Galati 2:13 - Tedim Bible

¹³ A dang Judah mite in zong amah tawh simtat khawmin, amau simtat manin Barnabas nangawn in amaute lam a zui hi.

Tedim Bible Revision 2017

¹³ Thu um Jew midangte zong hong meidawi suah a, amauteʼ gamtatna hangin Barnabas nangawn meidawi-in amaute bangin hong gamta hi.

Galati 2:13 Referans Kwoze

1 KORIN MASA 15:33

Na kikheem kei un, ‘Mipha lote tawh kikholhna hangin gamtatna pha kisia thei hi.

Efesa 4:14

Bang hang hiam na cih uh leh, mi dangte in mi kheemna mawhna lamah zol dingin, kheemna thu gen ahih ciangun, eite in a nung ciangin thuhilhna khempeuh ah huih in a let kawikawi naupang suak loin,

Hebru 13:9

A tuam dangdang, a lamdangdang thuhilhna thak zui kei un. An nek hang hi lo, thupha hehpihna hangin lungkhauh a, na om uh leh, a pha hi. An nekna bek a ngaihsun mite in na manpha a ngah zo kei uh hi.

1 KORIN MASA 8:9

Ahih hangin note in na ngah uh hih thu in upna neute puk khakna a suah loh nadingin na kikem un.

1 KORIN MASA 5:6

Na kisaktheihna uh a hoih kei hi. Silngo tawmkha in annel sial lom khat a tawksak ding thei lo na hi uh hiam?

Sawltak 4:36

Josef kici, “Hehnem’ Ta” cihnopna ahi sawltakte in Barnabas min a phuah thak uh,

Thuhilh-sia 10:1

A sisa thote in paknamtui bung sunga om paknamtui uih sak thei a, haitatna themno khat in pilna lianpen susia thei hi.

Galati 2:1

Tua nung kumsawm leh kumli khit ciangin keimah in Titu samin, Barnabas tawh Jerusalem khua-ah ka paito kik hi.

1 KORIN MASA 12:2

Note in Gentailte na hih lai takun, bang ci lam tawh na zuih uh ahi zongin, a pau thei lo milim omna lamah a zui mi na hih ngei uh na thei uh hi.

Thuhilh-sia 7:20

A manin a gamta, a khial ngei het lo, leitungah mi khat zong om het lo hi.

Piancilna 27:24

Amah in, “Ka ta Esau taktak na hi hiam?” ci hi. Amah in dawngin, “Ka hi hi,” ci hi.

JOB (Job) 15:12

Ahih hangin nang na lung khauhin, kote nong heh et hi.

Mattiu 23:28

Tua mah bangin note zong, na pualam uh mi mai-ah misiangtho bangin na om uh hi. Na sung lam uh simtatna leh gitlohna tawh na dim uh hi.”

Galati 2:9

ka ngah hehpihna thupha a theih uh ciangin, amaute in vunatte kiangah pai nadingin leh kote in Gentailte kiangah pai nadingin, amaute in Barnabas leh kei tungah kilawmtatna tawh a khut taklam uh hong pia uh hi.

2 SAMUEL NIHNA 16:19

Tua banah, kua na sem ding ka hi hiam? Ama tapa hilo ding ahi hiam? Na pa’ na ka sep bangin nangma na ka sem ding hi,” a ci hi.