Galati 2:11 - Tedim Bible

¹¹ Tua nung ciangin Antiok khua-ah Kefas hong pai ciangin amah mawhsak nading thu om ahih maninah, kei in amah tel takin nialin ka kham hi.

Tedim Bible Revision 2017

¹¹ Antiok khua ah Peter hong hawh sungin a gamtat khialhna hangin thu up pih mite lak mahah amah ka taii hi.

Galati 2:11 Referans Kwoze

1 TIMOTI MASA 5:20

Midangte in zong a lau theih nadingun, a khial mite, mi khempeuh mai-ah na taai in.

Galati 2:14

Amaute in Lungdamna Thu tawh kituak thuman thutak bangin a tang takin a zuih loh uh ka muh ciangin mite khempeuh mai-ah Kefas kiangah, “Nang, Judah mi na hi napi-in Judah ngeina bang gamta loin, Gentailte’ ngeina bang na gamtat leh, Gentailte in Judah ngeina bang a zuih nadingun bang hangin amaute zawhthawh thu tawh na bawl hiam?” ka ci hi.

2 KORIN NIHNA 5:16

Tua ahih ciangin tu-a kipan kote in ci-le-sa pawlte ngaihsunin kuamah ka thei kei uh hi. Ci-le-sa pawlte ngaihsunin Khazih ka theih ngei uh hangin tu-a kipanin tua bang ka thei ngei nawn kei uh hi.

Sawltak 15:1

Judah gam panin mi kimkhatte hong pai uh a, “Note in Moses’ Thukham bangin vun na at kei uh leh, gupna na ngah kei ding uh hi,” ci-in ute naute kiangah a gen uh hi.

Juda 1:3

Ka itte aw, eite in i ngah khawm gupna thu tawh kizomin note kiangah ka hong gelh thu hahkat a, ka bawl lai takin, misiangthote kiangah khatvei bek a piaksa upna thu ading, lungsim khauhin na do nadingun hansuahin ka hong gelh hi.

Jeim 3:2

Eite khempeuh in na tampi-ah i khial thei hi. Mi khat in kampau a khialh kei leh, tua mi in a kicing mi hi a, ama pumpi khempeuh a keem thei mi zong ahi hi.

Galati 2:9

ka ngah hehpihna thupha a theih uh ciangin, amaute in vunatte kiangah pai nadingin leh kote in Gentailte kiangah pai nadingin, amaute in Barnabas leh kei tungah kilawmtatna tawh a khut taklam uh hong pia uh hi.

Galati 2:7

vunatna a thuak mite lakah Piter in sawltak a suah nadingin Piter tungah a bawlpha mi in Gentailte lakah kei sawltak ka suah nadingin keimah tungah hong bawlpha a,

Galati 2:5

Thuman thu ahi Lungdamna Thu in nomau sungah kip-a, a om nadingin kote in tua mite thu mitphiat sung nangawn ka mang ka ngai kei uh hi.

2 KORIN NIHNA 12:11

Mihai ka suak zo hi! Note in kei, zawhthawhna tawh mihai nong suaksak zo uh hi. Bang hang hiam na cih uh leh, note phatna ngah ding ka kilawm hi. Keimah in bangmah ka hih loh hangin sawltak a lian belte nuaiah neukha beek a gina lozaw ka hi kei hi.

Mattiu 16:23

Zeisu kihei a, “Satan aw, ka nungah kinkhia in. Nang in keima suih khak nading na hi hi. Nang in Pasian thu na ngaihsun kei hi; mite thu bek na ngaihsun hi,” ci-in Piter a taai hi.

2 KORIN NIHNA 11:5

Keimah in sawltak liante nuaiah neukha bek a neuzaw ka hi kei hi.

Sawltak 11:19

Stefen tungah kibawlsiatna thu hangin a kithehthang mite in Foenisia gam leh Saipras gam leh Antiok khua dongin a pai uh a, Judah mite kiang bekah Pasian’ thu a hilh uh hi.

Jonah 4:9

Ahih hangin Pasian in Jonah kiangah, “Tua umgui hangin na heh ding kilawm na sa hiam?” a ci hi. Jonah in, “Ka heh ding kilawm sa tham loin heh lua-in ka si zongin kilawm ka sa veve hi,” a ci hi.

Jonah 1:3

Ahih hangin Topa kiangpan Jonah tai khia-in Tarshish khua lamah taisim dingin a kithawi zawsop hi. Joppa khua-ah a paisuk-a Tarshish khua a zuan ding teembaw khat a mu hi. A sap man pia-in a tungah kah a, Topa kiang pan taikhia dingin teembaw hawlte tawh Tarshish khua-ah a pai hi.

Jeremiah 1:17

Tua ahih manin Jeremiah aw, na kawng gak in, Tho in la, kong sawl khempeuh amaute’ kiangah va gen in. Amaute kihta kei in; na kihtak leh amau mai-ah kong lau sak zawlai ding hi.

Gamlak-vakna 20:12

Topa in Moses leh Aaron kiangah, “Israel mite mai-ah kei hong um lo hong siangthosak lo na hih uh ciangin amaute ka piaksa leitangah hih mihonte na tun’pih kei ding uh hi,” a ci hi.

Johan 1:42

Zeisu in tua pa en a, “Nang in Johan’ tapa Simon na hi hi. Kefas hong kici ding hi,” a ci hi. Kefas in Piter cihnopna hi.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Sawltak 11:22

Tua mite thute Jerusalem khua pawlpite in a zak uh ciangin Antiok khua-ah Barnabas a sawl uh hi.

Sawltak 11:27

Tua lai takin Jerusalem khua panin Antiok khua-ah Pasian’ kamsangte hong tung uh hi.

Sawltak 15:5

Farisai pawl lakah a um kimkhat in a ding uh a, “Gentailte in vun at a, Moses’ Thukham a zuih na’ng uh thu hilh ding a kilawm hi,” a ci uh hi.

Galati 1:18

Tua nung kumthum khit ciangin Kefas tawh kimeltheih nadingin Jerusalem khua-ah pai-in amah tawh nisawm leh ninga ka omkhawm hi.