Galati 3:1 - Tedim Bible

¹ Pilna a nei lo Galati mite aw, singlamteh tungah sihna a thuak Zeisu Khazih in no mai-ah a tel takin hong kilak napi-in, note a kua in hong bum hiam?

Tedim Bible Revision 2017

¹ Galati mihaite aw, singlamteh tungah Jesu Khris a sihna thu teltakin na theih sa uh ahih manin kuaʼ khem sa-in hici thei mawk na hi uh hiam?

Galati 3:1 Referans Kwoze

2 KORIN NIHNA 11:3

Gulpi in ama zuauna tawh Evua a kheem mah bangin note lungsim ngam-in kisia-in, Khazih lamah a om khin na lungsim siangtho uh a mangthang ding hi ci-in ka lunghihmawh hi.

Mangmuhna 2:20

Ahih hangin nang tungah gen ding thu ka nei hi. ‘Kamsang numei ka hi’ a ci Jezebel nang in na nial kei a, numei leh pasal khialhna gamtat nading ahi zongin, milim mai-ah biakna sa nek nading ahi zongin tua numei in ka silate hilhin a zol hi.

Galati 1:6

Khazih’ hehpihna thupha hangah note hong sampa tawh hih zah taka manlangin kikhenin ‘lungdamna thu’ na sang uh ahih ciangin lamdang ka sa hi!

1 PETER MASA 4:17

Bang hang hiam na cih uh leh, Pasian’ innkuante a masa belin thukhen nading hun a tung zo hi. Eite a masa-in thu hong khen leh, Pasian’ Lungdamna Thu a mang lo mite bang suak ding ahi hiam?

2 PETER NIHNA 2:18

Bang hang hiam na cih uh leh, khialhna ahih thei mite sung pan a taisuak dek takte tungah kisaktheihna kam mawkna genin pumpi deihna lunggulh luatna tawh, mawhna-ah a zol thei uh hi.

Hebru 11:8

Abraham in a luah nading a cih gamah a paikhiat nading Pasian in a sap ciangin amah in koi lamah pai ding cih thei lo napi-in, upna tawh thungai-in a paikhia hi.

Efesa 4:14

Bang hang hiam na cih uh leh, mi dangte in mi kheemna mawhna lamah zol dingin, kheemna thu gen ahih ciangun, eite in a nung ciangin thuhilhna khempeuh ah huih in a let kawikawi naupang suak loin,

Galati 4:9

Tu-in ahih leh, note in Pasian na thei khin uh tham loin, Pasian in note hong theih khit ciangin, thahat lo, nopna hong pia thei lo thungeek lamah, a bang hangin kihei kikin sila kaikik nuam na hi uh hiam?

Galati 3:3

Hih zah takin pilna nei lo na hi uh hiam? Kha Siangtho suangin na kipat khit uh ciangin ci-le-sa suangin na tangtun’ zo ding uh hiam?

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

Hebru 5:9

Tua bangin a kicin’na a tun’ khit ciangin a thumang khempeuhte ading gup tawntungna a bawl mi suak a,

Efesa 5:15

Tua ahih ciangin note in bang na ci gamtat uh hiam na kikem un. Pilna nei lo bang hi loin, pilna nei bangin na hi un la,

1 TIMOTI MASA 6:4

tua mi in kisathei-in, bangmah thei loin thu kidotna kikumin, a kam bek tawh a seel mihai ahi hi. Tua bang a bawl leh, en’na, kitotna, gensiatna, hazatna tawh upkhialhna lungsim neihna in thuman thu tawh a kipelh mite kitotnate a piang thei hi.

Galati 2:14

Amaute in Lungdamna Thu tawh kituak thuman thutak bangin a tang takin a zuih loh uh ka muh ciangin mite khempeuh mai-ah Kefas kiangah, “Nang, Judah mi na hi napi-in Judah ngeina bang gamta loin, Gentailte’ ngeina bang na gamtat leh, Gentailte in Judah ngeina bang a zuih nadingun bang hangin amaute zawhthawh thu tawh na bawl hiam?” ka ci hi.

1 KORIN MASA 11:26

Bang hang hiam na cih uh leh, note in hih khomun ne-in, hih hai na dawn simun, Topa hong paikik matengin ama’ sihna thu a lak na hi uh hi.

1 KORIN MASA 2:2

Bang hang hiam na cih uh leh, note lakah ka om lai takin Zeisu Khazih’ thu leh ama singlamteh thu longal, thudang ka ngaihsut loh nadingin ka lungsim ka hanciam hi.

ROM (Romans) 6:17

Note in mawhna sila na hih ngei uh hangin, tu-in na ngahsa uh thuhilhna, deihna lungtang tawh na ngai uh ahih ciangin Pasian’ hehpihna ka phat hi.

ROM (Romans) 2:8

Paupeng lungsim mi, thuman thutak a ngai lo mi, a dik lo thu a ngai mite tungah hehna leh thangpaihna a koih ding hi.

Sawltak 6:7

Pasian’ thu kizel-in, Jerusalem khua-ah thu-um mi hong tam semsem a, siampite tampi in zong upna thu hong mang ta uh hi.

Mangmuhna 18:3

Bang hang hiam na cih uh leh, tua khuapi in a bawl nu leh pa mawhna bawlna leenggahzu hangin mipawl khempeuh kipukin a kisia uh hi. Leitung kumpite in zong amah tawh a mawh uh a, ama hauh luat-na hangin leitungah a om sumbukte in a hauh lawh uh hi,” ci-in nakpi aw tawh a kiko hi.

2 KORIN NIHNA 10:5

Tua hiamte tawh mi hanciamna ahi zongin, Pasian theihna pilna lang khatah a kiphasak ngaihsutnate ahi zongin khuplet gawpin, lungsim khempeuh manin khumcipin Khazih’ thu ka ngaisak uh hi.

1 SAMUEL MASA 13:13

Tua ciangin Samuel in Saul kiangah, “Na hai gamtat hi; amah in nang hong thupiak ahi Topa na Pasian’ hong thupiakna na zui kei hi; bang hang hiam cih leh tu-in Topa in Israelte tungah kumpi dingin nang leh na suan na khakte a kipsak suak ding ahi hi.

ROM (Romans) 10:16

Ahih hangin mite khempeuh in Lungdamna Thu a ngai kei uh hi. Bang hang hiam na cih uh leh, kamsangpa Isaiah in, “Topa aw, kote thuhilhna kua in um ahi hiam?” a ci hi.

Thu-hilhkikna 32:6

A hai, ngaihsutna nei lo mite aw, tua bangin Topa thuk ding na hi uh hiam? Amah in, note a hong piangsak, note hong bawlin a hong kipsak, na Pa uh hilo ahi hiam?

Luka 24:25

Zeisu in, “Kamsangte hong genkholh thu khempeuh up nadinga pilna nei lote aw,

Mattiu 24:24

Bang hang hiam na cih uh leh, zuauthu gen kamsangte leh Khazih zuautheite hong piang ding uh a, a teelsate nangawn a khem zawh leh a khem nadingun, lim leh nalamdang a liante hong lak ding uh hi.

Mattiu 7:26

Tu-a ka thuhilhte za napi, a ngai lo mi khempeuhte in sehnel tungah inn lam mihai tawh kibang ahi cih ka genteh ding hi.

Sawltak 16:6

Frigia gam leh Galati gamah a paisuak khit uh ciangun Asia gamah Pasian thu hilh lo dingin Kha Siangtho in a kham hi.

Galati 1:2

keimah tawh a omkhawm ute naute khempeuh in Galati gamah a om pawlpite kiangah ka hong zasak uh hi.

Galati 5:11

Ka ute naute aw, kei ka hih leh, vunatna thu ka hilh lai leh, a bang hangin bawlsiatna ka thuak hiam? Tua bang ka hilh leh, singlamteh tawh kipawl pukna thu in paihkhiatna a thuak zo hi.