Galati 2:21 - Tedim Bible

²¹ Pasian’ hehpihna thupha ka paaikhia kei hi. Bang hang hiam cih leh, thukham zuihna hangin dikkisakna kingah leh, Khazih in a mawkna-in sihna a thuak hi.

Tedim Bible Revision 2017

²¹ Hih bang ka gen ciangin Pasianʼ hehpihna thupha ka deih lohna ahi kei a, Thukham zuih zawhna hangin Pasian tawh kipawl theihna om hileh, singlamteh tungah Khris sihna a mawkna hi lel ding hi, a ci nuam ka hizaw hi.

Galati 2:21 Referans Kwoze

ROM (Romans) 11:6

Hehpihna hangah ahih leh, gamtatna hang ahi kei hi. Tua bang ahih kei leh, hehpihna in hehpihna ahi kei hi.

Galati 3:21

Tua ahih ciangin Thukham in Pasian’ thukhamnate lang khatah om ahi hiam? Tua bang hi lo hi. Bang hang hiam na cih uh leh, nuntakna a pia thei thukham a om leh, a man takpi tua thu hangin dikna kingah zo hi.

Hebru 7:11

Lam khat panin, Levi’ suan siampi pawlte tawh kizomin mite in Thukham a ngah uh ciangin tua mi pawlte hangin kicin’na a om leh, adang siampi in Aaron’ pawl bangin kisam loin Melkhizedek’ pawl hong pian’ nading thu bang hangin om lai ding ahi hiam?

1 KORIN MASA 15:14

Khazih thokik lo hi leh, kote’ thuhilhna a mawkna ahi hi. Note upna zong a mawkna ahi hi.

Galati 2:16

Thukham zuihna hangin diktan’sakna a ngah lo, Khazih upna hangin diktan’sakna a ngah eite in zong Zeisu Khazih’ thu i um zo hi. Bang hang hiam na cih uh leh, Thukham zuihna hangin kuamah in dikkisakna a ngah kei ding hi.

ROM (Romans) 10:3

Bang hang hiam na cih uh leh, amaute in Pasian’ dikna thei loin, amau dikna kipsak nading a zong uh ahih ciangin, Pasian’ dikna thu a mang kei uh hi.

Isaiah 49:4

Ahih hangin keimah in, “Na ka sem a, ahi zongin a kiman’na om lo hi; Ka thatang khempeuh ka beisak a, ahi zongin bangmah ka tangtun kei hi. Ahi zongin ka ngah ding na, Topa’ khut sungah om a, ka sepna thaman Pasian kiangah om hi.

1 KORIN MASA 15:2

Tu-ma a, thu kong hilh thu in a mawkna hi ci loin umin na lungkip uh leh, tua thu hangin gupna na ngah ding uh hi.

Galati 2:18

Bang hang hiam na cih uh leh, nidanga ka suksiatna ka lamkik leh, mawhnei mi ka hi ci-in kilangsak hi.

ROM (Romans) 8:31

Tua bang ahih leh, hih thu hangin bang gen ding i hi hiam? Pasian in eite lamsang ah a om leh, kua in eite lang khatah a pang zo ding hiam?

Marka 7:9

“Note in na ngeina uh na zuih theih nadingun Pasian’ thukham na nial uh hi.

Late 33:10

Topa in minamte’ thu ngaihsutna a mawkna suah a, mite’ geelna khaktan hi.

1 KORIN MASA 15:17

Khazih a thokik lo hi leh, na upna uh a mawkna ahi hi; mawhna khialhna sungah a om lai na hi uh hi.

Jeremiah 8:8

“Bangci bangin note in, ‘Ko ka pil uh a, Topa’ thukham ka nei uh hi,’ ci thei ding na hi uh hiam? En un, thuman lo laitheite in tua thukham zuauthu a suah uh hi.

ROM (Romans) 4:25

Tua Topa in eite khialhna hangin kipia a, eite in dikkisakna i ngah nadingin a kithosak kik hi.