Galati 1:8 - Tedim Bible

⁸ Ahih hangin nomau kiangah ka hong hilh uh Lungdamna Thu longal adang Lungdamna Thu kote ahi zongin, vantung pana hong pai vantungmi khat ahi zongin, hong hilh mi in hamsiatna thuak ta hen.

Tedim Bible Revision 2017

⁸ Note tungah ka hong hilh sa uh lungdamna thu tawh a kilehngatin, kote a kipan vantungmi dongin thudang a hong hilh a om leh tua a hong hilh mipa hell khuk sungah tung tahen!

Galati 1:8 Referans Kwoze

Galati 1:9

Na san’sa uh Lungdamna Thu sim loh lungdamna thu a dang, mi khatpeuh peuh in hong hilh leh, tua mi in hamsiatna thuak ta hen, ci-in ka cihsa bangin tu-in ka ci kik hi.

1 KORIN MASA 16:22

Mi khat peuhmah in Topa a it kei leh, tua mi in hamsiatna thuak ta hen. Topa hong pai hi!

ROM (Romans) 9:3

Bang hang hiam na cih uh leh, ci leh sa lamsang ah ka pawl ahi ka u ka naute tang ding Khazih tawh kikhenin hamsiatna thuak dingin lungsim ka nei hi.

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

2 PETER NIHNA 2:14

Amaute in mi’ zi tungah mawh nop lunggulhna tawh a dim uh a, a kham thei lo mittang nei mi ahi uh hi. A kip lo mite a zol thei uh hi; huaiham luatna-ah a siam thei lungsim nei-in, hamsiatna’ tate ahi uh hi.

Sawltak 23:14

Tua mite in siampi liante leh upate kiangah a pai uh a, “Kote in Paul ka thah khit matengun bangmah ka ne kei ding uh hi ci-in ka kiciam uh hi.

Titu 3:10

Thu nial a, kikhenthang mi, khatvei, nihvei bang taai-in na hilh khit ciangin,

Galati 3:13

“Sing khuam tungah kikhaina a thuak mi khempeuh in hamsiatna a thuak mi ahi uh hi,” ci-in Lai Siangtho sungah a kigelh mah bangin Khazih in eite tang dingin hamsiatna a thuak ciangin Thukham’ hamsiatna pan eite a hong tankhia zo hi.

1 KORIN MASA 12:3

Tua ahih ciangin Pasian’ Kha Siangtho tawh, “Zeisu in hamsiatna a thuak hi,” ci-in kuamah in a gen theih loh mah bangin, “Zeisu in Topa hi,” ci-in kuamah in Kha Siangtho suang loin a pulak thei kei hi, ci-in kong theisak hi.

Marka 14:71

Piter in, “No na gen uh mi pen ke’n ka thei kei hi,” ci-in hamsia tawh a kiciam hi.

Galati 3:10

Thukham tawh kipawl gamtatna a suang mi khempeuh in hamsiatna nuai-a om mi ahi uh hi. Bang hang hiam na cih uh leh, “Thukham laibu sungah a kigelh thu khempeuh a zui tawntung lo mi khempeuh in hamsiatna a thuak uh hi,” ci-in Lai Siangtho sungah a kigelh hi.

Nehemiah 13:25

Amaute tai gawpin ka samsia a, pawlkhat satin a sam uh ka bawhsak gawp hi. Tua ciangin Pasian’ min tawh amaute ka kiciamsak a, “Note in amau’ tapate’ zi dingin na tanute na pia kei ding uh a, na tapate uh zi dingin ahi a, nomau’ zi dingin ahi zongin amaute’ tanu na la kei ding uh hi.

1 SAMUEL MASA 26:19

Tua ahih ciangin tu-in ka to kumpipa in a nasempa’ thu za in. Keimah do dingin nang hong toksuahpa in Topa ahih leh amah in biakna hong sang ta hen; ahih hangin mihing ahih leh amaute in Topa mai-ah samsiatna ngah ta hen. Bang hang hiam cih leh amaute in, ‘Pai in, pasian dangte’ na sem in,’ ci-in Topa’ gamh ka ngah loh nadingin tuni-in kei hong hawlkhia uh hi.

Joshua 9:23

Tu-in note hong kisamsia a, note pawlkhat a tawntungin sila, ka Pasian inn adingin singsuite leh tuitawite na hi ding uh hi,” a ci hi.

Piancilna 9:25

amah in, “Kanaan in ciamsiatna ngah ta hen la, a sanggamte' tungah silate’ sila hita hen,” ci hi.

1 KUMPI MASATE 13:18

Tua ciangin amah in ama kiangah, “Kei zong nangmah bangin kamsang khat ka hi a, Topa’ thu tawh vantungmi khat in kei tungah thu hong gen a, ‘Amah in an leh tui ne-in a dawn theih nadingin na innah amah paipih kik in,’ hong ci hi,” a ci hi. Ahih hangin amah in ama tungah zuau genin a phuahtawn ahi hi.

Jeremiah 23:16

A vanglian Topa in, “Note kiangah thu hong hilh a, a hong lamen khialsak kamsangte’ thu gennate ngai kei un. Amaute in a lungsim sung uh-a a geltawm uh hong gen uh ahi a, keima kiang pana hong pai thu ahi kei hi.

Jeremiah 23:36

‘Topa’ thugen in vangik khat ahi hi,’ ci-in a gen nawn kei ding uh hi. Bang hang hiam na cih uh leh note’ thu genna note’ vangik ding ahi zaw hi. Note in eite’ Pasian ahi a nungta Pasian, a vanglian Topa’ thu gennate na lumlet gawp uh hi.

ROM (Romans) 16:17

Ute naute aw, na san’sa uh thuhilhna tawh kituak lo, kikhenna leh pukna a bawl thei mite ciamteh un la, tang un, ci-in kong thuum hi.