, i theihtheih ngei gentehna khat ka hong zang ding hi. Mi nih in thu khatpeuh ah thukimna nei-in letmat a thuh khit uh ciangin kuamah in tua thukimna nung phiat thei lo, zong behlap thei lo hi.

Galati 3:15 Referans Kwoze

Hebru 9:17

A sih khit ciangin sih ciamna lai a kip ding hi. Bang hang hiam na cih uh leh, sih ciamna lai-atpa a nuntak lai takin sih ciamna lai in a kip kei hi.

ROM (Romans) 6:19

Na lungsim uh nem lai ahih ciangin, leitung ngeina bangin thu kong hilh hi. Note in na pum tung uh nate, kihhuaina leh kheltatna’ sila-ah na om sak uh mah bangin, tu-in na pum tung uh nate a kisian’thosak nadingun dikna’ sila-ah na omsak un.

ROM (Romans) 3:5

Ahih hangin eite diklohna in Pasian’ dikna a kilatsak leh, bang thu gen ding a om hiam? Daan hong pia Pasian in ahi lopi-in bawl ahi hiam ci-in leitung ngeina bangin ka gen hi.

1 KORIN MASA 15:32

Leitung ngeina bangin Efesa khua ah sahangte tawh ka kitot hangin bang lawhtak ka hi hiam? Mi sisate thokik lo ding ahih leh, ‘Ne ni, dawn ni, zing ciangin i si ding hi.’

Sawltak 1:15

Tua lai takin mi za leh sawmnihte a kikhop lai takun, Piter in amau laizang ah ding-a

ROM (Romans) 1:13

Ute naute aw, Gentail adangte lakah gah ka ngah mah bangin nomau lakah zong ka ngah nadingin nomau kiangah pai ning ci-in tamveipi ka hanciam ci-in note in na theih loh ding uh ka deih kei hi. Ahih hangin tu dongin, hong kham a om hi.

Galati 6:18

Ute naute aw, i Topa Zeisu Khazih’ hehpihna thupha in note lungsim uh tawh omkhawm ta hen. Amen.

Hebru 6:13

Pasian in Abraham thuciamna a piak ciangin, amah sangin a lianzaw tawh ciam ding om lo ahih ciangin amahmah tawh,

Hebru 6:16

Mite in amau sang a lianzawte tawh a kiciam thei uh hi. Kinialna khempeuh kiciamna in a beisak hi.

1 KHANG TANGTHU MASATE 16:16

Abraham tawh a bawl thuciamna, Isaak tungah kiciamin a khapna,