Galati 2:6 - Tedim Bible

⁶ Mi lian a kicite in nidang lai-inah bang ci mi ahih thu kei tawh kisai lo hi, Pasian in mi maitang zahtak a nei kei hi. Tua mite tawh kipawlin bangmah ka ngah lo tham loin,

Tedim Bible Revision 2017

⁶ Jerusalem khua-a om makai lian a kinei mite in keiʼ nasepna tawh kisai thu ah bangmah gen thuah ding nei lo uh hi. (Pasian in maitang zahtak tuam nei tuan lo ahih manin hih bangin thu a gen ngam ka hi hi.)

Galati 2:6 Referans Kwoze

Galati 2:2

Pasian in thu hong piak bangin pai-in Gentailte kiangah Lungdamna Thu ka hilhnate, amaute ka zasak hi. Ahih hangin ka nasep thu leh ka sepsate in a mawkna a suah loh nadingin, a minthang mite kiangah ka gen sim hi.

Sawltak 10:34

Piter in a kam ka-in thu a hilh-inah, “Pasian in mite maitang et tuam a nei kei hi cih ka thei takpi hi.

2 KORIN NIHNA 12:11

Mihai ka suak zo hi! Note in kei, zawhthawhna tawh mihai nong suaksak zo uh hi. Bang hang hiam na cih uh leh, note phatna ngah ding ka kilawm hi. Keimah in bangmah ka hih loh hangin sawltak a lian belte nuaiah neukha beek a gina lozaw ka hi kei hi.

Galati 6:3

Bang hang hiam na cih uh leh, mi khat in bangmah ahi lo napi-in na khat peuhpeuh ka hi ci-in a ki-up leh, tua mi in ama pumpi a kheem hi.

2 KORIN NIHNA 11:5

Keimah in sawltak liante nuaiah neukha bek a neuzaw ka hi kei hi.

ROM (Romans) 2:11

Bang hang hiam na cih uh leh, Pasian in kuama maitang a zahtak kei hi.

1 PETER MASA 1:17

Mi maitang zahtak loin, mi khempeuh ahihna bang thu a khenpa kiangah note in Pa bangin ngaihsunin thu na nget uh leh, leitungah lal-a na om lai tengun launa lungsim tawh na gamta un.

Hebru 13:17

No hong uk mite’ thu ngai un la, amau hong gen bangin gamta un. Bang hang hiam na cih uh leh, amaute in thusitna a thuakkik ding mite bangin note kha uh noptuam nadingin a kem uh hi. Note noptuamna uh a pian’sak theih nadingin dahna tawh hi loin, lungdam nadingin amaute in sittelna a thuak zawh nadingun kikemin om un.

Hebru 13:7

Pasian’ thu note kiangah hong hilh uh a, note hong uk ngei mite na ngaihsun un. Amaute in bangci gamtatin a si uh teltakin lungngai un la, amau upna lim na zui un.

2 KORIN NIHNA 5:16

Tua ahih ciangin tu-a kipan kote in ci-le-sa pawlte ngaihsunin kuamah ka thei kei uh hi. Ci-le-sa pawlte ngaihsunin Khazih ka theih ngei uh hangin tu-a kipanin tua bang ka thei ngei nawn kei uh hi.

Luka 20:21

Tuate in, “Sia aw, nang in thutak genin thu na hilh a, mi khentuam nei loin Pasian’ lampi a tang takin na hilh hi cih ka thei uh hi.

Marka 12:14

Tuate in ama kiang a tun’ uh ciangin, “Sia aw, nang thutak genpa na hi hi. Kuamah na kihta kei a, mi maitang zahtak loin Pasian lam thu a tang takin na hilh cih ka thei uh hi. Kaisar kumpipa siah piak tuak ahi hiam, piak tuak lo ahi hiam?

Mattiu 22:16

amau’ nungzuite leh Herod’ nungzuite, Zeisu kiangah sawlin, “Sia aw, nang in thutak genpa na hi hi. Kuamah na kihta kei a, mi maitang zahtak loin Pasian thu a tangtakin na hilh cih ka thei uh hi.

JOB (Job) 34:19

Pasian pen mi khempeuh a piangsakpa hi a, amah in uliante panpih tuan lo a, mizawngte sangin mihaute thupi ngaihsut zaw tuan lo hi.

Thu-hilhkikna 10:17

Bang hang hiam cih leh Topa na Pasian un a lian, a vanglian a kihtak huai Pasian, angvan nei loin, sumgolh a la lo, pasiante’ Pasian, topate’ Topa ahi hi.

Sawltak 5:36

Bang hang hiam na cih uh leh, tuma-in Thudas kici mi khat tho a, ‘Kei in mi mawk ka hi kei hi’ ci-in mi zali bang in a belh khit uh ciangin amah kithat a, ama thu umte khempeuh kikhen thangin a kisia uh hi.