Filippi 4:6 - Tedim Bible

⁶ Bangmah thu-ah lungmang loin, na khempeuh ah hehpihna phatin na nget nopnate uh Pasian kiangah na ko un.

Tedim Bible Revision 2017

⁶ Thu khat peuhpeuh ah lunghimawh lua kei unla, na kisap bangbang uh, lungdamna tawh Pasian kiangah na ngen un.

Filippi 4:6 Referans Kwoze

1 PETER MASA 5:7

Pasian in note hong keem ahih ciangin, na lunghihmawhna khempeuh uh ama tungah na koih un.

Late 55:22

Topa tungah na vangik nga in, amah in nang hong huh ding hi; amah in thumante cik mahin a kilingsak ngei kei ding hi.

Mattiu 6:8

Tuate tawh kibangin na hih kei un. Bang hang hiam na cih uh leh, na deihna khempeuh uh na nget ma un na Pa un a thei zo hi.

Jeremiah 33:3

Kei nong sap leh kong dawngkik ding a, na theih ngei nai loh a ki-im cip thu lianpite kong gen ding hi.

Paunak 16:3

Na nasepnate khempeuh ah Topa ap in, tua hi leh na geelna bangin tangtung ding hi.

Late 62:8

Mite aw, amah muang tawntung un; na lungkhamna teng uh ama tungah gen un; Pasian in eite’ bukna ahi hi.

Kolose 4:2

Thungen tawntung un la, hong hehpihna phatin ngak un.

Efesa 6:18

Thungetna pawlpawlte, thuumna pawlpawlte, Kha Siangtho tawh a tawntungin thu na ngen un. Tua bang thunget nading thakiam loin, misiangtho khempeuh ading thu nget sakin om un.

Kolose 3:17

Kampau ahi zongin, bawlna ahi zongin, na hihna khempeuh uhah Topa Zeisu’ min suangin, tua Topa hangah Pa Pasian’ hehpihna phatin na khempeuh na bawl un.

Luka 18:1

Amaute in lungkia loin thu a nget ngitnget nadingun, Zeisu in thugentehna tawh thu a hilh-inah,

Luka 12:22

Khatvei Zeisu in, “Tua ahih ciangin note kiangah kong gen-inah, bang ka ne ding hiam ci-in na nuntak nading uh lunghimawh kei un. Bang ka silh ding hiam ci-in na pumpi ading uh lunghimawh kei un.

Late 51:15

Topa aw, ka pau theih nadingin hong huh in; nangmah ka hong phat ding hi.

Kolose 3:15

Note lungsim sung uhah Khazih’ nopna na uksak un. Tua bang deihna-in note in pum khat bek sungah hong sapna a ngah na hi uh hi. Hehpihna phatna lungsim na nei un.

1 SAMUEL MASA 30:6

David nakpi takin lungkham hi; bang hang hiam cih leh mi khempeuh a tanute a tapate uh hangin a lungsim uh na lua ahih manin suang tawh amah den’ ding gen uh hi. Ahih hangin David in amahmah Topa a Pasian sungah kithakhauhsak hi.

Efesa 5:20

Na khempeuh ah hong hehpihna lian hi ci-in i Topa Zeisu Khazih’ min suangin Pa Pasian tungah lungdamna na puak tawntung un.

Late 55:17

Nitak, zingsang leh sunin, ka gimna leh ka thumna ka gen hi, amah in ka aw hong za ding hi.

Luka 10:41

Zeisu in, “Martha aw, Martha aw, nang in na tampi na lunghimawh a, gimna na thuak hi.

Luka 18:7

Pasian’ teelsate in sun leh zanin ama kiangah kiko-in thu a nget uh leh, amaute’ thu khensak ding hilo ahi hiam? Amaute sawtpi thuak ding ahi hiam?

Mattiu 10:19

Ahih hangin amaute in note hong piak uh ciangin, bang ka ci pau ding hiam, bang thu ka gen ding hiam ci-in lunghimawh kei un. Bang hang hiam na cih uh leh, na gen ding uh thu tua lai takin na ngah ding uh hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Luka 12:29

Bang ka ne ding hiam, bang ka dawn ding hiam ci-in na ngaihsun kei un.

1 SAMUEL MASA 1:15

Ahih hangin Hannah in dawngin, “Hi lo hi, ka topa aw, keimah in nakpi takin a lungkham numei ka hi hi; leenggahzu ahi a, kham theih zu ahi zongin ka dawn kei hi, Topa mai-ah ka lungsim a sungkhia ka hi hi.

2 KORIN NIHNA 1:11

Note in hong huhin, kote ading thu hong ngetsak le-uh teh, tunung ciangin zong hong gum ding hi ci-in kote in umin ka muang uh hi. Tua ciangin kote tunga hong hehpihna hangin mi tampite’ lungdamkohna in kote hangin Pasian kiang a tung ding hi.

1 KORIN MASA 7:32

Note in lunghihmawhna tawh na kipelh nading uh ka ut hi. Zi nei lo mi in Pasian lungdamsak nadingin Pasian’ thu a ngaihsun hi.

1 PETER MASA 4:7

Na khempeuh a beina hong nai zo hi. Tua ahih ciangin pha takpi kikeemin pil un, thungenin ngak un.

Mattiu 13:22

Ling lakah a kiate ahih leh, thu a zak ciangin leitung lunghihmawhna, sum leh pai khemna in depgawp uh a, a gah zo lote ahi hi.

Daniel 3:16

Shadrak, Meshak leh Abednego-te in Nebukhadnezzar kumpipa kiangah, “Kumpipa aw, hi thu kong dawng kei ding uh hi.

2 KHANG TANGTHU NIHNATE 32:20

Tua ciangin kumpipa Hezekiah leh Amoz’ tapa, kamsangpa Isaiah in hih thu hangin thu ngenin vantung lamah kiko uh hi.

1 SAMUEL MASA 7:12

Tua ciangin Samuel in suangtum khat la-in Mizpah leh Jeshanah kikalah phut a, a min Ebenezer phuak hi; bang hang hiam cih leh amah in, “Tu ciangciang Topa in eite hong huh hi,” a ci hi.

Solomon la 2:14

Suangheng kawm-a vasa bangin nang na bubu niloh hi. A ngaih baang na mai hong musak in la, a lungzuan’ huai na awging hong zasak in.

1 KORIN MASA 7:21

Sila na hihna-ah hong sam hiam? Hong sap leh, lunghimawh kei in. Ahih hangin suahtakna na ngah theih leh, suahtakna la zaw in.

1 KUMPI MASATE 8:28

Ahi zongin na nasempa’ thungetna leh a hong thuumna hong don in la, Topa ka Pasian aw, tu ni-in nangma mai-ah na nasempa in a hong ngetna ahi a kikona leh a thungetna hong ngai in;

Jeremiah 32:16

“Neriah’ tapa Baruk kiangah kileina lai ka piak khit ciangin Topa’ kiangah thu ka ngen a,

Daniel 6:10

Daniel in tua bang thu piakna lai kihawm khia khin zo ta hi cih a theih ciangin a innah a ciah hi. A inn tungnung dei sungah Jerusalem lam a nga kongvang neu thum a om hi. Tua lai takah kongvang neu honsa-in ahih ngei bangin khukdin’ in, ni khatin thum vei ta Pasian kiangah thu a ngen hi.

Mattiu 6:34

Tua ahih ciangin, zing ciang ading na lunghimawh kei un. Zing ciang in ama ading a lunghimawh ding hi. Tuni a, om lungkhamna in tuni ading a kicing hi.”

1 TIMOTI MASA 2:1

Tua ahih ciangin Pasian biakna lamah nuamsa-in, a kilawm gamtatna apawlpawlte bawlin kilemin, nuam takin i om nadingin, kumpi-a kipan ukna a nei mi khempeuh leh mi pawl khempeuhte ading thungenin, thuumin, itna pia-in, hehpihna phatna bawl dingin a masa-in ka hong zol hi.

1 TIMOTI MASA 5:5

Meigongnu taktak hi a, khat guak a om lai numei in Pasian muang a, sun tawh zan tawh thungenin a om tawntung hi.