Galati 2:9 - Tedim Bible

⁹ ka ngah hehpihna thupha a theih uh ciangin, amaute in vunatte kiangah pai nadingin leh kote in Gentailte kiangah pai nadingin, amaute in Barnabas leh kei tungah kilawmtatna tawh a khut taklam uh hong pia uh hi.

Tedim Bible Revision 2017

⁹ Makai a kinei James, Peter le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasem khawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.

Galati 2:9 Referans Kwoze

ROM (Romans) 12:3

Kei tunga hong kipia hehpihna thupha hangin note’ kiangah kong gen-inah: No-le-no na kingaihsut ding zah valun kithupi ngaihsut kei un; Pasian in mikim tunga hong hawmsak upna zah tawh kizui-in a man thukhenna tawh nomau ciat kingaihsun un.

Mangmuhna 3:12

A zo mi ka Pasian’ biakinnpi khuampi ka suaksak ding hi. Tunung ciangin tua mun panin pua lamah cikmah hunin a paikhia nawn kei ding hi. Tua mi tungah ka Pasian’ min ahi zongin, ka Pasian kiang vantung panin hong kumsuk ding Jerusalem khua thak ahi, ka Pasian’ khuapi min ahi zongin, keima min thak ahi zongin ka gelh ding hi.

Galati 2:2

Pasian in thu hong piak bangin pai-in Gentailte kiangah Lungdamna Thu ka hilhnate, amaute ka zasak hi. Ahih hangin ka nasep thu leh ka sepsate in a mawkna a suah loh nadingin, a minthang mite kiangah ka gen sim hi.

1 JOHAN MASA 1:3

Ahi hi. Pa tawh, ama Tapa Zeisu Khazih tawh ka kihopih uh ahih ciangin, note in kote tawh na hong kihopih theih nadingun ko ka muh uh nate, ka zak uh nate, note kiangah ka hong lak uh hi.

Kolose 1:29

Tua bang deihna-in kei in hahkatin keima tungah, vanglianpi tawh hong bawlphatna bangin semin, demin ka om hi.

Efesa 2:20

Bang hang hiam na cih uh leh, sawltakte-a kipan kamsangte ahi, khuam tungah note in zomin a kilam mi na hi uh hi. Khazih in tua innkiunuai suang ahi hi.

2 KORIN NIHNA 8:4

Amaute in misiangthote’ vakna huhna a nasep theih nading uh hansuahna zolna kam tampi tawh kote kiangah hong thuum uh hi.

1 KORIN MASA 15:10

Ahih hangin Pasian’ hehpihna thupha hangin ka hi bangin ka hi hi. Ka ngahsa hehpihna thupha a mawkna ahi kei hi, sawltakte khempeuh sangin hahkat zaw-in ka sem hi. Tua bang ka cih hangin kei a hahkat ka hi kei hi; keimah tawh a omkhawm Pasian’ hehpihna thupha in a hahkat hi.

ROM (Romans) 15:15

Kha Siangtho in hong sian’ thosak deihhuai biakna ahi Gentailte pia dingin,

Sawltak 15:13

Amaute in a gen khit uh ciangin Jeim in a gen-inah:

Sawltak 15:7

A tampi mah a kiseel khit uh ciangin Piter in ding a, thu a gen-inah: “Ute naute aw, Topa Pasian in a masa-in note lak pan keima kam tawh Gentailte in Lungdamna Thu za uh a, a up nadingun hong teel na thei uh hi.

Sawltak 4:36

Josef kici, “Hehnem’ Ta” cihnopna ahi sawltakte in Barnabas min a phuah thak uh,

Mattiu 16:18

Ke’n kong cih-inah, nang, Piter na hi hi. Hih suang tungah ka pawlpi ka lam ding hi. Hel khua kongkhakte in tua pawlpi a zo kei ding uh hi.

2 KUMPI NIHNATE 10:15

Tua lai panin amah a kihepkhiat ciangin amah dawn dingin hong pai Rekhab’ tapa Jehonadab tawh kituak hi; tua ciangin amah in tuapa hopihin ama kiangah, “Keima lungsim nang tungah a thuman bangin na lungsim kei tungah a thuman hiam?” a ci hi. Tua ciangin Jehonadab in dawngin, “Man hi,” a ci hi. Jehu in, “A man leh na khut hong khak in,” a ci hi. Tua ahih ciangin amah in a khut khak hi. Tua ciangin Jehu in leeng sungah amah lato hi.

Johan 1:42

Zeisu in tua pa en a, “Nang in Johan’ tapa Simon na hi hi. Kefas hong kici ding hi,” a ci hi. Kefas in Piter cihnopna hi.

Sawltak 12:17

Amah in amaute pau lo-a a om na’ngun a khut a vaan khit ciangin Topa in amah thong sung pan bang ci-a lakhia hiam cih thu a gen hi. “Tua thu Jeim leh sawltakte kiangah va gen un,” a cih khit ciangin tua mun pan paikhia a, a mun dangah a pai hi.

2 KORIN NIHNA 11:5

Keimah in sawltak liante nuaiah neukha bek a neuzaw ka hi kei hi.

2 KORIN NIHNA 12:11

Mihai ka suak zo hi! Note in kei, zawhthawhna tawh mihai nong suaksak zo uh hi. Bang hang hiam na cih uh leh, note phatna ngah ding ka kilawm hi. Keimah in bangmah ka hih loh hangin sawltak a lian belte nuaiah neukha beek a gina lozaw ka hi kei hi.

Galati 1:16

a Tapa’ Lungdamna Thu Gentailte kiangah hilh dingin, ama deihna tawh kituakin ama Tapa kei sungah a kilatsak ciangin, keimah in si-le-sa tawh vaihawm loin,

Galati 1:18

Tua nung kumthum khit ciangin Kefas tawh kimeltheih nadingin Jerusalem khua-ah pai-in amah tawh nisawm leh ninga ka omkhawm hi.

Galati 2:1

Tua nung kumsawm leh kumli khit ciangin keimah in Titu samin, Barnabas tawh Jerusalem khua-ah ka paito kik hi.

Galati 6:3

Bang hang hiam na cih uh leh, mi khat in bangmah ahi lo napi-in na khat peuhpeuh ka hi ci-in a ki-up leh, tua mi in ama pumpi a kheem hi.