Biblia Todo Logo
Bib sou entènèt

- Piblisite -




Galati 2:4 - Tedim Bible

4 Khazih Zeisu hangah i ngahsa suahtakna thu en simin eite sila hong suahsak nadingun kheemna tawh a hong tumsim ute naute banga kibawl mite’ thu hangin tua bang hong bawl uh hi.

Gade chapit la Kopi

Tedim Bible Revision 2017

4 Ahi zongin mi pawl khat in atsak nuam sam uh hi. Khris Jesu tawh ka kipawlna hangun suahtakna ka ngahna thu uh a kansim dingin amaute thu um mi kineihkhemin kote lakah hong kihel uh hi. Amaute in kote pen sila hong suaksak nuam uh ahi hi.

Gade chapit la Kopi




Galati 2:4
29 Referans Kwoze  

Bang hang hiam na cih uh leh, eite Pasian’ hehpihna thupha in kihhuai tat nopna suaksakin, eite hong uk khat bek ahi Topa Zeisu Khazih nialin, Pasian’ thu a deih lo mite in hih thutanna thuak dingin tanglai pek a, a kiciamtehsa mi kimkhat in note’ lakah hong lutsim uh hi.


Khazih in eite suahtakna thu i ngah nadingin hong suaktasak hi. Tua ahih ciangin kipin om un la, sila suahna hakkol pua-in, kikhihna zangkik nawn kei un.


Tua mah bangin eite i neu lai takin leitung thungeek khut nuai-ah sila in, i om hi.


Tam veipi thuhilhin ka zin hi, gun galkah kihtakna, mi suamte kihtakna, ka mi pawlte’ hong bawlsiatna launa, Gentailte’ bawlsiatna launa, khuapi sungah a tung launa, gam lakah a tung launa, tuipi launa, u leh nau banga kibawl mite’ bawlsiatna launa, hih gimna khempeuh ka thuak zo hi.


Ka itte aw, kha khempeuh um kei un. Khate in Pasian tawh kipawl hiam, kipawl lo hiam dongtelin, en un. Bang hang hiam na cih uh leh, zuauthu a gen kamsang tampi leitungah a paikhia zo uh hi.


Amaute pumpi uh kisiatna’ sila ahi napi-in, “Suahtakna ka hong pia ding uh hi,” a ci uh hi. Bang hang hiam na cih uh leh, mi a zo thei na in tua mi’ topa ahi hi.


Tua mite lakah simtatin innte sungah a lut khit uh ciangin, deihgawhna atuam atuam zui-in,


Note in lungsim tuamdang na nei kei ding uh hi ci-in keimah in Topa sungah note tawh kipawlin upna taktak ka nei hi. Note hong khelbawl mi in kuakua ahih hangin ama mawhna dan a thuak ding hi.


Mi khat in note sila hong suaksak ahi zongin, hong ne ahi zongin, hong man ahi zongin, a kiphasak ahi zongin, na biang uh hong beeng ahi zongin na thuak uh hi.


Bang hang hiam na cih uh leh, tua bang mite in sawltak zuau ahi uh hi. Khazih’ sawltak banga kibawl a kheem thei nasemte ahi uh hi.


‘Topa’ a cih ciangin Kha Siangtho a cihnopna hi. Topa’ Kha Siangtho’ omna-ah suahtak nopsakna a om hi.


Nungzuite a zolkhia dingin thuzuau a gen mite in note lakah a piang ding uh hi cih ka thei hi.


Mi kimkhatte in ko thupiak lohin kote kiang panin a paikhia uh a, note lungsim uh hong lumletin, hong gimsak zo cih thu ka za uh hi.


Judah gam panin mi kimkhatte hong pai uh a, “Note in Moses’ Thukham bangin vun na at kei uh leh, gupna na ngah kei ding uh hi,” ci-in ute naute kiangah a gen uh hi.


note kiangah, ‘Na tung uhah kong pai theih nadingun kunsuk un,’ hong ci no hong bawlsiate’ khut sungah tua haipi ka koih ding hi; note in na nungzang uh lei lak bangin bawlin, amaute’ pai nadingin kongzing bangin na bawl khin uh hi,” a ci hi.


To neilo na hih uh hangin to nei lo na hihna uh tawh gitlohna a seel mite bangin na gamta kei un; Pasian’ sila bangin na gamta un.


Tua Hagar in Arabia gam Sinai Mual hi a, tu-in a om Jerusalem khua tawh kibang hi. Bang hang hiam na cih uh leh, amah in a tate tawh sila-in a om hi.


Hih bang ka genna in Topa’ thupiak bangin gen ka hi kei hi, mihai bangin, lau loin, kisathei-in ka gen hi.


Note in kihtak kikkik nading sila’ lungsim na ngah kei uh hi. “Abba, Pa aw,” i cih mah bangin ta suahna lungsim na ngah uh hi.


nangma thuhilhnate zuih ding hanciam ka hih manin, nuam takin ka nungta ding hi.


Na hotkhiatna hangin lungdamna kei hong ngahsak kik in la, utna lungsim tawh kei hong huh in.


Tua Lungdamna Thu in ‘lungdamna thu dang’ ahi kei hi. Note hong bawlsia-in Khazih’ Lungdamna Thu a lumlet nuam mi kimkhat a om uh hi.


Suahtakna tawh kizom a kicing thukham lim takin entel a, a zuisuak mi in thu a zak ciangin mangngilh loin zui ahih manin a sepna ah thupha a ngah ding hi.


Leenggahtui thak savun um thak sungah a kithun ding hi.


Swiv nou:

Piblisite


Piblisite