Galati 1:6 - Tedim Bible

⁶ Khazih’ hehpihna thupha hangah note hong sampa tawh hih zah taka manlangin kikhenin ‘lungdamna thu’ na sang uh ahih ciangin lamdang ka sa hi!

Tedim Bible Revision 2017

⁶ A hong hehpihna tawh Khris hangin note a hong sam Pasian nusiakik pakin lungdamna thudang khat na sang malam na hih manun lamdang ka sa mahmah hi.

Galati 1:6 Referans Kwoze

2 KORIN NIHNA 11:4

No omna-ah a hong pai mi in ko hong hilh loh Zeisu khat hong hilh zongin, na ngah ngei loh uh Kha Siangtho na ngah uh zongin, na ngaih nai loh uh Lungdamna Thu na ngai uh zongin tua-pa na thuak thei uh hi.

Isaiah 29:13

Tua ciangin Topa in: “Amaute’ lungsim kei tawh kigamla napi-in hih mite in a kam uh tawh kei kiangah hong nai uh a, a muk uh tawh kei hong pahtawi-in, amaute in kei hong kihtakna pen mihingte’ thupiak a zuihna uh ahi lel hi;

Late 106:13

Ahih hangin amaute in ama nasepte mangngilh pah uh a, ama thugen ding ngak loin gamta pah uh hi.

1 TIMOTI MASA 1:3

Thu hilhna tuamdang hilh lo ding ci-in ahi zongin, upna hangah a om Pasian ngeina kipsak loin khat leh khat kinialna a bawl thei tanglai thu leh khang ciamtehna mang lo ding ci-in ahi zongin, mi kimkhat na kham nadingin Efesa khua-ah na om nadingin, Makedonia gamah ka pai laitakin ka hong thuum bangin om lai in, kong ci kik hi.

1 KORIN MASA 4:15

Khazih sungah thuhilh thenkhat na neih uh hangin pa tampi na nei kei uh hi! Bang hang hiam na cih uh leh, keimah in Lungdamna Thu hangin Khazih Zeisu’ sungah note’ pa kong suak zo hi.

Sawltak 15:11

I Topa Zeisu’ hehpihna bek tawh tua mite in gupna a ngah khit mah bangin, eite in zong gupna i ngah hi cih thu i um hi,” a ci hi.

Galati 5:4

Thukham hangah diktan’sakna a ngah nuam note in, Khazih tawh kikhenin, ama hehpihna pan na puk zo uh hi.

ROM (Romans) 10:3

Bang hang hiam na cih uh leh, amaute in Pasian’ dikna thei loin, amau dikna kipsak nading a zong uh ahih ciangin, Pasian’ dikna thu a mang kei uh hi.

1 TIMOTI MASA 1:14

Eite Topa’ hehpihna thupha in zong Khazih Zeisu sungah a om upna leh itna tawh, a kigen khin zo loin tamin a om hi.

Mangmuhna 22:21

Topa Zeisu’ hehpihna thupha misiangthote tawh omkhawm ta hen. Amen.

2 TIMOTI NIHNA 2:1

Tua ahih ciangin ka ta aw, nangmah in, Khazih Zeisu sungah a om hehpihna thupha tawh thahatin om in.

2 TIMOTI NIHNA 1:9

Tua Pasian in eite gamtatna hang hi lo, tang lai a hun hong tun’ ma-in, Khazih Zeisu sungah eite ading ama hanciamna leh a hong piak hehpihna a ngaihsut kholhsa bangin eite hong gumkhia a, a siangtho sapna tawh hong sam hi.

2 THESALONIKA NIHNA 2:14

Tua bang deihna hangin ka thu hilh uh Lungdamna Thu tawh note hong sam zo hi. Bang hang hiam na cih uh leh, note in i Topa Zeisu Khazih’ vangliatna na ngah nading uh ahi hi.

ROM (Romans) 5:2

Tua Topa hangin eite omna hehpihna sungah upna hangin tum theihna thu i ngah hi; Pasian’ vangliatna lamenin lungdamin i om hi.

Johan 9:30

Amah in, “Ka mittang hong vaksak hi napi-in a pian’na na theih loh uh lamdang hi.

2 PETER NIHNA 1:3

Tua mah bangin ama minthan’na leh ama dikna tawh hong sam Pasian’ theihtel pilna hangin, eite nuntakna leh Pasian lamah nopsakna tawh kipawl na khempeuh ama vangliatna siangtho a hong pia zo hi.

1 PETER MASA 1:15

a hong sampa a siangtho mah bangin na hihna khempeuh uh na siangthosak un.

Marka 6:6

Amaute up lohna lamdang a sa hi. Zeisu in khuapite leh khuaneute sungah thuhilhin a vak kawikawi hi.

ROM (Romans) 8:28

Pasian a it mite ahi uh, a geelna banga a sap mite adingin na khempeuh in hoih nadingin a piang uh hi cih i thei hi.

ROM (Romans) 8:30

Pasian in a ciamtehsa mite a sam hi. A sapsa mite zong a diksak hi. A diksak mite vangliatna a pia hi.

2 KORIN NIHNA 2:17

Met nadingin Pasian’ thu a zuak kawikawi mite tawh kote kibang loin, lungsim siangthoin Pasian’ sawltak mite bangin Pasian mai-ah lungsim tak tawh Khazih’ thu ka hilh uh hi.

Galati 1:7

Tua Lungdamna Thu in ‘lungdamna thu dang’ ahi kei hi. Note hong bawlsia-in Khazih’ Lungdamna Thu a lumlet nuam mi kimkhat a om uh hi.

Galati 1:11

Ute naute aw, keimah in ka hilh Lungdamna Thu in mite’ thu ahi kei hi,

Galati 1:15

Ahih hangin ka nu’ gil sung pan hong teelkhia a, ama hehpihna thupha tawh hong sam Pasian in,

Galati 2:2

Pasian in thu hong piak bangin pai-in Gentailte kiangah Lungdamna Thu ka hilhnate, amaute ka zasak hi. Ahih hangin ka nasep thu leh ka sepsate in a mawkna a suah loh nadingin, a minthang mite kiangah ka gen sim hi.

Galati 2:5

Thuman thu ahi Lungdamna Thu in nomau sungah kip-a, a om nadingin kote in tua mite thu mitphiat sung nangawn ka mang ka ngai kei uh hi.

Galati 2:7

vunatna a thuak mite lakah Piter in sawltak a suah nadingin Piter tungah a bawlpha mi in Gentailte lakah kei sawltak ka suah nadingin keimah tungah hong bawlpha a,

Galati 2:14

Amaute in Lungdamna Thu tawh kituak thuman thutak bangin a tang takin a zuih loh uh ka muh ciangin mite khempeuh mai-ah Kefas kiangah, “Nang, Judah mi na hi napi-in Judah ngeina bang gamta loin, Gentailte’ ngeina bang na gamtat leh, Gentailte in Judah ngeina bang a zuih nadingun bang hangin amaute zawhthawh thu tawh na bawl hiam?” ka ci hi.

Galati 5:14

Bang hang hiam na cih uh leh, “Na pumpi na it bangin na lawmte na it in,” a cihna thukham na zuih uh leh, Thukham khempeuh a zui khin na suak uh hi.