Filippi 4:20 - Tedim Bible

²⁰ Eite’ Pa leh Pasian tungah a tawntungin minthan’na om tawntung ta hen. Amen.

Tedim Bible Revision 2017

²⁰ I Pa Pasian in a tawntungin minthanna ngah tahen. Amen.

Filippi 4:20 Referans Kwoze

ROM (Romans) 11:36

Bang hang hiam na cih uh leh, na khempeuh in amah panin ahi zongin, amah hangin ahi zongin, amah adingin ahi zongin a piang uh hi. A tawntungin amah in minthan’na ngah ta hen. Amen.

Late 115:1

Kote tungah hi loin, Topa aw, kote tungah hi loin, na itna kip leh na thumanna hangin nangma tungah minthan’na om ta hen!

Mangmuhna 14:7

Tua vantungmi in, “Pasian kihta un la, a vangliatna phat un. Bang hang hiam na cih uh leh, a thukhen ding hun a tungzo hi. Vantung, leitung, tuipi leh cikte a piangsakpa na bia un,” ci-in nakpi-in kiko-in a gen hi.

Mangmuhna 7:12

“Amen! i Pasian tungah a tawntungin phatna leh minthan’na, pilna leh hehpih phatna, pahtawina, vangliatna leh hatnate om tawntung ta hen, Amen,” a ci uh hi.

Mangmuhna 5:12

Tua vantungmite in: “Thahna a thuak Tuuno in, vangliatna, hauhna, pilna, hatna, pahtawina leh phatna thuphate ngah dingin a kilawm hi,” ci-in nakpi-in kiko-in a phat uh hi.

Mangmuhna 1:6

ama Pa Pasian mai-ah eite kumpi za-ah ahi zongin, siampi za-ah ahi zongin hong koih Topa tungah minthan’na leh vangliatna om tawntung ta hen! Amen.

Late 72:19

A minthang ama min in thupha ngah tawntung hen la, ama minthan’na in leitung khempeuh dim ta hen! Amen, Amen.

Mangmuhna 11:13

Tua hun lai takin zin nakpi liingin khuapi seh sawm suah seh khat cimin, mi tulsagih a si uh hi. A om lai mite lau-in liingin, vantung Pasian’ vangliatna a phat uh hi.

1 TIMOTI MASA 1:17

A om tawntung Kumpipa ahi, a si thei lo, mit in a muh theih loh, khat bek a om Pasian in a tawntungin pahtawina leh minthan’na ngah ta hen. Amen.

Filippi 4:23

Topa Zeisu Khazih’ hehpihna thupha in note lungsim kha tawh omkhawm ta hen. Amen.

ROM (Romans) 16:27

pilna tawh a dim Pasian, Zeisu Khazih hangin a tawntungin minthan’na ngah ta hen! Amen.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Mattiu 6:9

Tua ahih ciangin, thu na nget uh ciangin hih bangin na ngen un: ‘Vantunga a om kote Pa aw, nangma min siangtho ta hen.