Galati 1:7 - Tedim Bible

⁷ Tua Lungdamna Thu in ‘lungdamna thu dang’ ahi kei hi. Note hong bawlsia-in Khazih’ Lungdamna Thu a lumlet nuam mi kimkhat a om uh hi.

Tedim Bible Revision 2017

⁷ A taktakin ci lehang lungdamna thu a dang a om hi lo a, mi pawl khatte in noteʼ lungsim hong toknawi-in, Khris hanga lungdamna thu hei-in thudang tawh laih nuam uh ahih manin, tua amauʼ deih thu pen lungdamna thu a cihsak mawkmawk ka hi hi.

Galati 1:7 Referans Kwoze

Sawltak 15:24

Mi kimkhatte in ko thupiak lohin kote kiang panin a paikhia uh a, note lungsim uh hong lumletin, hong gimsak zo cih thu ka za uh hi.

Galati 5:10

Note in lungsim tuamdang na nei kei ding uh hi ci-in keimah in Topa sungah note tawh kipawlin upna taktak ka nei hi. Note hong khelbawl mi in kuakua ahih hangin ama mawhna dan a thuak ding hi.

2 KORIN NIHNA 11:13

Bang hang hiam na cih uh leh, tua bang mite in sawltak zuau ahi uh hi. Khazih’ sawltak banga kibawl a kheem thei nasemte ahi uh hi.

Galati 5:12

Note hong khialsak mite in amaute mah kiget ta uh hen ka ci hi!

2 KORIN NIHNA 2:17

Met nadingin Pasian’ thu a zuak kawikawi mite tawh kote kibang loin, lungsim siangthoin Pasian’ sawltak mite bangin Pasian mai-ah lungsim tak tawh Khazih’ thu ka hilh uh hi.

Mangmuhna 20:3

kuampi sungah a khiatsuk khit ciangin tua kum tul a cin’ matengin mipawlpawlte a kheem kik zawh loh nadingin kuampi kong khak cipin a tungah a ciamteh hi. Tua hun a bei ciangin amah tomkha sung a khahkhia ding hi.

2 JOHAN NIHNA 1:10

Mi khat in note kiangah hong pai a, hih thu a vom kei leh, amah note innah na tungsak kei un; “Thupha ngah in,” ci-in hopih kei un.

1 JOHAN MASA 4:1

Ka itte aw, kha khempeuh um kei un. Khate in Pasian tawh kipawl hiam, kipawl lo hiam dongtelin, en un. Bang hang hiam na cih uh leh, zuauthu a gen kamsang tampi leitungah a paikhia zo uh hi.

Mangmuhna 19:20

sahang tawh, sahang mai-ah nalamdangte lakin, sahang ciamtehna nei-in, sahang milim a bia uh mite a kheem, a zuau kamsangpa in kimatna a thuak khit ciangin, amau nih in kat meiphual sungah a hing tangin kikhiatna a thuak uh hi.

Mangmuhna 13:14

Sahang mai-ah amah lah theih ding a ngah nalamdangte hangin amah in leitungah a om mite kheemin, tem satna ma a om, a nungta sahang’ milim khatpeuh peuh bawlsak in ci-in leitungah a om mite kiangah a cih khit ciangin,

Mangmuhna 12:9

Leitung khempeuh a kheem Dawimangpa, Satan kici tang lai gulpi pen ama nungzuite tawh leitungah a kikhiasuk hi.

Mangmuhna 2:20

Ahih hangin nang tungah gen ding thu ka nei hi. ‘Kamsang numei ka hi’ a ci Jezebel nang in na nial kei a, numei leh pasal khialhna gamtat nading ahi zongin, milim mai-ah biakna sa nek nading ahi zongin tua numei in ka silate hilhin a zol hi.

Mangmuhna 2:6

Nangma tungah a om phatnate in ka muhdah Nikolas pawlte’ gamtatnate kei’ muhdah mah bangin nangmah in zong na muhdahna ahi hi.

Mangmuhna 2:2

“Nangma gamtatna ahi zongin, na hahkatna leh na thuakzawhna ahi zongin, mi gilote na thuak zawh loh tham loin, amau sawltak hi lopi ‘Sawltak ka hi uh’ a ci mite dongtel entelin, a man lo mi ahih uh thu na muh ahi zongin,

Juda 1:4

Bang hang hiam na cih uh leh, eite Pasian’ hehpihna thupha in kihhuai tat nopna suaksakin, eite hong uk khat bek ahi Topa Zeisu Khazih nialin, Pasian’ thu a deih lo mite in hih thutanna thuak dingin tanglai pek a, a kiciamtehsa mi kimkhat in note’ lakah hong lutsim uh hi.

2 JOHAN NIHNA 1:7

Zeisu Khazih in mi pum bangin ci-le-sa tawh hong pai hi ci-a sang lo mi kheem tampi, leitungah hong pai zo uh hi. Hih bang mi in mi kheem mi leh Anti Khazih ahi hi.

1 JOHAN MASA 2:26

Note hong kheem mite thu uh hih bangin kong gelh hi.

2 TIMOTI NIHNA 2:18

Amaute in, “Misite’ thawhkikna a kheng zo hi,” ci-in thu-upna lam pan pialin mi kimkhatte’ upna a siasak uh hi.

Galati 6:17

Tu-a kipanin kuamah in kei hong nawngkaisak kei hen. Bang hang hiam na cih uh leh, ka pumpi tungah Zeisu’ ciamtehnate ka pua hi.

Galati 4:17

Tua mite in note a kilawmin hahkatin hong zo lo tham loin, note in amaute na zon’ nadingun a pua lamah note hong koih nuam ahi uh hi.

Galati 2:4

Khazih Zeisu hangah i ngahsa suahtakna thu en simin eite sila hong suahsak nadingun kheemna tawh a hong tumsim ute naute banga kibawl mite’ thu hangin tua bang hong bawl uh hi.

2 KORIN NIHNA 4:2

Zumhuaina tawh kipawl a kiseel nate ka paaikhia zo uh hi. Kikheemna zang loin Pasian’ thu im loin, lumlet loin, thuman a tel takin hilhin Pasian mai-ah mi khempeuh in a kitheihna lungsim tawh hong phat nading phathuaina ka gamta uh hi.

Sawltak 20:30

Nungzuite a zolkhia dingin thuzuau a gen mite in note lakah a piang ding uh hi cih ka thei hi.

Sawltak 13:10

“Thuzuaute leh kheemna pawl khempeuh tawh a dim, dawimangpa’ ta, thuman thutak’ gal aw, Pasian’ Lampi tang siasak dingin tawp lo ding na hi hiam?

Mattiu 24:24

Bang hang hiam na cih uh leh, zuauthu gen kamsangte leh Khazih zuautheite hong piang ding uh a, a teelsate nangawn a khem zawh leh a khem nadingun, lim leh nalamdang a liante hong lak ding uh hi.

Jeremiah 23:26

Zuauthu tawh thu hilh a, a phuahtawm uh thu a hilh kamsangte’ lungsim sungah zuauthu bang tanvei teeng lai ding ahi hiam?

Jeremiah 23:36

‘Topa’ thugen in vangik khat ahi hi,’ ci-in a gen nawn kei ding uh hi. Bang hang hiam na cih uh leh note’ thu genna note’ vangik ding ahi zaw hi. Note in eite’ Pasian ahi a nungta Pasian, a vanglian Topa’ thu gennate na lumlet gawp uh hi.

Galati 1:6

Khazih’ hehpihna thupha hangah note hong sampa tawh hih zah taka manlangin kikhenin ‘lungdamna thu’ na sang uh ahih ciangin lamdang ka sa hi!