Filippi 4:5 - Tedim Bible

⁵ Mi khempeuh mai-ah na lungsim nemna uh na lak un. Topa hong tun’na a nai zo hi.

Tedim Bible Revision 2017

⁵ Mi khempeuh tungah na dik un. Topa hong pai baih ta ding hi.

Filippi 4:5 Referans Kwoze

Mattiu 6:25

Tua ahih leh ‘Bang ka ne, bang ka dawn ding hiam?’ ci-in na nuntak nading uh lunghimawh kei un, ‘Bang ka silh ding hiam?’ ci-in na pumpi ading lunghimawh kei un. An sangin nuntakna a lianzaw hi. Puan sangin pumtak lianzaw hilo ahi hiam?”

Titu 3:2

kuamah gensia loin, kitawng loin, lungkhuah nei loin, mi khempeuh tungah lungnem takpi nading a ngaihsut nadingun thu na hilh in.

Hebru 10:37

“Bang hang hiam na cih uh leh, A hong pai dingpa in khawl loin, Tawlno khat khit ciangin a hong tung ding hi.

1 PETER MASA 4:7

Na khempeuh a beina hong nai zo hi. Tua ahih ciangin pha takpi kikeemin pil un, thungenin ngak un.

1 KORIN MASA 6:7

Tua bangin note in khat leh khat na kitot uh ciangin na guallelhna uh a kilang mahmah hi. Thuum loin bawlsiatna bang hangin thuak zaw lo na hi uh hiam? Bang hangin sum zatna thuak zaw lo na hi uh hiam?

Hebru 10:25

Mi kimkhatte’ ngeina bangin khat leh khat kikhopna thu pelh loin, khat leh khat kihansuah ni. A Ni hong nai zo ahih thu na thei uh ahih ciangin na hahkat zaw un.

Mangmuhna 22:7

En in, a manlangin ka hong pai ding hi! “Hih laibu-ah a om, a nung ciangin a piang ding nate genkholhna thute a zui mi in thupha ngah mi ahi hi,” hong ci hi.

1 KORIN MASA 8:13

Tua ahih ciangin ka annekna, ka tuidawnna in ka u ka nau a puksak leh, ka u ka nau ka puksak loh nadingin sa ka tang tawntung ding hi.

Mattiu 6:34

Tua ahih ciangin, zing ciang ading na lunghimawh kei un. Zing ciang in ama ading a lunghimawh ding hi. Tuni a, om lungkhamna in tuni ading a kicing hi.”

Mangmuhna 22:20

Hih thute teci a pang Topa in, “A man takin a manlangin ka hong pai ding hi,” ci-in thu hong pia hi. Amen. Topa Zeisu aw, hong pai ta in!

1 PETER MASA 1:11

Khazih’ thuak gimnate ahi zongin, tua gimna a thuak khit ciangin a kilang ding minthan’na ahi zongin, amaute sungah a om Khazih’ Kha Siangtho in teci a pan’ kholh ciangin a bang ci, a bang hun a cihnopna ci-in a zong uh hi.

1 KORIN MASA 9:25

Pawikhamna sungah a kidemte khempeuh in na khempeuh ah a pumpi uh a kham cip thei uh hi. Tuate in a vulgawp thei pahtakna lukhu a ngah nop manun a kidem uh hi. Eite i hih leh, a vul thei lo, a sia thei lo pahtakna lukhu ngah nadingin i kidem hi.

2 THESALONIKA NIHNA 2:2

Topa’ Ni a hong tun’ hun a nai zo bangin kamsan’na hang ahi zongin, kam pan pusuak thu hang ahi zongin, kote kiang pan hong khak uh lai hang ahi zongin, note in lungkiatna leh lunghimawh lin’na a manlangin na thuak loh nadingun ka hong thuum uh hi.

Luka 21:34

“Note na kikeem ta un. Ahih kei leh, annek tuidawn hih nuntakna leh lungman’na hangin na lungsim uh a gim lai takin, tua Ni in thang kisai bangin note tungah a hong tung ding hi.

1 KORIN MASA 16:22

Mi khat peuhmah in Topa a it kei leh, tua mi in hamsiatna thuak ta hen. Topa hong pai hi!

2 KORIN NIHNA 10:1

Note kiangah kiniamsak a, note tawh a kikhen ciangin a hang keimah Paul in Khazih’ lungnemna leh hehpihna tawh note kong thuum hi.