Galati 2:2 - Tedim Bible

² Pasian in thu hong piak bangin pai-in Gentailte kiangah Lungdamna Thu ka hilhnate, amaute ka zasak hi. Ahih hangin ka nasep thu leh ka sepsate in a mawkna a suah loh nadingin, a minthang mite kiangah ka gen sim hi.

Tedim Bible Revision 2017

² Pasianʼ hong sawlna tawh tua lai ah a pai ka hi hi. Ka nasepnate a mawkna a suahkhak ding ut lo ka hih manin makai lian a kineite tawh a tuamin kimuhna khat ka nei a, Gentail mite lakah ka hilh lungdamna thute amaute kiangah gentelna khat ka nei hi.

Galati 2:2 Referans Kwoze

Galati 2:6

Mi lian a kicite in nidang lai-inah bang ci mi ahih thu kei tawh kisai lo hi, Pasian in mi maitang zahtak a nei kei hi. Tua mite tawh kipawlin bangmah ka ngah lo tham loin,

Filippi 2:16

Tua ahih leh, kei in a mawkna-in tai ka hi kei a, a mawkna-in nasemin hahkat ka hi kei hi ci-in Khazih’ Ni ciangin lungdam kisathei-in ka om ding hi.

1 THESALONIKA MASA 3:5

Tua ahih ciangin a ze-et thei, a zol theipa in no hong ze-et a, ka sepna un a mawkna a suak kha ding hi ci-in lunghimawhin ka thuak zawh nawn loh ciangin, note upna ka theih nadingin ka hong sawl hi.

Galati 2:9

ka ngah hehpihna thupha a theih uh ciangin, amaute in vunatte kiangah pai nadingin leh kote in Gentailte kiangah pai nadingin, amaute in Barnabas leh kei tungah kilawmtatna tawh a khut taklam uh hong pia uh hi.

1 KORIN MASA 9:26

Tua ahih ciangin ka tai ciangin a mawkna bangin ka tai kei hi. Mi tawh ka kitup ciangin huih tum bangin ka tum kei hi.

1 KORIN MASA 1:23

Eite i hih leh, singlamteh tungah a si Khazih’ thu i hilh hi. Tua thu in Judah mite ading kipukna ahi hi. Gentailte ading haina ahi hi.

1 KORIN MASA 9:24

Tai kidemte khempeuh a tai uh hangin khat bek in pahtawina a ngah hi cih thei lo na hi uh hiam? Tua ahih ciangin note in zong pahtawina na ngah theih nadingun na tai un.

1 KORIN MASA 2:2

Bang hang hiam na cih uh leh, note lakah ka om lai takin Zeisu Khazih’ thu leh ama singlamteh thu longal, thudang ka ngaihsut loh nadingin ka lungsim ka hanciam hi.

Sawltak 15:12

Barnabas leh Paul in amaute tungah Gentailte kiangah Pasian in nalamdang leh lim a bawlna thu a zaksak lai takun mihonpite in pau loin a ngai uh hi.

Sawltak 15:4

Amaute Jerusalem khua a tun’ uh ciangin pawlpi leh sawltakte leh upate in a tungsak uh a, amau tungah Pasian hihna thu khempeuh a zasak uh hi.

Filippi 2:29

Tua ahih ciangin Topa sungah lungdamna tawh amah na tungsak un la, tua bang mite na zahtak un.

Galati 1:16

a Tapa’ Lungdamna Thu Gentailte kiangah hilh dingin, ama deihna tawh kituakin ama Tapa kei sungah a kilatsak ciangin, keimah in si-le-sa tawh vaihawm loin,

Sawltak 23:11

Zing nitak ciangin Topa in Paul kiangah ding a, “Paul aw, lunghimawh kei in. Keima thu Jerusalem khua-ah na gen zo hi. Tua mah bangin Rom khua-ah zong ka teci thu na pang lai ding hi,” a ci hi.

Sawltak 18:9

Zan lai takin Topa in mang sungah Paul kiangah a gen-inah “Lau kei in. Pau loin om kei in, thu na gen ding hi.

Sawltak 5:34

Tua lai takin mi khempeuh in a zahtak uh Pasian’ Thukham sia ahi Gamaliel, Farisai khat in vaihawmna lakah ding-a sawltakte pua lamah tomkha sung pusuak sak dingin thu a piak khit ciangin,

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Thuhilh-sia 10:1

A sisa thote in paknamtui bung sunga om paknamtui uih sak thei a, haitatna themno khat in pilna lianpen susia thei hi.

Sawltak 15:2

Paul leh Barnabas in tua mite tawh tampi a kinial, a kiseel khit uh ciangin Paul, Barnabas leh adang thu-um kimkhatte tua thu kikum dingin Jerusalem khua-ah a om sawltakte leh pawlpi upate’ kiangah a paisak uh hi.

ROM (Romans) 9:16

Tua bang ahih ciangin a deih mi tawh a kikum kei hi, a hanciam mi tawh zong a kikum kei hi, hong hehpih thei Pasian bek tawh kikum hi.

2 KORIN NIHNA 12:1

Keimah in kisaktheihna ka bawl ding a kilawm loh hangin ka bawl ding hi. Ahih hangin Topa hong muhsak mangmatna leh thupiakkholhna thu kong gen ding hi.

Galati 1:6

Khazih’ hehpihna thupha hangah note hong sampa tawh hih zah taka manlangin kikhenin ‘lungdamna thu’ na sang uh ahih ciangin lamdang ka sa hi!

Galati 1:12

mite kiang pan ka ngah ahi kei hi, mite kiangah ka sin zong ahi kei hi. Zeisu Khazih’ thupiakna hang bekin ka ngahna thu note kiangah ka hong zasak hi.

Galati 5:7

Nidangin note in a pha takpi-in na tai uh hi. Thuman thutak na ngaih loh nadingun a kua in hong kheem hiam?

2 TIMOTI NIHNA 4:7

Galdona a pha ka do zo hi, tai nading lam a mong dongin ka tai zo hi, upna thu ka keem zo hi.

Hebru 12:1

Tua ahih ciangin hih zaha tam teci pan’nate in ei hong uum ahih ciangin, eite in van khempeuh ahi zongin, hong bawlsia thei mawhna ahi zongin, paaikhia-in