Galati 1:4 - Tedim Bible

⁴ Tua Zeisu in Pasian’ deihna tawh kituakin a gilo ahi hih leitung pan eite hong gumkhia dingin ah eite khialhna ading ama pumpi kipia hi.

Tedim Bible Revision 2017

⁴ A siahuai tu hunsung panin eite a hong suahtaksak nadingin eiteʼ Pa Pasianʼ deihna tawh kizui-in i mawhna hangin tua Jesu Khris a mahmah a hong kipiatawm ahi hi.

Galati 1:4 Referans Kwoze

Mattiu 20:28

Tua mah bangin, Mihing Tapa in midangte na sem sak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin a hong pai hi,” a ci hi.

ROM (Romans) 4:25

Tua Topa in eite khialhna hangin kipia a, eite in dikkisakna i ngah nadingin a kithosak kik hi.

Galati 2:20

Keima pumpi a nungta lai ahi kei hi, Khazih in keima sungah a nungta hi. Tu-in ka pum sungah a nungta ka nuntakna in kei hong it a, keimah tangding ama pumpi a paai Pasian Tapa’ upna tawh a nungta hi.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

1 TIMOTI MASA 2:6

Tua Zeisu in mi khempeuh tankhia dinginah ama pumpi a pia hi. Amah a hun a tun’ ciangin teci pang dingin a om hi.

ROM (Romans) 12:2

Hih leitung mite bangin na om kei un. A hoih, a deihhuai, a kicing ahi Pasian’ deihna in bang ahi hiam ci-in na khen theih nadingun na lungsim uh bawl thakin, na lim uh na kilamdangsak un.

Filippi 4:20

Eite’ Pa leh Pasian tungah a tawntungin minthan’na om tawntung ta hen. Amen.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

1 JOHAN MASA 3:16

Khazih in eite tangding a nuntakna a paih maninah eite in itna i thei hi. Eite in zong ute naute tangding i nuntakna paih ding a kilawm hi.

1 JOHAN MASA 2:2

Tua Topa in eite mawhna tham loin, leitung mi khempeuh’ mawhna maisak nading ahi hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

Jeim 4:4

Apangtatte aw, leitung tawh kipawlna in Pasian tawh kilem lohna ahih lam thei lo na hi uh hiam? Tua ahih leh, leitung tawh a kipawl mi peuhmah in Pasian’ gal a suak hi.

2 THESALONIKA NIHNA 2:16

I Topa Zeisu Khazih mahmah leh, eite hong it-a hong hehnep tawntungna thu ahi zongin, hehpihna thupha tawh apha lametna ahi zongin a hong pia, i Pa Pasian in,

Johan 12:31

Tu-in hih leitung in thukhenna a thuak ding hi. Tu-in hih leitung ukpa kihawlkhia ding hi.

Mattiu 26:28

Bang hang hiam na cih uh leh, hih in mi tampite’ mawhna kimaisak nading a kibuasa, thuciamna thak ka sisan ahi hi.

Isaiah 65:17

En un, vantung thak leh leitung thak ka piangsak hi; a beisa nate kiciamteh nawn lo, kiphawk kha nawn lo ding hi.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

Hebru 2:5

Eite in i hilh a nung ciangin a piang ding leitung in vantungmite nuai-ah a koih kei hi.

1 THESALONIKA MASA 3:11

Note omna-ah ka hong pai nading lampi i Pa Pasian mahmah leh i Topa Zeisu in hong bawlsak ta hen.

Efesa 6:12

Bang hang hiam na cih uh leh, eite in ci-le-sa tawh kido i hi kei hi; asang belte tawh ahi zongin, ukte tawh ahi zongin, vangliatna tawh ahi zongin, leitung tawh kipawl khuamial ukte tawh ahi zongin, vantung tawh kipawl munah a om gilo khate tawh ahi zongin i kido hi.

Efesa 1:11

Ama deihna tawh kipawl hanciamna bangin tanglai peka eite hong ciamtehsa bangin eite in tua Khazih sungah luahna na i hi hi.

Galati 6:14

Kei ka hih leh, eite Topa Zeisu Khazih’ singlamteh sim loh, bangmah dangah ka kisathei het kei ding hi. Tua singlamteh ah hih leitung in kei ading kikhenin a om hi. Keimah in zong leitung ading kikhenin ka om hi.

ROM (Romans) 8:32

Ama Tapa khat bek haza lo a, eite khempeuh ading a piapa in man ngen loin nate khempeuh ama Ta tawh hong pia khawm loin a om ding hiam?

ROM (Romans) 8:3

Thukham in i ci i sa hangin a thanem ahih ciangin a kibawl zo lo nate, Pasian in mawhna tawh a dim pumpi lim bangin a Tapa mawhna maisak dingin hong sawlin, ci leh sa sungah mawhna a hong khen hi.

Johan 10:11

Keimah in migi tuucing ka hi hi. Migi tuucing in a tuute tang dingin a nuntakna a paai hi.

Johan 6:38

Bang hang hiam na cih uh leh, keima deih bangin gamta dingin vantung pan hong kumsuk ka hi kei hi; kei hong sawlpa’ deihna bang gamta dingin hong kumsuk ka hi hi.

Johan 5:30

“Keimah in ka ut bangin ka hih thei kei hi. Ka zak bangin thu ka khen hi. Ka thukhenna in thu taktak ahi hi. Bang hang hiam na cih uh leh, keima deihna bang hi loin, kei hong sawlpa’ deihna bangin ka hih hi.

Luka 22:42

khukdin’in, “Pa aw, na deih leh, hih hai kei tawh hong kipelhsak in. Ahih hangin keima deihna bang hi kei hen; nangma deihna bang hi ta hen,” ci-in thu a ngen hi.

Marka 10:45

Bang hang hiam na cih uh leh, Mihing Tapa in midangte na semsak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin hong pai ahi hi,” a ci hi.

Mattiu 26:42

Nihveina va pai a, “Pa aw, hih hai kei dawn lohin kei tawh a kipelh theih kei leh, nangma deihna bangin hi ta hen,” ci-in thu a ngen kik hi.

Mattiu 6:9

Tua ahih ciangin, thu na nget uh ciangin hih bangin na ngen un: ‘Vantunga a om kote Pa aw, nangma min siangtho ta hen.

Late 40:8

nangma deih bang hihna-ah nuam ka sa hi, ka Pasian aw; na thukham ka lung sungah om hi,” ka ci hi.

Mangmuhna 7:9

Tua khit ciangin ka et leh, gam khempeuh, nam khempeuh, pawl khempeuh, kam khempeuh sung panin kuama sim zawh loh mihonpi in tokhom leh Tuuno mai-ah puanpak silhin, a khut uhah nisuh hiang tawi-in a ding uh ka mu hi.

ROM (Romans) 8:27

Lungsim sung a zongpa in Kha Siangtho’ lungsim a thei hi. Bang hang hiam na cih uh leh, tua Kha Siangtho in misiangthote ading Pasian’ deihna tawh kituakin thu a ngetsak hi.

Luka 22:19

Amah in khomun la a, hehpihna a phat khit ciangin, khomun balnenin, “Hih khomun in note ading a kipia ka pumpi ahi hi. Kei nong ngaihsut nadingun hih bangin na hih un,” ci-in a nungzuite a pia hi.

Mattiu 13:22

Ling lakah a kiate ahih leh, thu a zak ciangin leitung lunghihmawhna, sum leh pai khemna in depgawp uh a, a gah zo lote ahi hi.

1 KORIN MASA 15:3

Ka ngah bangin note kiangah ka hong gen masak thu in: Lai Siangtho sungah a kigelh mah bangin Khazih in eite mawhna taang ding sihna a thuak hi.

Efesa 5:16

tuni hunte in a gilo ahih maninah, ahun na teel un.