Filippi 4:9 - Tedim Bible

⁹ Note in nidang lai-in keima kiangah sinin na zaksa, na muhsa, na ngahsa uh nate na zui un, Tua bangin na zuih uh leh, nopna’ Pasian in note tawh hong omkhawm ding hi.

Tedim Bible Revision 2017

⁹ Keima genna le ka gamtatna panin thei-in na san uh thute, nomau pumpi mahmah tawh na zui un. Tua hileh nopsakna a hong pia thei Pasian in note hong ompih ding hi.

Filippi 4:9 Referans Kwoze

Jeim 1:22

Note’ pumpi uh kikheemin thungaite bek hi kei un; thu banga gamtate na hi un.

Filippi 3:17

Ute naute aw, kei’ gamtat mah bangin a kituakin na gamta un. Note lakah ka hong piak uh lim tawh kituakin a gamta mite zong na ciamteh un.

2 PETER NIHNA 1:10

Tua ahih ciangin ute naute aw, note hong sapna leh hong teelna kipsak nadingin, nakpi-in hahkat zaw un. Tua bang na hih uh leh, na puk ngei kei ding uh hi.

Johan 13:17

Tua nate thei-in na hih le-uh teh, thupha na ngah ding uh hi.

Filippi 4:7

Tua bang na hih uh leh, kuamah in a tel zawh loh Pasian’ nopna in Khazih Zeisu sungah note lungsim uh leh na ngaihsutnate uh hong keem ding hi.

ROM (Romans) 16:20

Nopna hong pia Pasian in a sawt loin note khe nuai uh ah Satan a bawlsia ding hi. Eite Topa Zeisu Khazih’ hehpihna thupha in note tungah om ta hen.

2 KORIN NIHNA 13:11

A tawpna thu in ute naute aw, na cidam ta un. Kicin’na, kihehnepna na nei un. Lungsim kikhatin om un. Khat leh khat kilemin om un. Tua bang na hih uh leh, itna nopna Pasian in no tawh hong omkhawm ding hi.

Luka 6:46

“Keima thu ngai loin, ‘Topa aw, Topa aw,’ ci-in bang hangin hong ci na hi uh hiam?

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Mattiu 7:21

“Topa aw, Topa aw,’ hong ci khempeuhte Vantung Gam sungah tum thei kim lo ding uh hi. Vantungah a om ka Pa’ deih bang a gamtate bek a tung ding uh hi.

2 THESALONIKA NIHNA 3:4

Kote’ thupiakna bangin note in tu-in na gamta uh tham loin, a nung ciangin zong na gamta ding uh hi ci-in Topa suangin kote in ka lungkim uh hi.

1 THESALONIKA MASA 1:6

Note in gimna lian na thuak uh hangin Kha Siangtho tawh akipawl lungdamna tawh, Pasian thu sangin kote tawh Topa ngeina bangin a gamta mite na hi uh hi.

1 THESALONIKA MASA 5:23

Nopna hong pia Pasian mah in note khempeuh hong siangthosak ta hen. Note lungsim, na kha leh na pumpi uh, i Topa Zeisu Khazih hong pai kik ciangin mawhsakna tawh a kipelh nadingun hong keem ta hen.

ROM (Romans) 15:33

Nopna hong pia Pasian in note khempeuh tawh omkhawm ta hen. Amen.

Johan 2:5

A nu in nasemte kiangah, “Ama hong sawl khempeuh na hih un,” ci-in a gen hi.

Luka 8:21

Zeisu in, “Pasian’ thu za-a a mangte in ka nu, ka sanggampa, ka sanggamnu ahi uh hi,” a ci hi.

1 THESALONIKA MASA 2:14

Bang hang hiam na cih uh leh, Judah gamah Khazih Zeisu sungah a om pawlpite in Judah mite’ khut tung pan gimna a thuak uh bangin, ute naute aw, note in zong na mipawlte khut sung uh ah tua bangin na thuak uh ahih ciangin, Judah gamah a om pawlpite bangin a gamta mi na hi uh hi.

1 KORIN MASA 10:31

Tua ahih ciangin note in anneek tuidawn akipan na khempeuh na bawl uh ciangin Pasian’ minthan’ nading ngaihsunin na hih un.

Thu-hilhkikna 5:1

Moses in Israelte khempeuh samin amaute kiangah, “Israelte aw, tu ni-a note zak-in kong gen thukhamte leh ngeina kipte za un la, note in thei-in lim takin zuih ding na ngaihsun ding uh hi.

Sawltak 9:6

Ahih hangin tho in la, khua sungah tum in, na gamtat nadingin thu hong kihilh ding hi,” a ci hi.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

2 TIMOTI NIHNA 4:22

Topa in na kha tawh omkhawm ta hen. Nangma tungah hehpihna thupha om ta hen.

1 KORIN MASA 14:33

Pasian in kitotna tawh kipawl Pasian hi loin kilemna tawh kipawl Pasian ahi hi.

Johan 15:14

Note in ka thupiakna bangin na hih uh leh, ka lawmte na hi ding uh hi.

1 JOHAN MASA 3:22

A piak thupiaknate zui-in, amah a lungdamsak ding nate i bawl maninah i ngetna peuhmah ama kiang pan i ngah hi.

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

Isaiah 8:10

Thu na vaihawm khawm uh hangin a mawkna suak ding hi; thu khat peuhpeuh na gen uh hangin kip lo ding hi; bang hang hiam cih leh kote tawh Pasian omkhawm hi.

1 KORIN MASA 4:16

Tua ahih ciangin kei’ gamtat bang na gamtat nadingun kong thuum hi.