Galati 3:13 - Tedim Bible

¹³ “Sing khuam tungah kikhaina a thuak mi khempeuh in hamsiatna a thuak mi ahi uh hi,” ci-in Lai Siangtho sungah a kigelh mah bangin Khazih in eite tang dingin hamsiatna a thuak ciangin Thukham’ hamsiatna pan eite a hong tankhia zo hi.

Tedim Bible Revision 2017

¹³ Lai Siangtho in, “Sing tungah a kikhai mi peuhmah Pasianʼ samsiat mi ahi hi,” na ci ahih manin eite adingin Khris in samsiatna a thuak manin Thukham zuih lahna hangin samsiatna panin eite a hong tan khia ahi hi.

Galati 3:13 Referans Kwoze

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

Thu-hilhkikna 21:23

zan tawntung sing tungah ama luang na omsak kei ding uh a, a ni mah-in na phum ding uh hi; bang hang hiam cih leh khuam tungah a kikhai mi in Pasian’ hamsiat thuak ahi hi, Topa na Pasian un luah dingin note hong piakna na leitang uh na ninsak kei ding uh hi.

Hebru 9:15

Tua ahih ciangin thuciamna masa hun lai takin mawhna a tatkhiat nadingin, sihna thuakna om zo ahih ciangin a sap mite in a luah tawntungna tawh kipawl thuciamna ngah nading, tua Topa in thuciamna thak khamna a suak hi.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

Mattiu 26:28

Bang hang hiam na cih uh leh, hih in mi tampite’ mawhna kimaisak nading a kibuasa, thuciamna thak ka sisan ahi hi.

1 JOHAN MASA 4:10

Eite in Pasian i itna hang hi lo hi, Pasian in eite hong it a, eite mawhna hong tat nadingin ama Tapa hong sawlna ah itna hong kilang hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

Hebru 9:28

tua mah bangin Khazih in zong mi tampi mawhna puakhia dingin khatvei bek biakna sihna a thuak khit ciangin, amah a lamente gum dingin mawhna tawh kipawl loin, nih veina a hong a paikik ding hi.

Hebru 9:26

Tua banga bia hi leh, lei piancil akipan tam veipi sihna a thuak zo ta ding hi. Tu-in ahih leh, hun tawpna-ah khatvei bek a pumpi paai-in biakna tawh mawhna a paai siang dingin a kilang zo hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Galati 3:10

Thukham tawh kipawl gamtatna a suang mi khempeuh in hamsiatna nuai-a om mi ahi uh hi. Bang hang hiam na cih uh leh, “Thukham laibu sungah a kigelh thu khempeuh a zui tawntung lo mi khempeuh in hamsiatna a thuak uh hi,” ci-in Lai Siangtho sungah a kigelh hi.

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

Sawltak 5:30

Note in singlamteh tungah khai-in na thah uh Zeisu, i pu i pate’ Pasian in hong thokiksak zo hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

ROM (Romans) 4:25

Tua Topa in eite khialhna hangin kipia a, eite in dikkisakna i ngah nadingin a kithosak kik hi.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Esther 7:10

Tua ciangin kumpipa in, “Tua tungah amah khailum un,” a ci hi. Tua ahih ciangin Mordekai khailup nadingin a phuh khuam tungah Haman khai lum uh hi. Tua ciangin kumpipa’ hehna dam hi.

2 KUMPI NIHNATE 22:19

amaute gamkhing leh samsiatna a ngahte a suah nadingin hih mun leh a tungah a teeng mite tungah ka kam pauna na zak ciangin na lungsim kisikin Topa mai-ah nangmahmah kiniamkhiatin, na puante balkekin ka mai-ah na kahna thu, keimah in zong ka za hi, Topa in ci hi.

ROM (Romans) 9:3

Bang hang hiam na cih uh leh, ci leh sa lamsang ah ka pawl ahi ka u ka naute tang ding Khazih tawh kikhenin hamsiatna thuak dingin lungsim ka nei hi.

2 SAMUEL NIHNA 18:10

Tua ciangin mi khat in mu-in Joab kiangah gen a, “En in, tawsaw khat kawm-ah Absalom kikhai ka mu hi,” a ci hi.

Mangmuhna 13:8

Leitung a cil panin thahna a thuak khin Tuuno’ nuntakna laibu sungah a min uh a kigelh lo leitung mi khempeuh in sahang a bia ding uh hi.

Mattiu 27:5

Judas in biakna innpi sungah dangka paai a, mun dangah a pai khit ciangin a awklum hi.

Daniel 9:26

Nipi kal sawmguk leh nih a bei khit ciangin sathau kinilhpa thuman lopi-in kithat ding hi. Hong pai ding mite a ukpa in khuapi le biakinnpi a susia ding hi. A beina in tuiciin tung bang hi ding a, a tawp dongin galdona leh kisiatna vive hi dingin Pasian in thu a khen zo hi.

Jeremiah 49:13

Bang hang hiam cih leh Topa in kong cih-inah Bozrah khua in mite’ lipkhap ding, zahpih ding, nusiat ding leh kihaamsiatna a, a zat ding uh a suak ding hi,” a ci hi.

Jeremiah 44:22

Topa in na hoihlohnate uh leh na bawl uh kihhuainate hangin no hong thuak zo nawn lo hi. Tua ahih manin tuni mahmah-in zong na gam uh gamlak suak khin a, mite’ kihaamsiatna suakin kuamah teeng nawn lo hi.

2 SAMUEL NIHNA 21:3

Tua ciangin David in Gibeon mite kiangah, “Note adingin bang hong hihsak ding ka hi hiam? Note in Topa’ mite thupha na piak theih nadingun bangci bangin kilemna hong bawl ding ka hi hiam?” a ci hi.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Esther 9:14

Tua ahih manin tua banga a hih nadingin kumpipa in sawl hi; Susa khuapi sungah hih thu suakkhiasak a, khuam tungah Haman’ tapa sawmte kikhai hi.

2 SAMUEL NIHNA 17:23

Ahithofel in ama thugen a kizuih loh a muh ciangin a la tutphah vawhin ama khuapi a inn-ah nuak ciah hi. Tua ciangin amah in a innkuan vai hawmsak a, tua ciangin amahmah gui-awk hi; amah si a, a pa’ han-ah kivui hi.

2 SAMUEL NIHNA 21:9

amah in Gibeon mite tungah amaute pia a, amaute in Topa mai mual tungah amaute khai uh hi, amau sagihte si khawm uh hi. Mangbuhham lak kipat hun, an lak kipat cil lamin amaute kithat hi.