Galati 2:19 - Tedim Bible

¹⁹ Keimah in Pasian hangin ka nuntak theih nadingin Thukham tawh Thukham hangin si-in ka om hi. Keimah in Khazih tawh singlamteh tungah sihna ka thuakkhawm zo hi.

Tedim Bible Revision 2017

¹⁹ Thukham tawh kisai-in ahihleh Pasian adingin ka nuntak theih nadingin tua Thukham mah in kei hong that khin ahih manin Thukham tawh kisai thu ah misi bang ka hi hi. Singlamteh tungah Khris a kithah lai-in kei zong amah tawh a si khawm ka hi hi.

Galati 2:19 Referans Kwoze

ROM (Romans) 7:4

Tua mah bangin ka ute ka naute aw, note in zong midang a kici sihna pan a thokik mi’ zi na hi uh a, Pasian’ deihna bangin gah na gah nadingun Khazih’ pumpi hangin na si uh a, Thukham tawh na kikhen uh hi.

ROM (Romans) 6:2

Mawhna ah a si eite in tua mawhna sungah bangci-in i hing lai ding hiam?

2 KORIN NIHNA 5:15

a nungta mite in amau deih bang uh a hin’ loh uh a, amaute tang ding si-a a thokik pa’ deihna bang a hin’ nadingun mi khempeuh tangding sihna a thuak ci-in ahi zongin ka ciamteh uh a, Khazih hong itna in zawhthawhna tawh kote hong zol ahi hi.

ROM (Romans) 6:11

Tua mah bangin mawhna lam pan a si mi na hi uh a, Khazih Zeisu hangin Pasian lam pan mihing na hi uh na ciamteh un.

ROM (Romans) 8:2

Bang hang hiam na cih uh leh, Khazih Zeisu hanga a om nuntakna’ Kha tawh kipawl thukham in mawhna leh sihna’ thukham sung pan kei hong honkhia zo hi.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

ROM (Romans) 6:14

Bang hang hiam na cih uh leh, thukham nuai-ah om loin, hehpihna nuai-ah na om uh ahih ciangin na mawhna un note hong uk lo ding hi.

1 PETER MASA 4:6

Tua hanginah a nungta mite in a thuak uh bangin pumpi tawh thukhenna a thuak uh hangin Pasian’ deihna tawh kituak kha tawh a nuntak theih nadingun mi site kiangah Lungdamna Thu a kihilh zo hi.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Kolose 2:20

Note in leitung thungeek pan Khazih tawh na sikhawm uh ahih leh, bang hangin tua leitungah a om lai bangin na gamta uh hiam? Khatvei zatna tawh a muat pak thei nate ahi, mihing ngeina banga kihilhna leh kikhalna lel ahi—‘Len kei in,’ ‘Ciam kei in,’ Lawng kei in,’ kici thute bang hangin mangin na om uh hiam?

Galati 3:24

Tua ahih ciangin eite in upna hangin diktan’sakna i ngah nadingin Thukham in eite Khazih kiangah hong kha dingin eite hong cingpa a suak hi.

Galati 2:20

Keima pumpi a nungta lai ahi kei hi, Khazih in keima sungah a nungta hi. Tu-in ka pum sungah a nungta ka nuntakna in kei hong it a, keimah tangding ama pumpi a paai Pasian Tapa’ upna tawh a nungta hi.

Kolose 3:3

Bang hang hiam na cih uh leh, note in na si zo uh a, note nuntakna in Khazih tawh Pasian sungah kiseel khawmin a om uh hi.

Galati 3:10

Thukham tawh kipawl gamtatna a suang mi khempeuh in hamsiatna nuai-a om mi ahi uh hi. Bang hang hiam na cih uh leh, “Thukham laibu sungah a kigelh thu khempeuh a zui tawntung lo mi khempeuh in hamsiatna a thuak uh hi,” ci-in Lai Siangtho sungah a kigelh hi.

1 KORIN MASA 10:31

Tua ahih ciangin note in anneek tuidawn akipan na khempeuh na bawl uh ciangin Pasian’ minthan’ nading ngaihsunin na hih un.

ROM (Romans) 7:14

Thukham in Kha Siangtho tawh kipawl ci-in i thei hi. Keimah in mawhna khut sungah a kizuak, a si thei leitungmi ka hi hi.

ROM (Romans) 5:20

Khialhna a khan’ nadingin Thukham in zong a hong tum hi. Ahih hangin khialhna a khan’ hangin hehpihna a khang zaw semsem hi.

ROM (Romans) 4:15

Bang hang hiam na cih leh, thukham in hehna a piangsak hi. Ahih hangin thukham om kei leh, khialhna zong a om kei hi.

1 KORIN MASA 9:20

Judah mite ka ngah nadingin Judah mite ading Judah mi bang ka hi hi. Thukham zui lo mi ka hi napi-in Thukham a zuite ka ngah nadingin Thukham a zuite ading Thukham zui mi ka hi hi.

Galati 6:14

Kei ka hih leh, eite Topa Zeisu Khazih’ singlamteh sim loh, bangmah dangah ka kisathei het kei ding hi. Tua singlamteh ah hih leitung in kei ading kikhenin a om hi. Keimah in zong leitung ading kikhenin ka om hi.