Galati 1:15 - Tedim Bible

¹⁵ Ahih hangin ka nu’ gil sung pan hong teelkhia a, ama hehpihna thupha tawh hong sam Pasian in,

Tedim Bible Revision 2017

^15-16 Ahi zongin Pasian in a hong hehpihna tawh ka suah ma pekin kei hong teelin ama na a sem dingin hong sam khin hi. Keimah in ama Tapa hanga lungdamna thu, Gentail mite lakah ka hilh theih nadingin kei tungah a Tapa hong kilatsak hun laitakin kuama kiangah thu dongin ka pai kei a,

Galati 1:15 Referans Kwoze

Jeremiah 1:5

“Gil sungah kong bawl ma-in nang kong thei khin zo hi; na suah ma-in kong teelkhia khin zo a, minam dangte’ tungah kamsang dingin kong koih khin zo hi,” hong ci hi.

Isaiah 49:5

Ama kiangah Jakob paipih kik a, ama kiangah Israelte a kikaihkhop theih nadingin, Topa’ mai-ah kei hong kipahtawi a, Pasian pen keima thahatna suak-in, ama nasem dingin ka nu gilsung panin keimah hong piangsak Topa in tu-in thu hong gen a—

Isaiah 49:1

Tuipi kulh gamte aw, ka thu ngai un la, gamlapi-a om mihingte aw, ngai un. Ka suah ma-in Topa in kei hong sam a, ka nu’ sungah ka om lai-in amah in ka min hong phuak hi.

2 TIMOTI NIHNA 1:9

Tua Pasian in eite gamtatna hang hi lo, tang lai a hun hong tun’ ma-in, Khazih Zeisu sungah eite ading ama hanciamna leh a hong piak hehpihna a ngaihsut kholhsa bangin eite hong gumkhia a, a siangtho sapna tawh hong sam hi.

Efesa 1:5

Tua Pasian in a it a Tapa hanga eite hong hehpihna vangliatna a phate phat dinginah

1 KORIN MASA 1:9

I Topa ahi ama Tapa Zeisu Khazih tawh kipawlna sungah hong sam Pasian in ciam pelh mi ahi kei hi.

ROM (Romans) 1:1

Mipawl lamsang ah David’ suan ahi, sihna pan a thawhkikna hangin a siangtho Kha lamsang ah vangliatna a nei, Pasian’ Ta kici i Topa Zeisu Khazih ahi,

Sawltak 13:2

Topa’ na sem uh a, an a tan’ lai takun Kha Siangtho in “Barnabas leh Saul keima nasem ding ka sapsa bangin hong khenkhiat un,” a ci hi.

Sawltak 9:15

Topa in, “Pai ta in. Bang hang hiam na cih leh, amah in Gentailte mai-ah ahi zongin, kumpite mai-ah ahi zongin, Israelte mai-ah ahi zongin, ka min a puak dingin ka teelsa beel ahi hi.

ROM (Romans) 8:30

Pasian in a ciamtehsa mite a sam hi. A sapsa mite zong a diksak hi. A diksak mite vangliatna a pia hi.

Mattiu 11:26

A hi mah hi, ka Pa aw, tua bangin na deih hi.

1 SAMUEL MASA 12:22

Topa in ama min a khualna-in ama mite paaikhia lo ding hi; bang hang hiam cih leh ama mi-in note hong bawl nadingin Topa lungkim sak hi.

1 PETER MASA 5:10

Khazih hangin note, ama vangliat tawntung minthan’na ah hong sam, hehpihna thupha khempeuh’ Pasian in tawlkhat gimna na thuak khit uh ciangin, hong cingsak, hong kipsak, hong khauhsak ding hi.

Efesa 1:9

Pasian in a ngimsa bangin hih a, Khazih hanga a sepsawm a sehsa thuthuk eite hong thei sak hi.

Galati 1:6

Khazih’ hehpihna thupha hangah note hong sampa tawh hih zah taka manlangin kikhenin ‘lungdamna thu’ na sang uh ahih ciangin lamdang ka sa hi!

1 KORIN MASA 15:10

Ahih hangin Pasian’ hehpihna thupha hangin ka hi bangin ka hi hi. Ka ngahsa hehpihna thupha a mawkna ahi kei hi, sawltakte khempeuh sangin hahkat zaw-in ka sem hi. Tua bang ka cih hangin kei a hahkat ka hi kei hi; keimah tawh a omkhawm Pasian’ hehpihna thupha in a hahkat hi.

1 KORIN MASA 1:24

Ahih hangin Judah mi hi taleh, Grik mi hi taleh, a kisamte adingin Pasian’ vangliatna leh Pasian’ pilna ahi hi.

1 KORIN MASA 1:1

Pasian’ deihna hangin Khazih Zeisu’ sawltak za-ah hong koih, keimah Paul leh i sanggampa Sosthenes in

Luka 10:21

Tua lai takin Zeisu in Kha Siangtho tawh lungdam a, “Vantung leh leitung a uk ka Pa aw, nangmah in hih thute mipilte leh misiamte kiangah im-inah, naupangte tungah lak na hih ciangin, na hehpihna ka phat hi. Ahi mah hi ka Pa aw, tua bangin na deih hi.

ROM (Romans) 9:24

Judah mipawl sung pan bek hi lo, Gentailte sung panin zong hong sap eite tungah a kicing vangliatna a kilat nadingin hong bawl leh, bang gen ding a om hiam?

ROM (Romans) 8:28

Pasian a it mite ahi uh, a geelna banga a sap mite adingin na khempeuh in hoih nadingin a piang uh hi cih i thei hi.

1 KORIN MASA 1:21

Bang hang hiam na cih uh leh, Pasian’ vaihawm bangin leitung mite in amau lungpilna hangah Pasian thei lo uh ahih ciangin, Pasian in a umte thuhilhna hai tawh a gup nading lungsim a nei hi.

Galati 1:1

Mite kiang pan hi lo, mite’ thu tawh hi lo, Zeisu Khazih’ thu tawh ahi zongin, tua Zeisu sihna panin a thosak Pa Pasian’ thu tawh ahi zongin sawltak ahi keimah Paul akipan,