Filippi 4:19 - Tedim Bible

¹⁹ Ka Pasian in ama vangliatna tawh kipawl hauhna a om mah bangin, note kisapna khempeuh Khazih Zeisu sungah hong kicingsak ding hi.

Tedim Bible Revision 2017

¹⁹ A na ka sep i Topa Pasian in ama hauhna tawh kizui-in Khris Jesu hangin noteʼ kitangsapna khempeuh hong pia ding hi.

Filippi 4:19 Referans Kwoze

Late 84:11

Bang hang hiam cih leh Topa Pasian in eite hong hupa leh a minthang i Kumpi hi a, maipha leh pahtawina hong pia hi. Thuman-a gamtate tungah Topa in na hoih bangmah siit lo hi.

1 PETER MASA 5:10

Khazih hangin note, ama vangliat tawntung minthan’na ah hong sam, hehpihna thupha khempeuh’ Pasian in tawlkhat gimna na thuak khit uh ciangin, hong cingsak, hong kipsak, hong khauhsak ding hi.

1 TIMOTI MASA 6:17

Hih leitungah sum hau mite in lungsim kiliatsakna tawh kipelhin, a kip tawntung thei lo sum hauhna muang loin, eite lungdam nading na khempeuh a kicingin hong pia Pasian muangin, nuntakna taktak ahi nuntakna ngah nadingin, hong tung ding hun ciangin, amau ading a bulpi pha zong kholin, midangte tungah thupha bawlna, gamtat hoihna kicingin, midang hopnopna lungsim nei-in, khat leh khat kipawl nadingin kilemna thu bawl nading thu na pia in.

Micah 7:7

Ahi zongin kei ka hih leh Topa ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Malakhi 3:10

Ka biakinn ah an a om theih nadingin sawm-ah khat a kimin hong paipih un. Kei hong ze-et dih un; vantung kongkhakte hongin, note’ adingin na hoih tampi kong piakna na mu ding uh hi.

Nehemiah 9:15

A gilkialna uh a vahsak dingin vantung panin an na pia a, a dangtakna uh a phasak dingin suangpi panin tui na phulsak a, amaute tungah piak dingin na kiciamsa gamah lutin a luah nadingun amaute na sawl hi.

2 SAMUEL NIHNA 22:7

“Ka lungkhamna-ah Topa ka sam a, ka Pasian ka sam hi. A biakinn panin amah in ka aw hong za a, ka kikona ama bil ah tung hi.

Late 36:8

Na inn sunga na tampite tawh amaute nuamsa uh a, na lungkimna gun panin amaute dawn ding na pia hi.

Kolose 1:27

Gentailte lakah hih thu thukpi tawh kipawl alianpi nopsakna bang zahin lian ci-in misiangthote in a theih nadingin Pasian in a deih hi. Tua thu thukpi in: vanglian lametna thu ahi, note sungah a om Khazih ahi hi.

Efesa 3:16

Ka thungetna in: Topa in ama Kha Siangtho hangin note sung mi un hatna tawh kip tawntungin,

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

ROM (Romans) 8:18

Eite tungah hong kilang ding vangliatna ka ngaihsut ciangin, tu laitak i thuak gimnate ngaihsut tham ka sa kei hi.

Efesa 1:7

Pilna khempeuh leh phawktheih pilna khempeuh tawh kituak, eite tungah hehpihna a kicin’sak mah bangin tua Zeisu’ sisan hangin mawh maisakna ahi tatkhiatna thupha ama sungah eite in i ngah hi.

2 KORIN NIHNA 4:17

Bang hang hiam na cih uh leh, kote maitangah a kilangte in tawlkhat bek kip a,

ROM (Romans) 9:23

A vangliatna a lah nading a masa a bawlsa hehpihna a ngah belte ahi

Late 130:7

Israel aw, Topa muang in! Bang hang hiam cih leh Topa itna kip tawntung a, amah in hong honkhia nuam tawntung hi.

Late 104:24

Topa aw, nangma sepsa bangzah takin tam! Nangmah in ciimna tawh tuate khempeuh na bawl khin hi; leitung in nangma pian’sak ganhingte tawh kidim hi.

Efesa 1:18

hong sapna tawh kipawl lametna in bang ci bang lametna hi ahi zongin, misiangthote’ neih Topa luahna vangliatna bangzaha lian ahi zongin,

Efesa 2:7

Bang hang hiam na cih uh leh, Khazih Zeisu hangah eite hong hehpih a, a kicing mahmah ama hehpihna thupha a nung ciangin a kilatsak nading ahi hi.

ROM (Romans) 2:4

Pasian’ hehpihna thupha in nang kisikna lamah hong zol ciamteh loin na om lai takin, a kicing hehpihna leh lungduaina leh itnate don lo na hi hiam?

2 KHANG TANGTHU NIHNATE 18:13

Ahih hangin Mikaiah in, “Topa in a nungta ahih mah bangin, ka Pasian’ gen thu ka gen ding hi,” a ci hi.

Piancilna 48:15

Amah in Josef thupha pia-in, “Ka pate Abraham leh Isaak in a na a sep sak Pasian, tu ni dongin ka nuntak tawntung tuu bangin lam hong pi Pasian,

Daniel 6:22

Pasian in a vantungmi hong sawl a, ka liam loh nadingin humpinelkaite’ kam a humcip sak hi. Kumpipa aw, mawhna ka bawl loh lam leh, nang tunga zong khialhna ka bawl lohna amah in hong thei ahih manin tua bangin a hong bawl hi,” a ci hi.

ROM (Romans) 11:33

Pasian’ hauhna leh pilna leh siamna in bang zahin thuk hiam! A thukhennate kuamah in thei zo lo hi! A paina lampi zui-in i zon’ hangin i mu zo kei hi!

1 PETER MASA 5:1

Tua ahih ciangin upa ahi tham loin, Khazih’ gimna thuakna a mu teci hi a, a kilang ding vangliatna a zom ding keimah in note lakah a om upate kong hansuah hi.

ROM (Romans) 1:8

Nomau thu-upna in leitung gam khempeuh ah kizel ahih ciangin nomau hangin Zeisu Khazih tawh Pasian’ hehpihna ka phat masa bel hi.

Johan 20:27

Tua lai takin Thomas kiangah, “Na khutmete zan in la, ka khut en in. Na khut zan in la, ka pang hong lawng in, um khial kei in la, um in,” a ci hi.

Johan 20:17

Zeisu in, “Hong len kei in. Bang hang hiam na cih leh, ka Pa kiangah ka kahto nai kei hi. Ka sanggamte kiangah pai in la, ‘Ka Pa ahi note’ Pa, ka Pasian ahi note’ Pasian kiangah ka kahto ding hi,’ ci-in amaute kiangah va gen in,” ci-in a sawl hi.

Filemon 1:4

Nangmah in Topa Zeisu umin, misiangthote khempeuh na it ci-in thu ka zak ciangin ka Pasian’ hehpihna ka phat tawntunga nang ading thungetsakin ka om hi.

2 KORIN NIHNA 12:21

nidang hunin khialin kihhuai gamtatna, numei tawh mawhna, huk luatna, lan luatnate hih kha-in, tu dongin kisik lo-a om mi tampi hangin lungsim nuam loin ka thuum a, note mai-ah ka Pasian in kei hong niamkhiatin amaute hanga hong kidahsak khak ding ka lau hi.

Nehemiah 5:19

Pasian aw, hih mite’ adingin ka bawlna khempeuh kei’ adingin a hoih lamin hong phawk in.

Mattiu 6:32

Gentailte in tua nate khempeuh hangah a lungmang uh hi. Tua na khempeuh na sap uh vantungah a om na Pa un a thei hi.

Filippi 4:7

Tua bang na hih uh leh, kuamah in a tel zawh loh Pasian’ nopna in Khazih Zeisu sungah note lungsim uh leh na ngaihsutnate uh hong keem ding hi.

2 KHANG TANGTHU NIHNATE 31:8

Hezekiah leh uliante hong pai-in a lomte a muh uh ciangin amaute in Topa leh ama mi Israelte thupha pia uh hi.